YOHANE 14:27 - ICIGHAN BIBILO

²⁷ M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 14:27 Iomraidhean Croise

2 Kroniku 20:30

Nahan bem gba ken tar u Yehoshafati; gadia Aôndo na, na un mmem, hanma ian cii.

Yobu 34:29

Aluer Wen Una huan yô, ka anti je nana na ibo? man aluer Una yer ishigh Nagh yô, ka anti nana nenge a Na— shin a lu ikurior, shin a lu or môm kpaa, ve imôngo cii—

Upasalmi 11:1

Ka sha TER m suur ye; man ka nyi ne kaan a uma wam ner: Yevese yem sha uwo wou er ka inyon nahana?

Upasalmi 112:7

Nana cia loho u bo ga, ishima i nan i taver sha er nan suur sha TER yô.

Upasalmi 27:1

TER ka iwanger yam man myom wam kpaa, ka an je me cia? TER ka agee a uma wam, ka an je nana wam mciem iyolo?

Upasalmi 28:3

De kpelem a mbaaferev man a mbaerenaferakaa imôngo ga, mba ve er kwagh u bem a mbawanndor a ve, kpa kwagh u bo a gema a lu ve ken asema la.

Upasalmi 29:11

TER Una na ior Nav agee, TER Una ver ior Nav sha bem. Ka Pasalmi u Davidi; ka icam i sha mtsegh u Iyou

Upasalmi 56:11

Ka sha Aôndo m suur ye, me cia ga, ka nyi man or á ereme?

Upasalmi 56:3

Sha iyange i mciem maa tserem yô, me suur sha a We,

Upasalmi 72:2

A̱ ôr ior Ou ijir sha perapera; mbaatsanev Ou kpaa sha mimi.

Upasalmi 72:7

Sha ayange na yô, i̱ kpe orperapera iyol, man bem a̱ ngee zan zan uwer ua kera lu ga.

Upasalmi 85:10

Erdoo man mimi ve zua ve, perapera man bem suse zwa ayol a ve,

Upasalmi 91:5

Ú kera cia mcieryol u utu mayange ga, shin ivaan i i keren i atetan la kpaa ga,

Anzaakaa 3:25

De cie kwagh u cieryol u á va bur a bur la ga, kua mtim u mbaaferev shighe u una va yô,

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 54:13

Ônov ou ci ca kpaa vea lu mba TER A tese ve yô; mkpeyol u ônov ou kpaa una vese je.

Yesaia 55:12

Gadia nea due a iember, man á hemen ne a bem; iwo kua agungu vea ger icam i wan sha ishigh yenegh, ikon i ken toho cii kpaa ia kure ave.

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 1:8

De cie ve ga; gadia M ngu a we sha u yiman we, kape TER A kaa ne.

Ukwelegh 3:17

U kar a uma wam hen bem kera; mkpeyol hungul mo.

Esekiel 2:6

We, wan u or, de cie ve ga, man shi de cie akaaôron a ve kpaa ga, shin er usaa man kpamberakpa ve lu a we, man er u tem her atô u ayese nahan kpaa; de cie akaaôron a ve ga, ishima i̱ de nyian we sha mdugh u ve dughun we ashe kpaa ga, shin er ve lu ya u hendan kwagh nahan je kpaa.

Daniel 4:1

Tor Nebukadinesar, u zan hen ior man akuraior man ijô cii, mba ve tem sha won cii: Bem a̱ ngee her a ven.

Daniel 6:25

Tsô tor Dariu nger hen ior man akuraior man ijô cii, mba ve tem sha won cii, er: Bem a̱ ngee ne.

Sekaria 6:13

ka un je una maa tempel u TER ye; una ya icivir i tor, una tema tor sha ikônough nagh ki torough man una lu pristi sha ikônough nagh ki torough; mhen u bem una lu her atô u ve mba uhar.

Numeri 6:26

TER A̱ ver ishigh Nagh sha we, A̱ na u bem.

Mateu 10:26

Nahan yô, de cie nen ve ga, gadia ma kwagh ngu u i cir man á de pasen un ga, man kwagh ngu u i yer man á de fan kpaa ga.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

Luka 10:5

Hanma ya u nea nyôr kpaa, vande kaan nen ner: Bem a̱ lu hen ya ne.

Luka 12:4

Ne akar Am yô, M ngu kaan ne: De cie nen mba ve woo iyol kpa ken masejime yô, ve kera lu a ma kwagh ugen u vea er ga la ze.

