YOHANE 14:2 - ICIGHAN BIBILO

² Ken ya u Terem ayou nga kpishi; a lu nahan ga yô, ma M kaa ne; gadia Me yem sha u Me za sôr ne ijiir.

YOHANE 14:2 Iomraidhean Croise

Luka 14:22

Wanakiriki la kaa er: Tere, kwagh u u kaa la i er un ve, nahan kpa ian shi heregh.

YOHANE 13:33

Ne mbayev Av mba kiriki, Me mase lun a ven anshighe kpeghee, né kerem, kpa er M kaa a Mbayuda Mer, hen ape Me za, ne fatyô u van ga la, kape m kaan ne hegen kpaa je ne.

YOHANE 13:36

Shimon Peteru kaa a Na er: Tere, Ú za hana? Yesu gema kaa a Na er: Hen ape Me za la, u fatyô u dondon sha a Mo hegen ga; kpa iyange igen yô, ú dondo sha a Mo.

YOHANE 14:28

Ne ungwa er M kaa ne Mer, Me yem kpa Me shi Me va her a ven. Mea doo ne ishima yô, ma ne ember sha ci u M lu yemen hen Ter yô; gadia Ter hembam.

YOHANE 16:4

Kpa akaa angan M ôr ne sha er zum u shighe u a una va kuma yô, né umbur a er M kaa ne a yô; kpa akaa ne yô, M kaa ne a sha hiihii la ga, sha ci u M lu a ven her yô.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

Aerenakaa A Mbaapostoli 9:16

Gadia Me tese un atsan a ngeen yum a una ya a sha ci u iti Yam keng la.

2 Mbakorinte 5:1

Se fa tenti u shin tar ne u se tse ker ne, aluer á sough un kera kpaa, se mba a iyou i Aôndo, ka ya u tsôron u Sha u i maa un sha ave ga yô.

1 Mbatesalonika 5:9

Gadia Aôndo ver se, lu sha ci u iyugh ga, kpa lu sha ci u zuan a myom ken Ter wase Yesu Kristu.

Titu 1:2

ka sha ishimaveren keghen uma u tsôron, u Aôndo u A eren aie ga la, A tôndo zwa je er shighe lu a lu ga la.

Mbaheberu 11:10

Gadia a lu keghen gar u a lu a imagh, u Aôndo A lu Orkaren man Ormaan un la.

Mbaheberu 13:14

Gadia se mba a ma gar u tsôron heen je ga, kpa se mba keren u a lu van la.

Mbaheberu 6:20

Ka hen ape Orhemen wase Yesu kpaa A nyôr sha ci wase la, Un u A hingir Zegepristi sha inja i Melkisedeki gbem sha won.

Mbaheberu 9:8

Sha kwagh ne yô, Icighan Jijingi lu tesen er i lu a bugh gbenda u nyôron ken icighanjiir ga er tabernakel u sha hunda hunda la a hira lu her yô.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 21:2

Shi m nenge icighangar, ka Yerusalem u he je la, lu senen Sha, a due her Aôndo, i sôr un er kwasehe u i er un hwe iyol sha ci u nom na yô.

Mpase U Yohane 3:12

Or u nan hembe yô, Me gema nan nana hingir ityughunugh ken tempel u Aôndo Wam, nana kera due ker mayange ga, shi Me nger iti i Aôndo Wam sha a nan man shi iti i gar u Aôndo Wam, ka Yerusalem u he u a lu senen Sha, a dugh hen Aôndo Wam la, kua shi iti Yam i he kpaa.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.