YOHANE 13:5 - ICIGHAN BIBILO

⁵ tsô A ker mngerem shin tasa, A gba ôôn mbahenen Nav angahar, shi esen a sha ikondo i A zer shin iwenge la.

YOHANE 13:5 Iomraidhean Croise

Genese 18:4

De i̱ va a anmnger, ôô nen angahar a en, mem nen hen itinekon ne;

Genese 19:2

a kaa er: Ne uter av, shi kaha nen, nyôr nen hen ya u wanakiriki wen, tsa nen, ôô nen angahar, tsô né va mough pepe né yem; kpa ve kaa er: Ei, ka hen tembe sé tsa ye.

Genese 43:24

Or la nyôr a ior mbala ken iyou i Yosev, a na ve mngerem, ve ôô angahar a ve; a na ujaki vev kwaghyan kpaa.

2 Utor 3:11

Kpa Yehoshafati kaa er: Profeti u TER u sé pine un imo i TER ngu heen gaa? Nahan wanye ugen u tor u Iserael la, gema kaa er: Elisha wan u Shafati ngu heen, u lu haan Eliya mngerem sha ave la.

Upasalmi 51:2

Ôôm iferkwagh yam kera ca ca, wanger mo sha isholibo yam.

Ekesodu 29:4

Yô, va a Aron man ônov nav hen hunda u tenti u kohol ker la, ôô ve iyol sha mnger.

Yesaia 1:16

Ôô nen ayol, wanger nen ayol a en; kar nen a ifer i aeren a en sha ishigh Yagh kera; de nen akaabo a eren;

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Levitiku 14:8

Man shi or u i lu wanger nan ave la, nana̱ ôô ikondo i nan, nana̱ hondo ice iyol kera ca ca, nana̱ ôô iyol sha mnger, tsô nana hingir wang, man nana mase nyôron ken afo ye; kpa nana̱ tsa ken kungur u tenti u nan ayange ataankarahar.

Sekaria 13:1

Sha iyange la imbormnger i lun ivegher ia lu sha ci u ya u Davidi man mbateman ken Yerusalem, sha ci u isholibo man mlu u wang ga.

Luka 7:38

A va tile Un ken ijime hen angahar a Na, a gba vaan, nôndon Un mliam angahar, a ese a sha ice na i sha ityou, a gba susen a, a shighe a mkurem ma human doon mara.

Luka 7:44

Gem ashe ken kwase la yô, A kaa a Shimon er: U nenge kwase ne kpa? M nyôr hen ya wou je, kpa u nam mngerem ma ôôn angahar ga; kpa wen yô, a heen Mo angahar sha mlia, a shi a ese a sha ice na.

YOHANE 13:10

Yesu kaa a na er: Or u i ee nan iyol kera yô, kera gba u nan a ôô iyol ga, saa angahar tseegh; gadia nan ngu wang cii. Ne yô, ne mba wang, kpa ka ne cii ga.

YOHANE 13:6

Nahan A va hen Shimon Peteru; Peteru kaa a Na er: Tere, Ú ôôm angaharaa?

YOHANE 13:8

Peteru kaa a Na er: Mayange mayange Ú ôôm angahar ga. Yesu gema kaa a na er: Aluer Mea ôô u ga yô, kwagh zua u a Mo ga.

YOHANE 19:34

Kpa u môm ken mbautyav mbala kuma Un iwange hen ihan; nahan awambe man mngerem due.

Aerenakaa A Mbaapostoli 22:16

Man hegen yô, ka nyi u timbiri? Mough sha, i̱ er u batisema, i̱ ôô u asorabo a ou kera, i̱ yila sha iti Na.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

1 Yohane 5:6

Ka Un u A ve sha mnger man awambe la, ka Yesu Kristu je la. Ka sha mnger tseegh ga, kpa ka sha mnger kua sha awambe kpaa. Ka Jijingi A eren shiada ye, gadia Jijingi ka u mimi je.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.

Mbaajiriv 19:21

Nahan a va a na ken iyou na, a na ujaki kwaghyan; ve ôô angahar a ve, ve ya kwagh, ve ma kwagh.

1 Samuel 25:41

Nahan a mough a gure a kuma ishigh inya, a kaa er: Nenge, kpan wou u kwase ngun, ka kpankwase u una ôôn mbayev mba terem angahar tsô.