YOHANE 14:23 - ICIGHAN BIBILO

²³ Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

YOHANE 14:23 Iomraidhean Croise

Genese 1:26

Tsô Aôndo kaa er: Sé er or sha inja i mlu wase, sha ibeen Yase; ishu i shin zegemnger man inyon i sha man uzendenya man tar cii kua hanma kwagh u kpelan inya, u a kper a kpela sha tar kpaa, ve̱ lu sha ikev ve.

Genese 11:7

Yô, Sé sen, Sé za nzughul ve zwa, ve̱ de kera ongo kwaghôron u ayol a ve ga.

Upasalmi 90:1

TERE, ka We je, U lu ijiir yase i teman, sha ikov ikov ye.

Upasalmi 91:1

Or u nan tem ken ijiir i yeren i Uhembansha yô, nana tsa ken mure u Uhembanagee cii.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

YOHANE 10:30

Mo a Ter ka kwagh môm.

YOHANE 14:15

Aluer Mea doo ne ishima yô, né kuran atindi Am.

YOHANE 14:17

ka Jijingi u mimi u tar u fetyô u ngohol Un ga yô, gadia ngu nengen a Na ga, mfe kpaa u fa Un ga; ne yô, ne fa Un, gadia ngu a ven, shi Una lu ken a ven kpaa.

YOHANE 14:21

Or u nan lu a atindi Am, man nan we a iko kpaa yô, ka nan je, M doo nan ishima ye. Or u M doo nan ishima kpaa, nana doo Terem ishima; Mo kpaa nana doom ishima, man Me pase iyol Yam her a nan kpaa.

YOHANE 14:24

Or u M doo nan ishima ga yô, nan we kwaghôron Wam iko ga; kwaghôron u ne ongo ne kpaa, ka u Wam ga, kpa ka u Ter u A tindim la.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

YOHANE 16:27

gadia Ter iyol Na kpaa, ne doo Un ishima tsung, sha ci u M doo ne ishima, man shi ne ne jighjigh er M dugh hen Ter yô.

YOHANE 6:56

U nan ye iyol Yam shi nan me awambe Am kpaa yô, nan ngu ken a Mo, Mo kpaa M ngu ken a nan.

YOHANE 8:51

Mimi mimi je, M kaan ne ne, aluer or nana wa kwaghôron Wam iko yô, mayange nana nenge a ku ashe ga.

YOHANE 8:52

Tsô Mbayuda kaa a Na er: Hegen yô, se fa U ngu a jijingi u bo; Aberaham kpe kua uprofeti kpaa; man We U ngu kaan wer: Aluer or nana wa kwaghôron Wam iko yô, nana bende a ku mayange ga.

2 Mbakorinte 6:16

Ka nyi i zough tempel u Aôndo a akombo? Gadia se yô, se mba tempel u Aôndo u uma je. Kape Aôndo A kaa je la er: Me tema hen ve shi Me zenden hen atô ve kpaa, Me lu Aôndo ve, ve kpaa vea lu nongoior Wam.

Mbaefese 3:17

Kristu A̱ tema ya ken asema a en sha jighjigh u nan er ne we amise ken dooshima, i tim ne ker dông yô,

1 Yohane 2:24

Ne yô, kwagh u ne ungwa sha hiihii je yô, a̱ lu ken a ven; aluer kwagh u ne ungwa sha hiihii la una lu ken a ven yô, ne kpaa né lu ken Wan man ken Ter kpaa.

1 Yohane 2:5

Kpa u nan we kwaghôron Na iko yô, mimi je ka ken a nan man dooshima u Aôndo a kom vough ye.

1 Yohane 4:4

Mbayev av, ne due ken Aôndo, ne hemba ve, gadia u A lu ken a ven la, hemba u a lu ken tar la.

1 Yohane 5:3

Gadia ka dooshima u Aôndo ne, ka u se̱ kuran atindi a Na, man atindi a Na yô, a yuhwa ga.

2 Yohane 1:6

Dooshima yô, ka un ne: ka u se̱ zenden sha atindi a Na. Ka tindi shon ne: Er ne ungwa sha hiihii yô, ka u né zende sha mi.

Mpase U Yohane 21:22

Tempel yô, m nenge a mi ker ga, gadia ka Ter Aôndo Uhembanagee la A lu tempel na ye, man shi Waniyôngo kpaa ka imenger na.

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.

Mpase U Yohane 22:3

Ma kwagh u i we un ifan una kera lu ga, kpa ikônough ki torough ki Aôndo man ki Waniyôngo kia lu ker, mbatomov Nav vea civir Un.