YOHANE 14:26 - ICIGHAN BIBILO

²⁶ Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

YOHANE 14:26 Iomraidhean Croise

Upasalmi 51:11

De tem kera sha ishigh You ga, shi de ngohol Icighan Jijingi Wou her a mo kera ga.

Yesaia 54:13

Ônov ou ci ca kpaa vea lu mba TER A tese ve yô; mkpeyol u ônov ou kpaa una vese je.

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Mateu 1:18

Mmar u Kristu yô, kape a lu ne: Zum u Yosev lu sôôr ngô Na, Maria, man er ve lu a zua ga je tsô, i nenge un a iyav sha Icighan Jijingi.

Mateu 1:20

Kpa ngur henen sha akaa ne nahan yô, ortyom u Ter va ande her a na ken mnya, kaa er: We, Yosev, wan u Davidi, de cie u eren kwase wou Maria ne ga, gadia kwagh u a jil un ken iyol la, ka u sha Icighan Jijingi je.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Marku 12:36

Gadia Davidi iyol na je kaa sha Icighan Jijingi er: Ter kaa a Terem er: Temam ken uwegh ku yanegh zan zan Me gema mbaihomov Ou ve̱ hingir We kwagh u pendan angahar sha mi.

Marku 13:11

Kpa zum u vea za a ven sha u ôron ne ijir yô, asema a̱ de vanden nyian ne sha kwagh u né za ôr ga. Kpa kwagh u á na ne hen shighe la yô, ka un je né ôr ye; gadia ka ne né ôr kwagh ga, kpa ka Icighan Jijingi je.

Luka 1:15

Gadia una lu zegeor sha ishigh ki Ter; una tswer wain kua msôrom kpaa, una iv a Icighan Jijingi er una lu ngô na ken uya je.

Luka 1:35

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

Luka 1:41

Er Elisabetu ungwa ishughun i Maria nahan yô, wan tsuwe un ken uya; tsô Elisabetu iv a Icighan Jijingi,

Luka 1:67

Ter na, Sekaria kpaa iv a Icighan Jijingi, gba ôron kwaghôron u profeti kaan er:

Luka 11:13

Aluer ne mba ne lu mbaaferev je kpaa ne fa u nan ônov enev uiwua mba dedoo yô, man hire Ter wen u A lu Sha Una kera na mba ve sen Un la Icighan Jijingi ga yee?

Luka 2:25

Orgen lu ken Yerusalem, iti na er Shimeon; or la lu or u perapera man u cian Aôndo a ishima i môm, lu keghen msurshima u Iserael; Icighan Jijingi kpaa lu sha a na.

Luka 24:49

Man nenge, M ngu tindin ityendezwa i Terem sha a ven; kpa hira lu nen ken gar zan zan i̱ haa ne agee a Sha.

Luka 3:22

man Icighan Jijingi sen sha a Na sha inja i iyolough er ikungugh nahan; imo kpaa due Sha kaa er: We, U ngu Wan Wam u ishima ishima; ka We ishima i doom a We yum ye.

YOHANE 1:33

Mo kpaa m vande fan Un ga; kpa Un u A tindim sha u eren batisema sha mnger la, ka Un je A kaa a mo er: Or u u nenge Jijingi Una sen sha a Na, Una tema sha a na yô, ka Un u A eren batisema sha icighan Jijingi je la.

YOHANE 12:16

Akaa la mbahenen Nav kav a sha hiihii la ga, kpa zum u i na Yesu icivir kera yô, ve mase umbur er i nger akaa ne sha a Na, man er i er Un a kpaa yô.

YOHANE 14:16

Me sôn Ter, man Una na ne Orsurunshima ugen u Una lu a ven gbem yô,

YOHANE 14:25

Akaa ne M ôr ne je, er M lu a ven her yô.

YOHANE 15:26

Kpa Orsurunshima u Me tindi ne a Na hen Ter, ka Jijingi u mimi u A dugh ken Ter je la, Una va yô, ka Un je Una pase kwagh Wam ye.

