YOHANE 10:28 - ICIGHAN BIBILO

²⁸ Mo m ne i uma u tsôron ia tim mayange ga, ma or kpaa nana tsuwem i sha ikev je ga.

YOHANE 10:28 Iomraidhean Croise

Yobu 17:9

Kpa orperapera nana taver ishima sha gbenda u nan, u nan lu ave wang kpaa, nana seer taver a taver.

Upasalmi 31:5

M gema jijingi wam m wa un sha ikev You; U paam, TERE, We, Aôndo u mimi.

Upasalmi 37:28

Gadia kwagh u mimi doon TER ishima, man shi te mba i doo Un a ve la kera ga. Mba koson ve gbem, kpa tsombor u mbaerenafer yô, á tim ve kera.

Anzaakaa 24:16

Gadia orperapera ka nan gba kwa taankaruhar kpa nan mough, kpa iferor yô, ka nan gba ken bocan.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 27:3

Mo TER, M ngu kuran u; Me urun u hanma shighe; sha u ma or môm nana̱ de vihin u ga yô, Me kuran u tugh kua tetan.

Yesaia 45:17

Kpa Iserael yô, TER Una yima ve, sha myom u tsôron; kunya ua kôr ne ga, né va ahenge sha won kpaa ga.

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yeremia 23:4

Me shi Me ver mbakuranilev sha i, mba vea sôôso i yô; ia kera cia kwagh ga, shin kwagh á cier i iyol kpaa ga, hanmôgh kia kera ban ken i ga, kape TER A kaa ne.

Yeremia 31:3

TER ande her a mo ken ica je, kaa er: Een, u doom ishima sha dooshima u tsôron je, ka sha ci u nahan M udugh we sha erdoo ye.

Yeremia 31:34

Nahan hanmô ve nana kera tese or u wan ndor a nan, shin anmgbian u nan er: Fa TER ga; gadia ve cii vea fam, á hii sha u kiriki ve zan zan ar sha u vesen, kape TER A kaa ne; gadia Me de ve ifer ve, asorabo a ve kpaa Me kera seer u umbur a ga.

Yeremia 32:40

Me ya ikur i tsôron a ve, Me de u eren a ve dedoo ga; Me ver mciem ma cian Mo ken asema a ve, sha u ve de kera undun Mo ga yô.

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Luka 23:46

Yesu kpaa yila sha imo i taver genger genger er: Tere, M na jijingi Wam sha ikev You. Kaan nahan yô, maa A sule.

YOHANE 10:29

Terem u A nem i la, hemba cii; ma or môm kpaa nana fatyô u tsuwen i sha ikev i Ter ga.

YOHANE 11:25

Yesu kaa a na er: Mo M ngu mnder man uma kpaa; or u nana nam jighjigh yô, shin nana kpe kpaa, nana lu uma.

YOHANE 14:19

Mase shin ciôn man tar ua kera nenge a Mo ga; kpa ne yô, né nenge a Mo, sha ci u Mo M lu uma, ne kpaa né va lu uma yô.

YOHANE 17:2

gadia U na Un tahav sha uuma cii, sha u mba U ne Un cii A̱ na ve uma u tsôron yô.

YOHANE 18:9

Lu sha er kwaghôron u A kaa la a̱ kure sha mi vough er: Mba U nem mbala, mô ve môm saam ga.

YOHANE 3:36

U nan ne Wan jighjigh yô, nan ngu a uma u tsôron; kpa u nan hembe Wan ato yô, nana nenge a uma ashe ga, kpa iyugh i Aôndo ngi sha a nan.

YOHANE 4:14

Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

YOHANE 5:24

Mimi mimi je, M kaan ne ne, or u nan ongo kwaghôron Wam man nan ne Un u A tindim la jighjigh yô, nan ngu a uma u tsôron, nan ngu van hen ijirôron kpaa ga, kpa nan due ken ku, nan nyôr ken uma ve.

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 6:47

Mimi mimi je, M kaan ne ne, or u nan ne jighjigh yô, nan ngu a uma u tsôron.

YOHANE 6:68

Shimon Peteru gema kaa a Na er: Tere, ka hen an je shi sé zaa? Ka We U lu a mkaanem ma uma u tsôron ye.

