YOHANE 15:11 - ICIGHAN BIBILO

¹¹ Akaa angan M ôr ne sha er iember Yam i̱ lu ken ven, iember yen i̱ hôm kpaa yô.

YOHANE 15:11 Iomraidhean Croise

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 62:4

Á kera yila u er, Uitekera ga, á kera yila tar wou er Ice kpaa ga, kpa á yila u er, Hepeshiba (doom a na) man tar wou kpaa er, Bula (kwase u ngohol); gadia doo TER a we, tar wou kpaa ua hingir er kwasengohol nahan.

Yeremia 32:41

Een, Me ember ve, Me eren a ve dedoo, Me môôr ve ken tar ne kpee sha ishima Yam cii man sha uma Wam cii kpaa.

Yeremia 33:9

Tsô gar ne una hingir Mo iti i iember, man kwagh u iwuese man u icivirigh, sha ishigh ki akuraior a sha won cii, a aa ungwa akaadoon a M eren a ve la cii; man aa cia, aa gbidye akarkase iyol sha ci u akaadoon cii man mkpeyol cii mba M ne un la.

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Luka 15:23

man va a icighangumbua, va sôngo, sé ya nen, sé ember nen;

Luka 15:32

Kpa ka u i̱ saan se iyol keng, se̱ ember, gadia anngôu ne lu kpe, a shi a hingir uma; a saa, i shi i zua a na kpaa.

Luka 15:5

Er nan zough a mi yô, nan penda i sha avande nan gba ember.

Luka 15:9

Er nan zough a mi yô, nan yila akar a nan man mba ve we ndor a nan, ve̱ va kohol her a nan, nan kaa er: Ember nen a mo imôngo, gadia m zua a sule u a saam ne ve!

YOHANE 16:24

Zan zan hegen ne mba a sôn kwagh ken iti Yam ga. Sôn nen, né ngohol, sha u iember yen ia hôm yô.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

YOHANE 17:13

Kpa hegen yô, M ngu van hen we, man akaa angan M ngu ôron shin tar ne sha er vea iv a iember Yam gbing yô.

YOHANE 3:29

Or u nan lu a kwasehe yô, ka orkwasehe je la; kpa ikar u orkwasehe u a til a ongo imo na yô, ka a ember kpishi sha ci u imo i orkwasehe; nahan iember yam ne kpaa i iv ve;

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

2 Mbakorinte 1:24

Ka er se mba yan tor sha kwagh u jighjigh wen u nan ga, kpa se mba eren tom a ven imôngo sha ci u né ember yô, gadia ka sha jighjigh u nan man ne til taveraa ye.

Mbaefese 5:18

De hundu nen msôrom ga, dang ngu keregh, kpa iv nen a Jijingi.

Mbafilipi 1:25

Er i wanger mo nahan yô, m fa, me lu her man me lu a ven cii her kpaa, sha ci u né za hemen man né lu a msaanyol u sha jighjigh u nan kpaa.

1 Mbatesalonika 5:16

Luun nen saan saan hanma shighe.

1 Peteru 1:8

A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba.

1 Yohane 1:4

Akaa ne yô, se mba ngeren ne a sha er iember yase ia hôm yô.

2 Yohane 1:12

M ngu a akaa kpishi a ma m nger ne, kpa sarem ka ngeren sha takerada man sha inki ga, kpa m ver ishima u van her a ven, me ôr kwagh a ven sha zwa je, sha er iember yase ia hôm yô.