YOHANE 12:13 - ICIGHAN BIBILO

¹³ nahan ve tôô andar a avilegh, ve due u za keghen Un gbenda, ve gba genger imo, kaan er: Hosana! I̱ wuese Un u A ve ken iti i Ter la, ka Tor u Iserael je la.

YOHANE 12:13 Iomraidhean Croise

Yesaia 44:6

TER, Tor u Iserael man Orpaan na kpaa, TER u akum a Sha ngu kaan nahan er: Mo M ngu u hiihii, shi M ngu u masetyô kpaa; ma aôndo ugen ngu ga, saa Mo.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Levitiku 23:40

Sha iyange i hiihii la yô, tôô nen atam a ikon i doon ashe man andaravilegh kpaa, man agbaa a ikon i ngeen a ika man ikon i nelem agbaa i ken mnger; ember nen sha ishigh ki TER, Aôndo wen, ayange ataankarahar la cii.

Sefania 3:15

TER tôô ajir a i ôr u la kera, A kar a orihom wou kera; Tor u Iserael, TER ngu ken atô wou; ú kera shi cia kwagh u bo ga.

Mateu 23:39

Gadia M ngu kaan ne, kera nengen yen a Mo ga zan zan né va kaa ner: I̱ wuese Un u A ve ken iti i Ter la.

Mateu 27:42

A yima mbagenev, kpa A kera fatyô u yiman iyol Na ga. Ka Tor u Mbaiserael je; yô, A̱ hungwa sha terankon hegen, tsô se na Un jighjigh.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

YOHANE 12:14

Yesu zough a wanjaki yô, A tema sha mi, er i nger nahan la er:

YOHANE 12:15

De cie ga, wankwase u Shion, nenge Tor wou ngu van, A tema sha wanjaki.

YOHANE 19:15

Kpa ve genger imo er: I̱ yem a Na kera, i̱ yem a Na kera. I̱ za mande Un sha terankon. Pilatu kaa a ve er: M̱ mande Tor wen sha terankono? Upristi mba tamen gema kaa er: Se mba a tor ga, saa di Shisar tsô.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.

Mpase U Yohane 7:9

Ken masetyô u akaa ne yô, m ver ashe, yô, nenge, zegeikpelaior lu, ma or fatyô u ôron i iyenge ga, ve due ken hanma ikurior man hanma nongo man hanma nongoior man hanma zwa kpaa. Ve tile sha ishigh ki ikônough ki torough kila man sha ishigh ki Waniyôngo ve haa akondo a pupuu iyol shi ve lu a andar a avilegh sha ave.