Aerenakaa A Mbaapostoli 7:59

Ve ta Sefanu awen, lu yilan kaan er: Ter Yesu, ngohol jijingi wam!

Mbaromanu 5:17

Aluer ka sha tindi u peren u or môm la man ku u tem tor, i lu sha or môm la yô, ve mba ve ngohol mrumun u sha mhôôn u ngeen yum la man iwua i ishô i nan i ngeen yum la yô, vea hemba lun uma shi vea hemba yan tor sha Or môm, ka Yesu Kristu je la.

Mbaromanu 5:2

Ka sha a Na kpaa man se zough a ian i nyôron [sha jighjigh u nan] ken mrumun u sha mhôôn u se til sha mi ne ye, shi se mba wuese ser, se mba a ishimaverenkeghen iengem i Aôndo la.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mbaromanu 5:9

Nahan hegen yô, er i ne se ishô sha awambe Na yô, Una hemba yiman se sha iyugh cii.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

Mbaromanu 8:1

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

Mbaromanu 8:29

Gadia mba A vande fan ve la, A vande veren ve er ve̱ lu inja i môm a mlu u Wan Na sha u Una lu Waniunda ken anmgbianev kpishi yô;

Duteronomi 33:3

Mimi je, ikwe la doo Un ishima; uicighanmbaiorov Nav cii ve mba sha ikev You, ve haa hen angahar a Ou; hanmô ve nan ngohol kwagh sha akaaôron a Ou.

Mbafilipi 1:6

M fa dedoo mer Un u A hii tom u dedoo ken a ven la Una za hemen u eren u zan zan iyange i Kristu Yesu.

2 Timoteu 2:13

Kpa se yô, ka u sé sugh Aôndo sha ci wen gbem, ne anmgbianev mba ne doo Ter ishima gadia Aôndo tsuwa ne sha hiihii je u zan ken myom sha mtsegh u sha Jijingi man sha u nan kwagh u mimi la jighjigh.

1 Timoteu 1:16

Ka nahan man i zungwen mhôônom ye, ka sha u Yesu Una tese ishimawan Na cii ken mo u m hembe ne, i̱ hingir mbagenev ikav mba vea mase va nan Un jighjigh sha u zuan a uma u tsôron yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:12

ka sha ci u kwagh ne man m lu yan atsan ne nahan ye, kpa kunya kôrom sha mi ga. Gadia m fa Un u m na Un jighjigh la man m fa dedoo mer Una fatyô u kuran kwagh u i wem sha ikev la zan zan iyange la.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

1 Peteru 1:5

ne mba i kor ne sha agee a Aôndo sha jighjigh u nan, sha u ngohol myom u i kegh iyol i ver a ver u pasen un sha iyange i masetyô yô.

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Yohane 2:19

Ve due ken vese, kpa ve lu mba ken a vese ga, gadia vea lu mba ken a vese yô, ma ve lu a vese heregh, kpa ve due sha u á pase er i lu ve cii ve lu ken vese ga yô.

1 Yohane 2:25

Man ityendezwa i A tende a vese ne yô, ka uma u tsôron.

1 Yohane 5:11

Shiada la yô, ka un ne: Aôndo na se uma u tsôron, man uma ne yô, ka ken Wan Na a lu ye.

Yuda 1:1

Yuda kpan u Yesu Kristu man anngô u Yakobu her kpaa, ngu sughun mba i yer ve, ve doo Aôndo Ter ishima shi i lu kuran ve sha ci u Yesu Kristu la.

Yuda 1:21

Kuran nen ayol a en, luun nen ken dooshima u Aôndo. Kegh nen mhôônom ma zungwen ma Ter wase Yesu Kristu u a lu zan ken uma u tsôron la.

Yuda 1:24

Un u A lu a agee a Una kura ne sha u né kera nôngo gbev ga shi Una ver ne né lu a acôghol iyol ga sha ishigh ki iengem Na a iember tsung je,

1 Samuel 2:9

Una kula angahar a uicighan Nav, kpa mbaaferev yô, vea saa ken ime; gadia a lu sha agee yô, ma or môm nana hemba ga.