YOHANE 10:1 - ICIGHAN BIBILO

¹ Mimi mimi je, M kaan ne ne, or u nan nyer hen hunda u ityôr i iyôngo ga, kpa nan nyer i jiir igen yô, nan ngu ormbaiv man ornumungbenda kpaa.

YOHANE 10:1 Iomraidhean Croise

Yeremia 14:15

Nahan TER ngu kaan nahan er: Sha kwagh u uprofeti mba ve pasen kwagh ken iti Yam, man M tindi ve ga, mba ve kaan er: Sanker man ijen vea lu ken tar ne ga ne: Ka sha sanker kua ijen á tim uprofeti mbala ye.

Yeremia 23:21

M tindi uprofeti mban ga, nahan kpaa ve gba zan tsô; M ôr kwagh a ve ga, nahan kpaa mba gbe ôron kwaghôron u uprofeti tsô.

Yeremia 23:32

Nenge, M ngu num a mba ve er mnyam ma cien la, kape TER A kaa ne, man ve pasen ma, ve ne ior Av ve tsum sha aie ve, kua kwaghôron ve u sha ihagher la; nahan kpaa, Mo M tindi ve ga, M na ve zwa kpaa ga; man shi vea lu ior mban a ma inja je ga, kape TER A kaa ne.

Yoel 2:9

Ve ta sha gar, ve nyôngoso sha ukpekpe; ve unde ve nyôr ken ayou, ve nyôr sha a-an a ayou er ka mbaiv yô.

Mateu 7:15

Kura nen ayol a en sha uprofeti mba aiev mba ve ve her a ven a akôv a iyôngo iyol, kpa ken atô ve yô, gema ka ugbaseela mba huav je.

YOHANE 10:7

Nahan Yesu shi kaa er: Mimi mimi je, M kaan ne ne, Mo M ngu hunda u iyôngo.

YOHANE 3:3

Yesu gema kaa a na er: Mimi mimi je, M kaan we ne, saa á mar or hegh, gayô, nana fatyô u nengen tartor u Aôndo ga.

Mbaromanu 10:15

Man shi á er nan man vea ôr kwaghaôndo aluer a tindi ve ga yôô? Kape i nger la er: Angahar a mbayôôn loho u akaadoon la a doo tsô!

Mbaromanu 16:18

Gadia ambaaior la yô, ka Ter wase Kristu ve eren Un tom ga kpa ka iyav vev ve eren mbu tom ye. Ka sha zwanyohon man zwaovon ve lu tsumen a asema a mbakavenkwagh ga la ye.

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

Mbaheberu 5:4

Man mayange or gbe ngohol icivir ne iyol i nan tsô ga, kpa ka Aôndo je A yer nan ye er A yila Aron nahan vough.

1 Peteru 1:10

Sha kwagh u myom ne yô, uprofeti mba ve tsengaôron kwagh u mrumun u sha mhôôn u i ver sha ci wen yô, ve tôv un ve time vighe vighe je.

2 Peteru 2:1

Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

2 Peteru 2:3

Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.