YOHANE 11:55 - ICIGHAN BIBILO

⁵⁵ Tsô Paseka u Mbayuda mgbôghom, ior kpishi ken tar la kôndo sha Yerusalem er Paseka lu a kuma ga, sha u vea za wanger ayol yô.

YOHANE 11:55 Iomraidhean Croise

Genese 35:2

Yakob kaa a mba hen ya na, man mba ve lu a na cii er: Haa nen mbaaôndo mbagenev mba ve lu her a ven la, kera; wanger nen ayol a en, haa nen akondo agen,

Yobu 1:5

Tsô zum u iniongo ve ia ningir ia tser yô, Yobu a tindi loho er ve̱ va, i̱ wanger ve; nahan a mough pepe, a na iniav mbi nanden sha iyenge ve cii; gadia Yobu a hen er: Alaghga ônov av er kwaghbo, ve venda Aôndo ken asema a ve. Kape Yobu eren gbem la.

Upasalmi 26:6

Me nyian ishô iyol; ka nahan man me ningir sha atse a Ou a nanden nagh sha mi ye, TERE;

Ekesodu 19:10

Tsô TER kaa a Mose er: Za hen ior, za tsegha ve nyian kua kper, ve̱ ôô akondo a ve kpaa,

Numeri 9:10

Ôr kwagh a Mbaiserael kaa a ve wer: Aluer hanma or ken a ven shin ken tsombor wen nana kera lu wang ga sha ci u nan bende a ikomor yô, shin nana lu ken zende ca, nahan kpaa, nana ya Paseka u TER.

Numeri 9:6

Kpa ior mbagenev lu, mba ve lu wang ga sha ci u ve bende a ikomor yô, nahan ve fatyô u yan Paseka sha iyange la ga; nahan ve va hen Mose vea Aron sha iyange la je;

Mateu 26:1

Tsô zum u Yesu kure akaaôron ne cii yô, A kaa a mbahenen Nav er:

Mateu 26:2

Ne fa ayange aa kar ahar yô, Paseka una kuma; nahan á na Wan u or sha u i̱ za mande Un sha terankon.

Marku 14:1

Tsô ka shin ayange ahar a iniongo i Paseka kua i bredi u i we kwa sha mi ga la, ia kuma yô, upristi mba tamen man mbangeren gba keren ian i vea kôr Un sha atseregh, vea wua Un.

Luka 22:1

Iniongo i bredi u i we kwa sha mi ga la i i yer er Paseka la mgbôghom.

YOHANE 12:1

Tsô ka shin ayange ataratar a Paseka una kuma yô, Yesu va ken Betani ape Lasaru lu la, un u Yesu nder un shin mbakpenev la.

YOHANE 13:1

Tsô er iyange i iniongo i Paseka lu a kuma ga la er Yesu fa shighe Na kuma u Una due shin tar ne, Una yem hen Ter yô, er ior Nav mba ve lu shin tar ne ve doo Un ishima zan zan ar sha mkur je.

YOHANE 18:28

Nahan ve mough a Yesu hen Kayafa, ve nyôr a Na ken ya u gomna; lu pepe je; kpa ve ayol a ve yô, ve nyôr ken ya u gomna la ga, sha u ve̱ de hôngor ayol a ve ga, sha u vea fatyô u za yan Paseka yô.

YOHANE 2:13

Paseka u Mbayuda mgbôghom yô, Yesu za ken Yerusalem.

YOHANE 2:6

Uzwar mba awenev lu her ataratar sha inja i mwangeryol u Mbayuda, hanma zwar kpaa kuma galon ikundu shin ikundugber nahan.

YOHANE 5:1

Ken masejime u akaa ne yô, iniongo i Mbayuda igen i kuma, Yesu kpaa za sha Yerusalem.

YOHANE 6:4

Yô, Paseka, iniongo i Mbayuda la mgbôghom.

Aerenakaa A Mbaapostoli 21:24

Yô, za a ve, za wanger iyol you a ve imôngo, na inyaregh i̱ hondo ve ityouv, nahan ior cii vea fa er mter u i ter u ne, mimi ngu sha mi ga, we iyol you kpaa u we iko sha atindi.

Aerenakaa A Mbaapostoli 21:26

Tsô Paulu za a ior mbala; kper nan gen wanger iyol na a ve imôngo kera yô, a nyôr ken tempel, a gba yôôn shighe u ayange a wanger ayol la una bee man á na nagh sha ci u hanmô ve yô.

Aerenakaa A Mbaapostoli 24:18

M lu eren ave je, tsô ve kohol mo a mi ken tempel a iyol i wanger, m lu a ikpelaior imôngo ga, ayôôso kpaa lu ga. Kpa Mbayuda mbagenev mba ve due ken Ashia yô, lu her:

1 Mbakorinte 11:28

Kpa or nana̱ kar iyol i nan man nana ya bredi la man nana ma iyongo la ye.

Yakobu 4:8

Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne.

1 Samuel 16:5

A kaa er: Ka bem; m va sha u me na TER nagh; yô wanger nen ayol, va nen a mo hen nagh ku nan. Tsô a wanger Yese kua ônov nav, a lôhô ve nagh kula.