YOHANE 12:26 - ICIGHAN BIBILO

²⁶ Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

YOHANE 12:26 Iomraidhean Croise

Upasalmi 17:15

Kpa mo yô, me nenge ishigh You ken perapera; zum u me nder yô, mluashe Wou una kumam.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Anzaakaa 27:18

Hanma or u nan kor kon u tur yô, nana ya atam a u, or u nan we orvesen u nan iko yô, á civir nan.

Numeri 14:24

kpa wanakiriki Wam Kalebu, er un yô, jijingi na a lu kposo man a dondom jighilii kpaa yô, ka un Me nyôr a na ken tar u a ze la ye; tsombor na kpaa ua ya u.

Numeri 32:11

Mba ve dugh ken Igipiti ne, mô ve môm u nan kom anyom ikundu man u nan hembe nahan yô, nana nenge tar u M bum a Aberaham man Isaka man Yakob la ashe je ga, sha er ve dondom sha ishima i môm ga yô,

Mateu 16:24

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

Mateu 25:21

Tsô ter na kaa a na er: Doo yum, we ortom u injaa u jighjigh, u er jighjigh sha akaa a kpeghee, nahan me ver u sha akaa kpishi. Nyôr ken iember i teru.

Marku 8:34

A yila ikpelaior man mbahenen Nav her a Na, A kaa a ve er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan nana̱ dondo sha a Mo.

Luka 12:37

A saan mbatomov mba ter ve una va, una va kohol ve kuran la, iyol. Mimi je, M kaan ne ne, una ta ikondo uya, una ver ve hen ijiir i kwaghyan una va due ve a iwer.

Luka 6:46

Inja na nan man ne yerem ner, Tere! Tere! man ne eren akaa a M kaan ga?

Luka 9:23

A kaa a ve cii er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan ayange ayange, nana̱ dondo sha a Mo.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

YOHANE 13:16

Mimi mimi je, M kaan ne ne, wanakiriki hembe ter na icivir ga, ortyom kpaa hembe un u a tindi un la icivir ga.

YOHANE 14:15

Aluer Mea doo ne ishima yô, né kuran atindi Am.

YOHANE 14:3

Me yem Me za sôr ne ijiir yô, Me shi Me hide, Me va kua a ven sha er ne kpaa né lu hen ape M lu yô.

YOHANE 15:20

Umbur nen kwaghôron u M ôr ne la Mer: Wanakiriki hembe Ter na icivir ga; lu vea tôvom a ican yô, ne kpaa vea tôv ne a ican je; lu vea wa kwaghôron Wam iko yô, u wen kpaa vea wa un iko.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 21:22

Yesu kaa a na er: Aluer ka ishima Yam sha u una lu zan zan Me kar van yô, ka nyi you i lu sha mi? We yô, gba dondon sha a Mo tsô.

Mbaromanu 1:1

Paulu, kpan u Kristu Yesu u i yila un er a̱ lu apostoli, i tsegha un sha ci u Loho u Dedoo u Aôndo

Mbaromanu 14:18

Or u nan eren Kristu tom sha gbenda ne yô, á doo Aôndo a nan, ior kpaa vea rumun nan.

2 Mbakorinte 4:5

Gadia ka kwagh wase se lu ôron ga, kpa ka kwagh u Kristu Yesu, er A lu Ter yô, man se ayol a ase yô, se mba mbaeren ne tom sha ci u Yesu.

2 Mbakorinte 5:8

Ishima i taver se, hemba saren se u duen ken iyol kera za lun vea Ter.

Mbagalatia 1:10

Nahan ka ior m lu sendegh a ve hegen shin ka Aôndo? Shin ka ior m lu nôngon u doon ityough a ve ase? Aluer mea lu nôngon u doon ityough a ior heregh yô, ma m kera lu kpan u Kristu je ga.

Mbafilipi 1:23

Asema hingir mo ahar. Sarem ka yemen za lun vea Kristu, gadia nahan hemba doon yum.

Mbakolose 3:24

gadia ne fa ka hen Ter man né va zua a injar i sha dyako ye. Ka Ter Kristu ne eren Un tom ye.

Mbakolose 4:12

Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

2 Peteru 1:1

Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.

1 Yohane 5:3

Gadia ka dooshima u Aôndo ne, ka u se̱ kuran atindi a Na, man atindi a Na yô, a yuhwa ga.

Yuda 1:1

Yuda kpan u Yesu Kristu man anngô u Yakobu her kpaa, ngu sughun mba i yer ve, ve doo Aôndo Ter ishima shi i lu kuran ve sha ci u Yesu Kristu la.

Mpase U Yohane 14:4

Mban ka mba ve hôngor ayol a ve sha ukase ga la, mba wang er ka anuunaukase nahan. Ka ve ve lu dondon Waniyôngo hen ape A ze cii ye, ka mba i paa ve ken ior, ve lu iyiagh ki tsutswagh sha ci u Aôndo man sha ci u Waniyôngo kpaa ye.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.