YOHANE 12:35 - ICIGHAN BIBILO

³⁵ Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 12:35 Iomraidhean Croise

Anzaakaa 4:19

Gbenda u mbaaferev yô, ngu er ime nahan, mba fe kwagh u vea kema nguhar sha mi ga.

Yesaia 2:5

We ya u Yakob, va sé zende nen ken iwanger i TER.

Yeremia 23:12

Nahan yô, gbenda ve ua hingir ve er ka ajiir a lyemen ken ime; á mgbegha ve vea gba shimi; gadia Me haa kwaghbo sha a ve sha inyom i á va tsaha ve la, kape TER A kaa ne.

Luka 18:37

Ve kaa un er: Ka Yesu, Ornasareti a karen ye.

YOHANE 11:10

Kpa aluer or nana zenden tugh yô, nana ta nguhar kera sha ci u iwanger i lu ken a nan ga yô.

YOHANE 11:9

Yesu gema kaa er: Ahwa kera nga pue kar ahar sha iyange i môm gaa? Aluer or nana zenden atetan yô, nana ta nguhar kera ga, sha ci u nan nengen a iwanger i tar ne yô.

YOHANE 12:36

Er ne lu a iwanger her ne, na nen i jighjigh sha u né hingir ônov mba iwanger yô. Yesu ôr akaa ne nahan A yem, A za yer iyol Na.

YOHANE 12:46

Mo M va shin tar ne er iwanger nahan, sha u hanma or u nan jighjigh yô, nana̱ de kera luun ken ime her ga yô.

YOHANE 16:16

Shi kpuaa tsô né kera nenge a Mo ga; shighe shi una karen kpuaa yô, né nenge a Mo.

YOHANE 7:33

Tsô Yesu kaa er: M hira lu a ven anyangem kpeghee, man Me yem hen u A tindim la ye.

YOHANE 8:12

Tsô Yesu shi gba ôron ve kwagh, kaan er: Mo M ngu iwanger i tar; or u nan dondo sha a Mo yô, nana zende ken ime ga, kpa nana lu a iwanger i uma.

2 Mbakorinte 3:14

Kpa i cighir asema a ve, gadia zan zan nyian je kpaa ape i lu ôron Ikuryan i Tse yô, ikondo i yisan shon la ngi her, mba bughun i sha ga, gadia ka ken Kristu i bughun i kera ye.

Mbagalatia 6:10

Nahan er se lu a ian yô, se eren nen akaa a doon a ior cii, kpa jim je yô, ka mbananjighjigh.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.