YOHANE 16:7

Kpa ka mimi je M kaa ne ye Mer: Ka ne a inja u Me yem yô; gadia aluer Me yem ga yô, Orsurunshima Una va her a ven ga. Kpa aluer Me yem yô, Me tindi ne a Na.

YOHANE 2:22

Nahan zum u i nder Un shin mbakpenev kera la, mbahenen nav umbur er lu kaa kwagh ne yô. Tsô ve na icighanruamabera jighjigh man kwaghôron u Yesu lu ôr la kpaa.

YOHANE 20:22

Kaan nahan yô, A fehe ve humbe, A kaa a ve er: Ngohol nen Icighan Jijingi.

YOHANE 6:45

Ken uprofeti i nger er: Ve cii Aôndo Una tese ve. Hanma or u nan ongo kwagh shi nan hen kwagh hen Ter kpaa yô, nana va her a Mo.

YOHANE 7:39

Kpa A ôr kwagh ne, lu sha kwagh u Jijingi u mba ve ne Un jighjigh vea zua a mi yô; gadia i lu a na Jijingi ga sha ci u i lu a ver Yesu sha icivir Na ga yô.

Aerenakaa A Mbaapostoli 1:2

zan zan ar sha iyange i i ngohol Un Sha la; mbaapostoli mba A sange ve la, A vande kaan ve akaa sha Icighan Jijingi a ve̱ er a la; er ican Na la i bee yô,

Aerenakaa A Mbaapostoli 1:4

Man er A lu a ve imôngo her yô, A ta ve icin er ve̱ de undun Yerusalem ga, kpa ve̱ kegh ityendezwa i Ter, i ne ongo her a Mo (kape A kaa la.)

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Aerenakaa A Mbaapostoli 11:16

Tsô m umbur kwaghôron u Ter er lu kaa er: Yohane yô, lu eren batisema sha mnger, kpa ne yô, á er ne batisema sha Icighan Jijingi.

Aerenakaa A Mbaapostoli 13:2

Tsô er ve lu civir Ter, man hôron kwaghyan yô, Icighan Jijingi kaa er: Tsegham nen Barnaba vea Saulu sha ci u tom u M yer ve mi yô.

Aerenakaa A Mbaapostoli 13:4

Ve yô, er i tindi ve sha imo i Icighan Jijingi nahan, ve yem shin Selushia, ve za nyôr tso keregh, ve yem ken Shiperu.

Aerenakaa A Mbaapostoli 15:28

Gadia Icighan Jijingi kua se kpaa se nenge doo u sé kera seer ne kwagh u yuhwan ugen ga, saa kwagh u a lu u eren keng ne tseegh:

Aerenakaa A Mbaapostoli 15:8

Man Aôndo u A fe or ishima yô, A er ve shiada sha mne u A na ve Icighan Jijingi la er lu na se nahan kpaa la.

Aerenakaa A Mbaapostoli 16:6

Yô, ve kar ken tar u Ferigia man Galatia, gadia Icighan Jijingi yange ve u ôron kwagh u Aôndo ken Ashia.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Aerenakaa A Mbaapostoli 2:4

Ve cii i iv ve a Icighan Jijingi, ve gba ôron kwagh ken ijô igen er Jijingi na ve u ôron yô.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Aerenakaa A Mbaapostoli 20:35

Ken akaa cii m tese ne ikav mer, ka sha u eren tom nahan man i doo u né wase mba ve taver ga la ye. Man shi umbur nen akaaôron a Ter Yesu A lu ôr iyol Na yô, er: U nan a na kwagh hembe saan iyol a u ngohol a ngohol kwagh.

Aerenakaa A Mbaapostoli 28:25

Tsô mba kera zough ayol a ve ga yô, ve hembe, zum u Paulu mase ôron kwagh môm tsô, er: Ka vough je Icighan Jijingi lu kaa a uter enev sha kwaghôron u profeti Yesaia la, ye

Aerenakaa A Mbaapostoli 5:3

Kpa Peteru kaa er: Anania, inja na nan man Satan a iv u ken ishima er u̱ er Icighan Jijingi aie, u̱ pande ishe i sule la u̱ yere?

