YOHANE 10:36 - ICIGHAN BIBILO

³⁶ ka nyi man ne kaan a Un u Aôndo a tsegh Un, A tindi Un shin tar la, ner: U ngu tuhwan Aôndo, sha ci u M kaa Mer: M ngu Wan u Aôndo?

YOHANE 10:36 Iomraidhean Croise

Upasalmi 2:2

Utor mba sha won ve mough ahendan, mbatarev kpaa ve zua sha u henen akaa a num sha TER man Un u TER A ver Un tor la, mba kaan er:

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 42:3

Ijinga i hemben Una sombo i ga, mou u imenger u yughur mnyim la kpaa Una pir un ga; Una va a ijirôron sha mimi kpaa.

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Yeremia 1:5

Er M lu a er u ken uya ga je tsô, M fa u, er u lu a due ken uya ga je tsô, M tsegha u; M ver u profeti u akuraior je.

Mateu 27:43

A lu suur sha Aôndo; yô, A̱ yima Un hegen, aluer a doo Un a Na yô, gadia kaan er, Un ngu Wan u Aôndo je.

Mateu 27:54

Torutya kua mba ve lu a na imôngo, ve kuran Yesu la, zum u ve nenge mtenger u tar man akaa a a er la yô, cier ve iyol kpishi ve kaa er: Mimi je, Ngun lu Wan u Aôndo.

Luka 1:35

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

YOHANE 10:35

Aluer a yila mbala mba kwaghôron u Aôndo lu va her a ve la er mbaaôndo yô, man a fatyô u bunden icighanruamabera kpaa ga yô,

YOHANE 17:18

Er U tindim shin tar ne nahan, Mo kpaa, kape M tindi ve shin tar ne je ne.

YOHANE 17:21

sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 19:7

Mbayuda gema kaa a Na er: Se mba a tindi man sha tindi wase la yô, A kuma ku, sha ci u A veren iyol er Un ngu Wan u Aôndo je yô.

YOHANE 20:28

Toma gema kaa a Na er: Terem man Aôndo Wam.

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

YOHANE 3:17

Gadia Aôndo tindi Wan Na shin tar ne sha u A̱ va ôr tar ijir ga, kpa ka sha u tar u̱ war sha a Na.

YOHANE 3:34

Gadia Un u Aôndo A tindi Un la, ngu ôron akaaôron a Aôndo gadia Aôndo na Un Jijingi wuee je, kar a kar ga.

YOHANE 5:30

Mo yô, M fatyô u eren ma kwagh sha tahav Av iyol Yam ga. Er M ongo nahan, kape M er ijir kpaa la; man ijirôron Yam ka i mimi, gadia M keren u eren ishima yam ga, kpa ka ishima i Un u A tindim la.

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

YOHANE 6:38

Gadia M sen Sha, ka sha u Me er ishima Yam ga, kpa ka u eren ishima i u A tindim la.

YOHANE 6:57

Er Ter u uma A tindim, man M lu uma ken Ter yô, kape or u nana yam kpaa nana lu uma ken a Mo la.

YOHANE 6:69

Man se yô, se na jighjigh shi se fa er We U ngu Icighan u Aôndo.

YOHANE 8:42

Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.

Mbaromanu 1:4

kpa sha Jijingi u mtsegh i pase er Un ka wan u ageegh u Aôndo sha mnder u shin mbakpenev, ka Yesu Kristu Ter wase je la.

Mbaromanu 8:3

Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

Mbaromanu 9:5

Mba a uter mba tamen la kpaa man shi ka ken ve man i mar Kristu ken iyol kpaa ye. Un ka Aôndo u hemban akaa cii, i̱ wuese Un gbem sha won. Amen.

Mbagalatia 4:4

Kpa er shighe va kuma vough yô, Aôndo tindi Wan Na, kwase va mar Un, i mar Un sha ikev i tindi,