YOHANE 12:42 - ICIGHAN BIBILO

⁴² Nahan kpaa mbavesen mbagenev na Un jighjigh; kpa sha ci u Mbafarishi yô, ve kera pase nahan ga, sha u i̱ de dughun ve ken shinagoge kera ga yô;

YOHANE 12:42 Iomraidhean Croise

Anzaakaa 29:25

Mcie u cian or ka a va a kwaghhônon, kpa or u nan suur sha TER yô, nana tema doo doo.

Yesaia 51:7

Ver nen ato her a Mo ne mba ne fe perapera, ne ior mba atindi Am a lu ken asema a en yô; de cie nen mlaha u ior ga, ishima i̱ de nyian ne sha ci u ityuhwanev vev mbi tuhwan kpaa ga.

Yesaia 57:11

Ka an je nan cier we iyol, u cie nan je u nyer eren aie; Mo kpaa, u kera umbur Mo ga, u kera wa iko her kpaa ga. Ka er M huan ving ica i gbe man u kera ciem ga yee?

Yesaia 66:5

Ungwa nen kwaghôron u TER, ne mba ne gbidi ikarikase iyol sha kwaghôron Na la! Anmgbianev enev, mba ve ker ne ihom, mba ve te ne kera sha ci u iti Yam yô, mba kaan er: TER A̱ tese ase icivir Na, se̱ nenge a iember yen! Kpa ka ve, vea va ahenge ye!

Yeremia 38:19

Tsô tor Sedekia kaa a Yeremia er: M ngu cian Mbayuda mba ve za kohol Mbakaldi la, sha er ve̱ de nem sha ikev ve, ve̱ nahan mo tar ga.

Mateu 10:32

Nahan hanma or u nana pasen Mo sha ishigh ki iorough yô, ka nan je Me pase nan sha ishigh ki Terem u A lu Sha kpaa ye.

Luka 12:8

Man shi M kaan ne: Hanma or u nana pasem sha ishigh ki iorough, Wan u or kpaa Una pase nan sha ishigh ki mbatyomov mba Aôndo.

Luka 23:13

Tsô Pilatu yila upristi mba tamen man mbavesen man ikpelaior kohol her a na,

Luka 6:22

Saan ne iyol zum u ior ka vea kôr ne ihom, man vea dughun ne kera, vea hee ne kpaa, man shi vea teren iti yen dang, sha ci u Wan u ôr yô.

YOHANE 11:45

Nahan ior kpishi ken Mbayuda mba ve va hen Maria mba nengen kwagh u A er la yô, ve na Un jighjigh.

YOHANE 12:11

gadia Mbayuda kpishi lu zan za nan Yesu jighjigh sha kwagh na la.

YOHANE 16:2

Vea dugh ne ken ushinagoge kera; shighe ngu van je u hanma or u nana wua ne yô, nana hen er nan ngu eren tom u civir Aôndo.

YOHANE 19:38

Ken masejime u akaa la, Yosev u Arimatia, un u a lu orhenen u Yesu, kpa lu ken myer, sha ci u cian Mbayuda la, a zamber a Pilatu er, ma un tôô ikom i Yesu kera, Pilatu rumun. Tsô a za a za tôô ikom i Yesu kera.

YOHANE 3:2

Un va her a Na tugh, va kaa a na er: Rabi, se fa U ngu ortesen, ka sha Aôndo U ve ye, gadia ma or nana fatyô u gban eren uivande mba U eren ne ga, saa Aôndo Una lu a nan.

YOHANE 7:13

Nahan kpaa ma or ôr kwagh Na ken igbar ga, sha ci u cian Mbayuda.

YOHANE 7:31

Kpa mbagenev ken ikpelaior kpishi na Un jighjigh, ve kaa er: Zum u Kristu Una va yô, Una er uivande vea hemba ngeen a mba Or ne A eren nee?

YOHANE 9:22

Mbamaren un kaa nahan sha ci u ve lu cian Mbayuda yô; gadia Mbayuda vande zuan zwa kera er, aluer ma or nana pase Un er ka Kristu yô, á dugh nan ken shinagoge kera.

YOHANE 9:34

Ve gema ve kaa a Na er: I mar u ken asorabo eleghee, kpa u gem u tesen se yee? Tsô ve dugh un kera.

Aerenakaa A Mbaapostoli 5:41

Nahan ve due ken mkohol la kera, ve gba ember sha er i nenge er ve kuma u yan ican i aheenegh sha ci u iti la yô.

Mbaromanu 10:10

Gadia ka ken ishima ka i na jighjigh sha u zuan a ishô ye, shi ka sha zwa ka i pase sha u zuan a myom ye.

1 Yohane 4:15

Hanma or u nan pase er Yesu ka Wan u Aôndo yô, Aôndo tema ken a nan, nan di kpaa ken Aôndo nahan je.

1 Yohane 4:2

Ka sha kwagh ne man né fa Jijingi u Aôndo ye: hanma jijingi u a pasen er Yesu Kristu va ken iyol i or yô, ka her Aôndo a dugh ye.