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Aerenakaa A Mbaapostoli 7:55

Kpa un, er a iv a Icighan Jijingi yô, a kende ashe Sha, a nenge iengem i Aôndo man Yesu tile ken uwegh ku yanegh ku Aôndo,

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

Mbaromanu 15:16

m̱ lu ortom u Yesu Kristu hen atôatyev ken icighantom u Loho u Dedoo u Aôndo, sha u nagh ku atôatyev ku̱ doo, ku̱ lu kwagh u i tsegh sha Icighan Jijingi yô.

Mbaromanu 5:5

Man ishimaverenkeghen yô, i ve ahenge ga, gadia i haa dooshima u Aôndo ken asema ase sha Icighan Jijingi u i ne se la.

1 Mbakorinte 12:3

Nahan yô, m ngu pasen ne sha u fa nen, ma or u nan er kwagh sha Jijingi u Aôndo yô, nana kaa er: Yesu ngu a ifan iyol ga, man shi ma or nana fatyô u kaan er: Yesu ka Ter ga; saa sha Icighan Jijingi.

1 Mbakorinte 6:19

Shin ne fa er iyol yen i lu tempel u Icighan Jijingi u A lu ken a ven u ne ngohol Un her Aôndo la gaa? Ne kera mba kwagh wen ayol a en ga.

2 Mbakorinte 13:14

Mrumun u sha mhôôn u Ter Yesu Kristu man dooshima u Aôndo man mzough u Icighan Jijingi ve̱ lu sha a ven cii. Amen.

2 Mbakorinte 6:6

man mlu u wang, man kwaghfan, man ishima i wan, man mlu u sar sar, man Icighan Jijingi, man dooshima u lun a imanger ga,

Mbaefese 1:13

Ka Un u ne kpaa, zum u ne ungwa kwaghôron u mimi u Loho u Dedoo u myom wen yô, ne na Un jighjigh man i ver ne ikav sha Icighan Jijingi u ityendezwa ye.

Mbaefese 1:17

sha er Aôndo u Ter wase Yesu Kristu Ter u iengem A̱ na ne jijingi u mfe man u mpase sha u fan Un,

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:14

Kura kwagh u dedoo u i we u sha ikev la sha agee a Icighan Jijingi u A tem ken vese la.

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

Mbaheberu 10:15

Icighan Jijingi kpaa ngu eren shiada hen vese. Ken masejime u A kaa er:

Mbaheberu 2:4

Aôndo kpaa lu eren shiada a ve imôngo sha uivande man sha akaa a kpilighyol man akaa a ageegh atô kposo kposo man shi sha ikwar i karen i Icighan Jijingi sha ishima Na kpaa.

Mbaheberu 3:7

Nahan yô ka vough er Icighan Jijingi A lu kaa nahan er: Nyian je aluer nea ungwa imo Na yô,

Mbaheberu 9:8

Sha kwagh ne yô, Icighan Jijingi lu tesen er i lu a bugh gbenda u nyôron ken icighanjiir ga er tabernakel u sha hunda hunda la a hira lu her yô.

1 Peteru 1:12

I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbala mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.

2 Peteru 1:21

Gadia mayange ma kwaghôron u profeti due sha awashima u or ga, kpa Icighan Jijingi mgbegha ior man ve ôr kwagh u Aôndo ye.

1 Yohane 2:20

Kpa ne yô, ne mba a mshigh u u A lu Icighan la, ne cii, ne fa.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.

1 Yohane 5:7

Mba ve eren shiada [Sha] yô, mba utar [ka Ter man Imo man Icighan Jijingi, man mba utar mban yô, ka môm.

Yuda 1:20

Kpa ne mbadoon mo ishima yô, maan nen ayol a en ken icighanjighjigh wen u nan, eren nen msen ken Icighan Jijingi.

Mpase U Yohane 2:11

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, ku u sha uhar la ua er nan kwagh ga.