YOHANE 1:51 - ICIGHAN BIBILO

⁵¹ Shi A kaa a na er: Mimi mimi je, M kaan ne ne, né va nenge á bugh Sha man mbatyomov mba Aôndo vea kôndon vea senen sha Wan u or.

YOHANE 1:51 Iomraidhean Croise

Genese 28:12

Mnyam cie un er gogo tuur shin inya, za suur ityough sha aôndo je; mbatyomov mba Shaav mba Aôndo gema lu unden man shi hungwan sha mi.

Esekiel 1:1

Tsô sha inyom i sha ikundugber, uwer u sha unyiin, ayange a u ataan la, er m lu ken mbakwarev hen kpeifi u Cebar yô, i bugh Sha man m nenge mbampase mba Aôndo.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

Mateu 26:24

Wan u or ngu zan er i nger sha a Na nahan, kpa kwagh á tser or u nan nenge mker sha a Na la; ka u ma i mar nan ga la, ma i lu nan guda ye.

Mateu 3:16

Tsô er i er Yesu batisema kera yô, A due shin mnger fese, maa i bugh Sha man A nenge a Jijingi u Aôndo lu senen er ikungugh nahan, va tema sha a Na.

Mateu 4:11

Tsô diabolo mough hen Na kera; tsô mbatyomov mba Shaav va, va wase Un.

Mateu 8:20

Yesu gema kaa a na er: Atsôngo nga a ijô, inyon i sha ngi a aya, kpa Wan u or yô, ngu ape suur ityough ga.

Mateu 9:6

Kpa sha u né fa er Wan u or A lu a tahav mbu den ior asorabo sha won yô, nahan A gema a kaa a or u kpen alegh la er: Mough, tôô gambe wou, yem hen ya wou.

Marku 1:10

Ngur duen shin mnger yô, fese nahan A nenge i bugh Sha, man Jijingi, lu er ka ikungugh nahan, lu senen sha a Na.

Marku 14:62

Yesu kaa er: Ka Mo Un je ne; man né nenge Wan u or, Una tema ken uwegh ku yanegh ku Ageegh la, Una va a abeen a sha kwavaôndo imôngo.

Luka 2:13

Fese nahan ikumior i Sha va kohol ortyom la, ve gba wuese Aôndo, kaan er:

Luka 2:9

Tsô ortyom u Ter va tile hen ve, man iengem i Ter mondo kase ve, tsô mciem gba ve iyol kpishi.

Luka 22:43

Tsô ortyom u Sha ande hen Na, gba taver Un ishima.

Luka 22:69

Kpa hii hegen je zan zan Wan u or Una tema ken uwegh ku yanegh ku agee a Aôndo.

Luka 24:4

Tsô ka ngur nzughul ve yô, ior uhar tile a ve a akondo a engem.

Luka 3:21

Tsô mba eren ior batisema cii, mba been yô, Yesu kpaa i er Un batisema; ngur eren msen yô, i bugh Sha,

YOHANE 1:50

Yesu gema kaa a na er: Ka sha ci u M kaa a we Mer, M nenge a we shin itine i tur la man u ne jighjigh yee? Yô, ú va nenge akaa a a hembe vesen a angan yô.

YOHANE 10:1

Mimi mimi je, M kaan ne ne, or u nan nyer hen hunda u ityôr i iyôngo ga, kpa nan nyer i jiir igen yô, nan ngu ormbaiv man ornumungbenda kpaa.

YOHANE 10:7

Nahan Yesu shi kaa er: Mimi mimi je, M kaan ne ne, Mo M ngu hunda u iyôngo.

YOHANE 13:16

Mimi mimi je, M kaan ne ne, wanakiriki hembe ter na icivir ga, ortyom kpaa hembe un u a tindi un la icivir ga.

YOHANE 13:38

Yesu gema kaa er: Ú na uma wou sha ci Wama? Mimi mimi je M kaan we ne, nomikegh una lu a tôngo ga je tsô ú nyiman kwa tar je wer, u fam ga.

YOHANE 14:12

Mimi mimi je, M kaan ne ne, u nan nem jighjigh yô, ityom i M eren ne, nan kpaa nana er i; i i hembe ingin je kpaa nana er, sha ci u M lu yemen hen Ter yô.

