YOHANE 1:7 - ICIGHAN BIBILO

⁷ Un yô, va sha u pasen kwagh, ka sha u pasen kwagh u iwanger la sha u ior cii ve̱ na jighjigh sha tom na la.

YOHANE 1:7 Iomraidhean Croise

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

YOHANE 1:12

Kpa mba ve rumun Un la yô, ve cii A na ve tahav mbu vea hingir ônov mba Aôndo, ka mba ve ne iti Na jighjigh je la;

YOHANE 1:15

Yohane gba pasen kwagh Na, genger imo kaan er: Ngun ka Un u m ter Un, m kaa mer, Un u A lu van ken ijime yam la, ngu tamen a mo, gadia vande lun a mo.

YOHANE 1:19

Man ngun ka mpase u Yohane ne, zum u Mbayuda tindi upristi man Mbalevi her a na; ve due ken Yerusalem sha u ve̱ za pine un er: We yô u ngu ana?

YOHANE 1:36

Tsô a nenge Yesu lu zenden, a kaa er: Nenge, Waniyôngo u Aôndo Ngula!

YOHANE 1:9

Iwanger i mimi i i wanger hanma or yô, i lu van shin tar.

Aerenakaa A Mbaapostoli 19:4

Kpa Paulu kaa er: Yohane yô, er batisema sha batisema u mgemshima, lu kaan a ior er, ve̱ na Un u A lu van ken ijime na la jighjigh ka Yesu je la.

Mbagalatia 3:26

Gadia ne cii, ne mba ônov mba Aôndo sha jighjigh u nan ken Kristu Yesu.

Mbaefese 3:9

man shi u pasen wanger wanger er tom u sha kwaghmyer la u lu yô; kwaghmyer ne lu myer ken Aôndo u A gbe akaa cii, hii je er shighe lu a lu ga la.

1 Timoteu 2:4

Sar Un u ior cii ve̱ war ve̱ ar sha mfe u fan mimi la.

Titu 2:11

Gadia mrumun u sha mhôôn u Aôndo va ande ve, a va a myom sha ci u ior cii.

2 Peteru 3:9

Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.