YOHANE 12:31 - ICIGHAN BIBILO

³¹ Ka hegen je i lu u ôron tar ne ijiir ye; ka hegen je á dugh tor u tar ne kera ye.

YOHANE 12:31 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Yesaia 49:24

Á fatyô u yan orutaha ishara? Shin mbakwarev mba ipilaor vea waraa?

Mateu 12:28

Kpa aluer ka sha Jijingi u Aôndo man M dughun ujijingi mba bov kera yô, tartor u Aôndo va hen a ven je ve.

YOHANE 14:30

Me kera seer ôron kwagh a ven kpishi ga; gadia tor u tar ne ngu van, ngu a ma ityôkwagh sha a Mo ga,

YOHANE 3:19

Man ngin ka ijirôron ne: iwanger va nyôr shin tar man ime gema hemba doon ior a iwanger, gadia aeren a ve lu a bo je.

YOHANE 9:39

Tsô Yesu kaa er: M va shin tar ne sha ci u i̱ hingir ijir i kuren, sha u mba ve nengen ga yô, ve̱ nenge, man mba ve nengen la yô, ve̱ gema di ve̱ hingir mbaapirashe.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

1 Mbakorinte 1:20

Orfankwagh ngu hana? Man orngeren ngu hana? Or u sendegh kwagh u hen ayange ne nan ngu hana? Aôndo kera gema mfe u tar ne hingir ibumekwagh gaa?

1 Mbakorinte 1:21

Gadia er i lu sha kwaghfan u Aôndo je man tar u kera fe Aôndo sha gbenda u kwaghfan la ga yô, nahan doo Aôndo u yiman mba ve ne jighjigh la sha ibumegh ki kwaghôron Na.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mbaefese 6:12

Gadia kera ka awambe man inyam se lu nôngon ityav a ve ga, kpa ka mbatarev man mbautahav man mba ve lu utor sha tar cii mba ime ngin ne, man ujijingi mba aferev mba sha ajiir a Sha.

Mbakolose 2:15

A ngohol mbatarev man mbautahav mba sha kwavaôndo la ikav mbi utyav kera, A due a ve ken igbar hingir ikav i tesen, A hemba ve gbulugh gbulugh sha terankon.

Mbaheberu 2:14

Er ônov ve zough sha inyam man awambe cii yô, kape Un kpaa A nyôr nongo a ve sha kwagh la, sha er ka sha ku man Una vihi agee a un u a lu a tahav mbu kuugh la kera ye, ka diabolo je la,

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

1 Yohane 4:4

Mbayev av, ne due ken Aôndo, ne hemba ve, gadia u A lu ken a ven la, hemba u a lu ken tar la.

1 Yohane 5:19

Se fa se due ken Aôndo, kpa tar cii ngu sha ikev i Orbo.