YOHANE 12:20 - ICIGHAN BIBILO

²⁰ Mba ve zaan sha u za civir Aôndo sha iniongo la yô, Mbagrika mbagenev kpaa lu ker.

YOHANE 12:20 Iomraidhean Croise

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Marku 7:26

Lu kwase u ken Mbagrika, ityô na yô, lu Mbashiro-Fenishia. A zamber a Na er, A̱ dugh jijingi u bo ken wan na la kera.

YOHANE 12:1

Tsô ka shin ayange ataratar a Paseka una kuma yô, Yesu va ken Betani ape Lasaru lu la, un u Yesu nder un shin mbakpenev la.

YOHANE 12:19

Tsô Mbafarishi kaa ayol a ve er: Ne nenge kpa, mayange kwagh wen ngu zan hemen ga; nenge, tar cii ngu dondon Un ijime.

YOHANE 7:35

Nahan Mbayuda gba kaan ayol a ve er: Or ne Una za han ve sé zua a Na ga? Shin Una za hen mba ve sambe ve lu shir ken Mbagrika, Una za tese Mbagrikaou?

Aerenakaa A Mbaapostoli 14:1

Ken Ikonium kpaa ve nyôr ken shinagoge u Mbayuda ve ôr kwagh zan zan ikpelaior kpishi ken Mbayuda man Mbagrika na jighjigh.

Aerenakaa A Mbaapostoli 16:1

Tsô a va hen Derebe man Lisetera kpaa. Orhenen ugen lu ker, iti na er Timoteu, ngô na lu kwase u nan jighjigh lu kwase u ken Mbayuda, kpa ter na gema lu Orgrika;

Aerenakaa A Mbaapostoli 17:4

Mbagenev ken a ve, kuma ve ken ishima ve rumun ve var ken Paulu man Shila; Mbagrika mba cian Aôndo kpishi lu sha mi kua ashagbaukase kpaa lu kpuaa ga.

Aerenakaa A Mbaapostoli 20:21

m lu pasen Mbayuda man Mbagrika kwagh u ishima i geman hen Aôndo man kwagh u jighjigh u nan Ter wase Yesu Kristu la.

Aerenakaa A Mbaapostoli 21:28

ve gba genger imo kaan er: Ne Mbaiserael, wase nen se! Ngun ka or u a tesen ior cii han han sha u ôron ve akaavihin sha nongoior ne, man shi sha atindiakaa kua sha ijiir ne kpaa ne zan zan je yô, a va nyôr a Mbagrika ken tempel a va hôngor a icighanjiir ne kpaa.

Aerenakaa A Mbaapostoli 8:27

Tsô a mough a za. Yô, orgen, or u Etiopia, u eren tom ken ya u tor, lu ititor i Kandasa, torkwase u Mbaetiopia, u akaa a na a injaa cii lu sha ikev na yô, a za ken Yerusalem sha u za civir Aôndo,

Mbaromanu 1:16

Kunya kôrom sha ci u Loho u Dedoo la ga gadia ka agee a Aôndo a sha myom u yiman hanma or u nan ne jighjigh cii, hii sha or u Yuda man shi or u Grika kpaa.

Mbaromanu 10:12

Mkposo ngu hen Oryuda a Orgrika je ga, gadia ka Ter môm je A lu u ve cii ye, shi A ngee a akaa sha ci u mba ve yer sha iti Na la cii.

Mbagalatia 2:3

Titu u a lu vea mo la, shin er a lu or u Grika je nahan kpaa i kighir un sha u a̱ tsôngo ga.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbakolose 3:11

Heera yô, or u Grika man or u Yuda kera ngu ga, shin icôngo man ipusu kpaa ga, ortyôtyev shin Sekuti shin kpan man wan kpaa ga, kpa Kristu gema hoghom cii ken ior cii.