YOHANE 12:49 - ICIGHAN BIBILO

⁴⁹ Gadia M gba ôron kwagh sha tahav Av ga; kpa ka Ter u A tindim la je, A nem tindi sha kwagh u Me kaa man shi Me ôr kpaa ye.

YOHANE 12:49 Iomraidhean Croise

YOHANE 14:10

U na jighjigh er Mo M lu ken Ter, Ter kpaa A lu ken a Mo gaa? Mkaanem ma M er ne ne, M er ma ka sha tahav av ga kpa ka Ter u A lu ken Mo la, A eren ityom Na ye.

YOHANE 14:24

Or u M doo nan ishima ga yô, nan we kwaghôron Wam iko ga; kwaghôron u ne ongo ne kpaa, ka u Wam ga, kpa ka u Ter u A tindim la.

YOHANE 14:31

kpa tar u̱ fa er Ter A doom ishima, man shi M eren er Ter A wem kwagh yô. Mough se yem nen heen kera.

YOHANE 15:15

M kera yila ne Mer ikpan ga, gadia kpan fe kwagh u ter na a eren ga; kpa M yila ne Mer, akar, gadia akaa a M ongo hen Terem cii, M ôr ne a.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 3:11

Mimi mimi je, M kaan we ne, se mba er kwagh u se fe, man shi se mba pasen kwagh u se nenge yô, kpa ne mba rumun mpase wase la ga.

YOHANE 3:32

Kwagh u A nenge man A ongo la, ka un je A pasen ye; kpa mpase Na la ma or rumun un ga.

YOHANE 5:19

Nahan Yesu gema kaa a ve er: Mimi mimi je, M kaan ne ne, Wan Una fatyô u gban eren ma kwagh iyol Na ga, saa kwagh u A nenge Ter A eren la; gadia akaa a A eren la, Wan kpaa eren a nahan vough je.

YOHANE 5:30

Mo yô, M fatyô u eren ma kwagh sha tahav Av iyol Yam ga. Er M ongo nahan, kape M er ijir kpaa la; man ijirôron Yam ka i mimi, gadia M keren u eren ishima yam ga, kpa ka ishima i Un u A tindim la.

YOHANE 6:68

Shimon Peteru gema kaa a Na er: Tere, ka hen an je shi sé zaa? Ka We U lu a mkaanem ma uma u tsôron ye.

YOHANE 7:16

Tsô Yesu gema kaa a ve er: Ityesen i M tesen, ka i Yam ga, kpa ka i Un u A tindim la.

YOHANE 8:26

M ngu a akaa kpishi a ma M er sha kwagh wen man a ma M er ijir sha mi kpaa, kpa Un u A tindim la ka u mimi je; ka akaa a M ongo her a Na je M er tar ye.

YOHANE 8:28

Nahan Yesu kaa er: Zum u nea kende Wan u or sha tsô né fa er M lu Un yô, man shi er M gbe eren ma kwagh sha tahav Av iyol Yam ga, kpa M er akaa er Ter a tesem yô.

YOHANE 8:42

Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.

Duteronomi 18:18

Me ver ve Profeti, Una due ken anmgbianev vev, er we nahan; Me na akaaôron Am ken zwa Na, Una ôr ve akaa cii a Me kaa Un yô.

Mpase U Yohane 1:1

Mpase u Yesu Kristu u Aôndo na Un sha u A̱ tese mbatomov Nav akaa a aa er fefa keng la, man A pase a sha mtindi u A tindi ortyom Na hen Yohane wanakiriki Na la;