YOHANE 16:20

Mimi mimi je, M kaan ne ne, né va vaa, né zungwe kpaa tar yô, ua ember; asema aa vihi ne kpishi, kpa asema a vihin a en la aa gema á hingir ne iember.

YOHANE 16:23

Man sha iyange la né kera pinem ma kwagh ga. Mimi mimi je, M kaan ne ne, nyityô, kwagh i ne sôn Ter yô, Una na ne i ken iti Yam.

YOHANE 21:18

Mimi mimi je, M kaan we ne, zum u u lu iyev la, u zeren kwange iyol you, u zenden sha ishima you; kpa zum u ú va bee iyol yô, ú naregh ave, orgen nana zer u, nana za a we hen ape i doo u ga yô.

YOHANE 3:3

Yesu gema kaa a na er: Mimi mimi je, M kaan we ne, saa á mar or hegh, gayô, nana fatyô u nengen tartor u Aôndo ga.

YOHANE 3:5

Yesu gema kaa er: Mimi mimi je, M kaan we ne, saa á mar or sha mnger kua Jijingi, gayô, nana fatyô u nyôron tartor u Aôndo ga.

YOHANE 5:19

Nahan Yesu gema kaa a ve er: Mimi mimi je, M kaan ne ne, Wan Una fatyô u gban eren ma kwagh iyol Na ga, saa kwagh u A nenge Ter A eren la; gadia akaa a A eren la, Wan kpaa eren a nahan vough je.

YOHANE 5:27

Man shi A na Un tahav mbu ôron ijir sha ci u A lu Wan u or yô.

YOHANE 6:26

Yesu gema kaa a ve er: Mimi mimi je, M kaan ne ne, ne mba keren Mo, ka sha ci u ne nenge uivande ga, kpa ka sha ci u mye u ne ye ubredi mbala, ve kom ne yô.

YOHANE 6:32

Tsô Yesu kaa a ve er: Mimi, mimi je, M kaan ne ne, ka Mose man lu na ve kwaghyan u a dugh Sha la ga; kpa ka Terem A lu nan ne kwaghyan u mimi u a dugh Sha la ye.

YOHANE 6:47

Mimi mimi je, M kaan ne ne, or u nan ne jighjigh yô, nan ngu a uma u tsôron.

YOHANE 6:53

Yesu kaa a ve er: Mimi mimi je M kaan ne ne, aluer né yaan iyol i Wan u or, man shi né maan awambe a Na kpaa ga yô, né lu a uma ken ayol a en ga.

YOHANE 8:34

Yesu gema kaa a ve er: Mimi mimi je, M kaan ne ne, hanma or u nan eren isholibo yô, nan ngu kpan u isholibo je.

YOHANE 8:51

Mimi mimi je, M kaan ne ne, aluer or nana wa kwaghôron Wam iko yô, mayange nana nenge a ku ashe ga.

YOHANE 8:58

Yesu kaa a ve er: Mimi mimi je, M kaan ne ne, er i lu a mar Aberaham ga je, tsô Mo M lu.

Aerenakaa A Mbaapostoli 10:11

A nenge Sha ivegher, man shi ikagh lu senen sha Aôndo, lu er ka zegeikondo nahan, i kôr azongo na anyiin, i lu senen a mi shin tar.

Aerenakaa A Mbaapostoli 7:56

a kaa er: Nenge, m nenge i bugh Sha man Wan u or tile ken uwegh ku yanegh ku Aôndo.

2 Timoteu 1:7

Man ne mba i eren ne ican yô, Una na ne mmem a vese imôngo sha mpase u á va pase Ter Yesu Sha, a mbatyomov Nav mba ageev imôngo

2 Timoteu 1:9

Vea ya mtsaha u mtim u tsôron, vea lu ica a ishigh ki Ter man iengem i agee a Na,

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Yuda 1:14

Heno u a lu kov u sha utaankaruhar hii sha Adam la kpaa, ôr kwaghôron u profeti sha kwagh u mban, a kaa er: Ter va a uicighan Nav udubu udubu,

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.

Mpase U Yohane 4:1

Ken masetyô u akaa ne yô, m ver ashe, yô, nenge, hunda lu Sha, lu ivegher. Man imo i hiihii i m ungwa er ka ikpamkor nahan la yô, i ôr kwagh a mo i kaa er: Kôndo sha heen, me tese u akaa a aa er ken masetyô u angan keng yô.