Luka 2:14

I̱ wuese Aôndo Sha, shin tar yô, bem a̱ lu sha ior mba i doon Un a ve la.

YOHANE 14:1

Asema a̱ de kera te ne kwe ga; na nen Aôndo jighjigh, Mo kpaa nam nen jighjigh.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

YOHANE 20:19

Tsô iyange i Lahadi la i been yô, man er hunda kpaa lu vingir ape mbahenen kohol sha ci u cian Mbayuda la yô, Yesu va va tile her atô ve, kaa a ve er: Bem a̱ lu sha a ven.

YOHANE 20:21

Tsô Yesu shi kaa a ve er: Bem a̱ lu sha a ven. Er Ter A tindim yô, Mo kpaa M ngu tindin ne nahan.

YOHANE 20:26

Ayange nga kar anigheni yô, mbahenen Nav shi kohol ker, Toma kpaa lu a ve. Tsô Yesu va er ihinda lu vingir, A va tile her atô A kaa er: Bem a̱ lu sha a ven.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 18:9

Tsô Ter ôr kwagh a Paulu tugh ken mpase u sha mnenge kaa er: De cie ga, kpa gba ôron kwagh tsô, de huan ga;

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

Mbaromanu 5:1

Nahan yô, er i ne se ishô sha jighjigh u nan yô, se mba bem bem a Aôndo sha Ter wase Yesu Kristu.

Mbaromanu 5:10

Aluer i hime se a Aôndo sha ku u Wan Na zum u se lu mbaihomov la yô, nahan hegen er i him se kera yô, á va hemba yiman se sha uma Na cii.

Mbaromanu 8:6

Ishimaveren i iyolough yô, ka ku, kpa ishimaveren i jijingi ka uma man bem.

1 Mbakorinte 1:3

mrumun u sha mhôôn a̱ lu sha a ven man bem mba ve dugh ken Aôndo Ter wase man Ter Yesu Kristu.

Mbagalatia 1:3

Mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Kristu,

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbagalatia 6:16

Man mba ve dondo tindi ngun ne cii yô, bem man mhôônom ma zungwen ma̱ lu sha a ve kua sha Iserael u Aôndo kpaa.

Mbafilipi 4:7

man bem u Aôndo u a gande hanma mfe wase cii una kura asema a en man mbamhen enev ken Kristu Yesu ye.

Mbakolose 1:2

mba sughun anmgbianev mba ken Kristu mba ken Kolose mba ve lu uicighanmbaiorov shi ve lu mbananjighjigh kpaa la. Mrumun u sha mhôôn a̱ lu sha a ven kua bem kpaa, mba ve dugh her Aôndo Ter wase.

Mbakolose 1:20

Man er A va a bem sha awambe a sha terankon Na la yô, lu sha a Na je man Aôndo hime akaa cii a iyol Na ye, akaa a a lu shin tar man akaa a a lu Sha kpaa.

Mbakolose 3:15

Man bem u Kristu a̱ lu orhemen ken asema a en gadia ka sha ci u kwagh ne man i yila ne ken iyol i môm ye. Shi lu nen a ishughun.

2 Timoteu 1:2

Mrumun u sha mhôôn man bem mba ve dugh her Aôndo Ter man Ter Yesu Kristu, ve̱ lu sha a ven.

2 Timoteu 3:16

Ter u bem iyol Na, A̱ na ne bem gbem sha hanma gbenda cii. Ter A̱ lu a ven cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:7

Gadia ka jijingi u cian kwagh, Aôndo a ne se ga, kpa ka u ageegh man u dooshima man u kôron iyol tsaha.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

Mbaheberu 7:2

Aberaham kpaa kar kwar a na sha môm-ken-upue ken akaa cii. Aluer a pase inja i iti na yô, hiihii ka Tor u perapera, man shi ka Tor u Salem kpaa, inja na yô, ka Tor u bem.

Mpase U Yohane 1:4

Yohane ngu sughun iniongo i Kristu i itiankarihiar i ken Ashia la. Mrumun u sha mhôôn a̱ lu sha a ven kua bem mba ve dugh hen Un u A lu hegen, ngise kpaa lu, shi A lu van kpaa la, man shi hen Ujijingi mba utaankaruhar mba ve lu sha ishigh ki ikônough Nagh ki torough la,

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.