I laha Un, ior kpaa ta Un kera; lu or u yan ican, hool Un a angev kpaa, A lu er or u ior ve gem ishiv vev hen nan kera yô; i laha Un man se kpaa se wa Un iko ga.
Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.
Kpa aluer ne venda u ungwan un yô, uma wam una vaa ken myer sha ci u iyolmoron la; man ashe am aa vaa tsung, mliam maa haa, sha ci u i kôr ikumuile i TER, i kange i, i yem a mi yô.
Yô kaa ve imo ne, wer: Ashe am a̱ haa mliam tugh man tetan, a̱ de memen ga; gadia i vihi iniunkwase, wankwase u ior av sha mvihi u vesen je, kwaghbo tser un tsung.
Ka nahan man m lu vaan mliam ye; ashe am nga ndôôr mliam, sha ci u orsurunshima u una taver uma wam ngu ca a mo; ônov av kpaa kondo ve iyol sha ci u orihom hemba.
Tsô mba ongo akaa ne yô, shi ka seer Na u ôron ve injakwagh igen la, sha ci u A mgbôghom a Yerusalem, man lu ve er tartor u Aôndo ua ande ken igbar fese je.
Gadia se mba a zegepristi u A fetyô u zungwen a vese imôngo ken aseer a ase ga ze, kpa ka u i mee Un sha hanma gbenda cii vough er se nahan, saa di isholibo tsô A er ga ye.
