YOHANE 13:19 - ICIGHAN BIBILO

¹⁹ Hii hegen je, M ngu kaan ne, er i lu a kuma ga ne, sha er á va kuma yô, né na jighjigh ner, ka Mo Un je ne yô.

YOHANE 13:19 Iomraidhean Croise

Yesaia 41:23

pase nen se akaa a a va er ken hemen yô, sha er se̱ fa er ne lu mbaaôndo yô; er nen ma kwagh, shin a lu u dedoo, shin a lu u bo, sha er i̱ kondo se iyol, sé gba kenger imôngo tsô yô.

Yesaia 43:10

Ka ne ne lu mbashiada Av ye, kape TER A kaa ne, wanakiriki Wam u M tsough, sha er ne̱ fam, ne̱ nam jighjigh, ne̱ kav er M lu Un kpaa yô; aôndo ugen vande lun a Mo ga, ken ijime Yam kpaa una lu ga.

Yesaia 48:5

Ka nahan M tsengapasen we akaa ne ngise ye, er lu a kuma ga je, M tese u a, sha u we de va kaan wer: Ka eev av mbu er a, ga; shin eev av mbu gban a gba, shin eev av mbu keren a ker mbu ve a a kpaa, ga.

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Mateu 11:3

ve za pine Un er: Ka We Un u U lu van ne, shin se ver ishima sha ugenee?

Mateu 24:25

Nenge, M tsengaôron ne akaa ne cii er shighe u a a lu a kuma ga je yô.

Luka 21:13

Kwagh ne una gema á hingir ne ian i pasen kwagh Wam.

YOHANE 1:15

Yohane gba pasen kwagh Na, genger imo kaan er: Ngun ka Un u m ter Un, m kaa mer, Un u A lu van ken ijime yam la, ngu tamen a mo, gadia vande lun a mo.

YOHANE 14:29

Man hegen M vande kaan ne je, er i lu a er ga yô, sha u né na jighjigh zum u ia va er yô.

YOHANE 16:4

Kpa akaa angan M ôr ne sha er zum u shighe u a una va kuma yô, né umbur a er M kaa ne a yô; kpa akaa ne yô, M kaa ne a sha hiihii la ga, sha ci u M lu a ven her yô.

YOHANE 4:26

Yesu kaa a na er: Mo u M er kwagh a we ne, ka Mo Un je ne.

YOHANE 8:28

Nahan Yesu kaa er: Zum u nea kende Wan u or sha tsô né fa er M lu Un yô, man shi er M gbe eren ma kwagh sha tahav Av iyol Yam ga, kpa M er akaa er Ter a tesem yô.

YOHANE 8:58

Yesu kaa a ve er: Mimi mimi je, M kaan ne ne, er i lu a mar Aberaham ga je, tsô Mo M lu.