YOHANE 11:51 - ICIGHAN BIBILO

⁵¹ Kpa a gba ôron kwagh ne iyol na tsô ga, kpa ka er un lu zegepristi ken inyom la yô, a tsengaôron er Yesu Una kpe sha ci u ikurior la.

YOHANE 11:51 Iomraidhean Croise

Ekesodu 28:30

Man wa Urim kua Tumim ken ikpa i kuren kwagh la; ve̱ lu Aron sha ishima, zum u una nyôr hen ishigh ki TER yô. Nahan Aron una tôôn kwagh u kuren kwagh u Mbaiserael sha ishima na, sha ishigh ki TER.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Numeri 22:28

Tsô TER bugh jaki zwa, i kaa a Balaam er: M er u nyi, ve u gbidyem acin atar je?

Numeri 24:2

Tsô Balaam kende ashe sha, a nenge Iserael haa afo sha ikwe ikwe, tsô Jijingi u TER gba sha a na.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

YOHANE 10:15

vough er Ter A fem, Mo kpaa M fe Un nahan; man shi M ne uma Wam sha ci u iyôngo.

YOHANE 11:49

Tsô u môm ker a ve iti na er Kayafa, u a lu zegepristi ken inyom la yô, kaa a ve er: Ne fa ma kwagh môm ga,

YOHANE 18:13

ve vande zan a Na hen Ana; gadia a lu terkem u Kayafa je, u a lu zegepristi hen inyom la yô.

1 Mbakorinte 13:2

Aluer i nam u ôron kwaghôron u profeti man mea fa akaamyer cii man kwaghfan cii kpaa, man mea lu a jighjigh u nan je una kuma u moughon a iwo, kpa mea lu a dooshima ga yô, m ngu ma kwagh je ga.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

1 Yohane 2:2

Ka Un je A lu iwom i asorabo ase ye, man ka a ase tseegh ga, kpa ka a tar cii je.

1 Samuel 23:9

Kpa Davidi fa er Saulu a we kwaghbo ishima a na yô, nahan a kaa a pristi Abiatar er: Va a efodi heen.

1 Samuel 28:6

Er Saulu pine TER yô, TER bugh un zwa ga, shin sha mnyam ma cien, shin sha Urim, shin sha uprofeti kpaa ga.