YOHANE 14:19 - ICIGHAN BIBILO

¹⁹ Mase shin ciôn man tar ua kera nenge a Mo ga; kpa ne yô, né nenge a Mo, sha ci u Mo M lu uma, ne kpaa né va lu uma yô.

YOHANE 14:19 Iomraidhean Croise

YOHANE 11:25

Yesu kaa a na er: Mo M ngu mnder man uma kpaa; or u nana nam jighjigh yô, shin nana kpe kpaa, nana lu uma.

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 13:33

Ne mbayev Av mba kiriki, Me mase lun a ven anshighe kpeghee, né kerem, kpa er M kaa a Mbayuda Mer, hen ape Me za, ne fatyô u van ga la, kape m kaan ne hegen kpaa je ne.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 16:16

Shi kpuaa tsô né kera nenge a Mo ga; shighe shi una karen kpuaa yô, né nenge a Mo.

YOHANE 16:22

Nahan ne kpaa, asema nga vihin ne hegen, kpa Me shi Me nenge a ven, nahan asema a en kpaa aa ember, ma or kpaa nana bunde ne iember yen ga.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 7:33

Tsô Yesu kaa er: M hira lu a ven anyangem kpeghee, man Me yem hen u A tindim la ye.

YOHANE 8:21

Tsô Yesu shi kaa a ve er: Me yem, né kerem, kpa né kpe ken isholibo yen; hen ape Me za la, ne fatyô u zan ga.

Aerenakaa A Mbaapostoli 10:41

kpa kera lu hen nongoior la cii ga, saa hen mbashiada mba Aôndo vande sangen ve la, ka se je ne, se mba se ya kwagh shi se ma kwagh a Na imôngo, zum u A nder shin mbakpenev kera la.

Mbaromanu 5:10

Aluer i hime se a Aôndo sha ku u Wan Na zum u se lu mbaihomov la yô, nahan hegen er i him se kera yô, á va hemba yiman se sha uma Na cii.

Mbaromanu 8:34

Ka an nana ôr ijir nana na ibo? Ka Kristu Yesu A kpe ye, kpa shi i nder Un je, ngu ken uwegh ku yanegh ku Aôndo, ngu sônon sha ci wase kpaa.

1 Mbakorinte 15:20

Kpa mimi je i nder Kristu shin mbakpenev, ka iyiagh ki tsutswagh ken mba ve kpe kera la.

1 Mbakorinte 15:45

Kape i nger kpaa la er: Or u hiihii la, Adam, hingir or u uma. Adam u masetyô la hingir jijingi u nan a na uma.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

Mpase U Yohane 20:4

Tsô m nenge mkônom ma torom, ior tema sha mi, i na ve ijir i ôron sha ikev. Shi m nenge uuma mba ior mba i gber ve ityough sha ci u shiada u Yesu man sha ci u mkaanem ma Aôndo la, ka mba ve civir inyam la ga shin eev mbu i kpaa ga, ve ngohol ikav i i sha atsul a ve ga, shin sha ave a ve kpaa ga. Ve nder ve tema tor a Kristu imôngo kuma anyom dubu je.