YOHANE 11:52 - ICIGHAN BIBILO

⁵² Kpa ka sha ci u ikurior la tseegh ga, ka sha u Una kohol ônov mba Aôndo mba ve sambe sha won ve̱ lu kwagh môm yô.

YOHANE 11:52 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Upasalmi 22:15

agee am uma kera er icenge nahan, nombor wam varem sha ikighô; U va a mo hen vuulevu u kuugh.

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 72:19

man shi i̱ wuese iti Na i dion tsung gbem sha won; tar cii u̱ iv a iengem Na. Amen, man shi Amen kpaa.

Yesaia 49:18

Kende ashe ou sha, jinge kera, man nenge; ve cii mba kohol imôngo, mba van her a we. Er M lu u uma yô, kape TER kaa la, mimi je ú wuha iyol sha a ve cii er ka ikav mbi hweev yô, man ú zer ve iyol er ka kwasehe nahan.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 55:5

Nenge, wea yila ikurior i u fe i ga, ikurior i i fe u ga kpaa, ia va her a we ayem, sha ci u TER, Aôndo wou, man sha ci u Icighan u Iserael; gadia A civir we.

Yesaia 56:8

Ter AÔNDO u A kohol Iserael mba ve sambe la, ngu kaan er: Mbagenev kpaa Me kohol ve, á seer ve sha mba nav mba i vande kohol la.

Yesaia 60:4

Kende ashe, kenger hanma ian, nenge; ve cii mba kohol mba van her a we; ônov ou mba nomso mba moughon ken ica, van her a we, ônov ou mba kasev kpaa, mba van a ve sha ihan.

Esekiel 34:12

Er orkuranilev ka nan tôv ikumile i nan sha iyange i nan lu ker atô u iyôngo i nan i i sambe i wue wue la, kape Mo kpaa Me tôv iyôngo Yam; Me yima i ken ajiir a i sambe i la cii, sha iyange i abeen man angôghime la.

Hosea 1:10

Nahan kpaa iyenge i ônov mba Iserael ia lu er waarawa u shin zegemnger, u i fetyô u karen u ga, shin u ôron u kpaa ga yô, tsô hen ijiir i i lu kaan a ve er: Ne mba nongoior Wam ga la, á gema á yila ve er: Ne mba ônov mba Aôndo u uma.

Luka 15:8

Shin ka hanma kwase man nana lu a sule pue, man u môm una saa nan yô, nana kera tsar imenger, nana ese iyou, nana ker tsung zan zan nana kar zuan a min gaa?

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.

YOHANE 1:12

Kpa mba ve rumun Un la yô, ve cii A na ve tahav mbu vea hingir ônov mba Aôndo, ka mba ve ne iti Na jighjigh je la;

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

YOHANE 10:16

M ngu a iyôngo igen i i lu hen ityôr ne ga yô, i kpaa Me va a i keng, ia ungwa imo Yam; ia hingir ikum i môm man orkuran môm kpaa.

YOHANE 12:32

Man Mo zum u á tôôm shin inya á kendem sha yô, Me urugh ior cii her a Mo.

Aerenakaa A Mbaapostoli 18:10

gadia Mo M ngu a we, ma or ngu u nana bende u ave sha u eren we kwagh u bo ga, gadia M ngu a ior kpishi ken gar ne.

Mbaromanu 3:29

Shin Aôndo ka u Mbayuda tseeghe? Kera ka u atôatyev kpaa gaa? Mimi je, ka u atôatyev kpaa,

Mbaromanu 4:17

Kape i vande ngeren kpaa la er, M ver u ter u akuraior cii. Lu sha ishigh ki Aôndo u a na Un jighjigh la er Un ka Aôndo u nderen mbakpenev shi A yer akaa a a lu ga la er a̱ lu yô.

Mbaefese 1:5

A vande veren se sha u Una rumun se ye, se̱ lu ônov Nav ken Yesu Kristu, sha mwe u A wa ishima la ye,

Mbaefese 3:11

ka sha awashima Na u tsôron u A kure ken Kristu Yesu Ter wase la.

Yakobu 1:1

Yakobu, kpan u Aôndo man u Ter Yesu Kristu ngu sughun ikwe i pue kar ihiar i i sambe la.

1 Peteru 1:1

Peteru apostoli u Yesu Kristu ngu sughun ushirmbaiorov mba ve sambe ve lu ken Pontu man Galatia man Kapadoshia man Ashia man shi Bitinia la, ka mba i tsough ve

1 Yohane 2:2

Ka Un je A lu iwom i asorabo ase ye, man ka a ase tseegh ga, kpa ka a tar cii je.

1 Yohane 3:1

Nenge imba dooshima u se doo Ter ishima ne; mba yilan se je er ônov mba Aôndo, man kape se lu je la. Ka nahan man tar u fe se ga ye, sha ci u u fe Un ga yô.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,