YOHANE 10:10 - ICIGHAN BIBILO

¹⁰ Ormbaiv yô, nan ve kwagh ugen ga, ka sha u nana va ii man nana wua man nana tim tsô; Mo yô, M va sha u ve̱ zua a uma, ve̱ zua a mi wuee je.

YOHANE 10:10 Iomraidhean Croise

Yesaia 56:11

Een, iwa i eren hua, mayange ngi fe iden ga; ve ka mbakuranilev mba ve fe u veren ishima sha kwagh ga yô; ve cii ve hurugh, hanmô ve ngu yemen gbenda u nan je, hanmô ve, hen mtsera u nan, ve cii mba kwagh môm tsô.

Hosea 7:1

Zum u M ver ishima u wanger Iserael yô, nahan ifer i Eferaim gema due ken igbar kua aeren a bo a Samaria kpaa, gadia ve eren kwagh sha aie; ormbaiv ngu nyôron, man ikum i mbanumungbenda ngi numun ken won.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 18:11

[Gadia Wan u or va sha u yiman kwagh u a saa yô].

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

Mateu 21:13

A kaa a ve er: I nger er: Á yila iyou Yam er iyou i msen; kpa ne yô, ne gema a mi, hingir bar u mbanumunior.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Marku 11:17

A gba tesen kaan a ve er: I kera nger er: Á yila iyou Yam er iyou i msen sha ci u akuraior cii gaa? Kpa ne yô, ne gema a mi, hingir bar u mbanumunior.

Luka 19:10

Gadia Wan u or va sha u keren man u yiman kwagh u a saa yô.

YOHANE 10:1

Mimi mimi je, M kaan ne ne, or u nan nyer hen hunda u ityôr i iyôngo ga, kpa nan nyer i jiir igen yô, nan ngu ormbaiv man ornumungbenda kpaa.

YOHANE 10:11

Mo M ngu Orkuranilev u dedoo; orkuranilev u dedoo ka A gbihi uma na sha ci u iyôngo.

YOHANE 12:47

Man shi aluer anti or nana ungwa mkaanem Am, kpa nana wa ma iko ga yô, Me ôr nan ijir ga; gadia M va sha u Me ôr tar ijir ga, kpa ka sha u Me yima tar yô.

YOHANE 12:6

A kaa nahan, kpa lu sha ci u a wa mbaatsanev iko ga, kpa lu sha ci u un lu ormbaiv yô, man er a tilin ikpanyar yô, a dughun kwagh u i we kimi la.

YOHANE 3:17

Gadia Aôndo tindi Wan Na shin tar ne sha u A̱ va ôr tar ijir ga, kpa ka sha u tar u̱ war sha a Na.

YOHANE 5:40

Nahan kpaa ka ne ka van her a Mo sha er ne̱ zua a uma ga.

YOHANE 6:33

Gadia kwaghyan u Aôndo A ne yô, ka Un u A dugh Sha A ne tar uma la.

YOHANE 6:51

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

Mbaromanu 2:21

Nahan we u u tesen mbagenev ne u kera tese iyol you gaa? We u u yee wer, i̱ de iin ga ne, u gema u ngu iini?

1 Timoteu 1:15

Kwaghôron ne ka u jighjigh, a kuma u rumun un a ishima i môm er Kristu Yesu va shin tar sha u yiman mbaasorabo, man ken ve yô, ka mo m hembe ye.

Mbaheberu 6:17

Ka nahan man Aôndo kpaa er i sar Un pe tesen mbayandyako u ityendezwa la, i̱ hemba wanger er awashima Na a lu kwagh u geman mayange ga yô, A nyôr a mbum sha mi,

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

2 Peteru 1:11

Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye.