YOHANE 1:49 - ICIGHAN BIBILO

⁴⁹ Natanael kaa a Na er: Rabi, U ngu Wan u Aôndo, U ngu tor u Iserael.

YOHANE 1:49 Iomraidhean Croise

Upasalmi 110:1

TER kaa a Terem er: Temam ken uwegh ku yanegh, zan zan Me gema mbaihomov Ou vea hingir We kwagh u pendan angahar sha mi.

Upasalmi 2:6

Nahan kpaa, Mo M ver Tor Wam sha icighanwo Wam, Shion.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Daniel 9:25

Nahan yô, fa man kav kpaa, hii sha mdugh u tindi sha u sôron man u maan Yerusalem zan zan ar hen u i shigh Un mkurem, ka Tor je la, á lu ulahadi utaankaruhar; man ulahadi akunduatar kar uhar, á maa un a ityembe man ukpekpe, kpa a lu sha shighe u ican je.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Sefania 3:15

TER tôô ajir a i ôr u la kera, A kar a orihom wou kera; Tor u Iserael, TER ngu ken atô wou; ú kera shi cia kwagh u bo ga.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 14:33

Mba ve lu ken tso la, ve gure ve civir Un, ve kaa er: Mimi je U ngu Wan u Aôndo.

Mateu 2:2

ve pine er: Tor u Mbayuda u i mar Un ne, ka han A lu? Gadia se nenge ishan Na sha ityoughkitaregh, man se ve ser, sé va civir Un ye.

Mateu 21:5

Kaa nen wankwase u Shion ner: Nenge, Tor wou ngu van her a we, ngu a ishima i legh legh, a henda ngôjaki man wan, ka wan u jaki.

Mateu 23:7

man ishughun i sha ityembekasua man u ior ve yilan ve er, rabi kpaa, doo ve cii.

Mateu 23:8

Kpa ne yô, i̱ de yer ne er, rabi, ga, gadia Ortesen wen ngu môm tsô, man ne cii ne mba anmgbianev.

Mateu 27:11

Tsô Yesu tile sha ishigh ki gomna. Gomna pine Un er: U ngu tor u Mbayuda? Yesu kaa er: U kaa tsô.

Mateu 27:42

A yima mbagenev, kpa A kera fatyô u yiman iyol Na ga. Ka Tor u Mbaiserael je; yô, A̱ hungwa sha terankon hegen, tsô se na Un jighjigh.

Mateu 4:3

Tsô ormee va her a Na, kaa a Na er: Aluer Wea lu Wan u Aôndo je yô, kaa awen ne a̱ hingir bredi.

Marku 15:32

De, Kristu, Tor u Iserael, A̱ hungwa sha terankon hegen, se̱ nenge, se̱ na jighjigh. Mba i mande ve sha terankon a Na imôngo la kpaa, ve lu nahan Un tar.

Luka 1:35

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

Luka 19:38

ve gba kaan er: I̱ wuese Tor u A ve ken iti i Ter! Bem a̱ lu Sha kua iengem sha Usha mba hemban gban ica la.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 1:34

Yô, m nenge, m shi m ngu pasen je mer: Ngun ka Wan u Aôndo je ne.

YOHANE 1:38

Yesu gem ashe yô, A nenge a ve van Un ijime, A kaa a ve er: Ka nyi ne kerene? Ve kaa a Na er: Rabi (inja na yô er, Ortesen) U tem hana?

YOHANE 1:50

Yesu gema kaa a na er: Ka sha ci u M kaa a we Mer, M nenge a we shin itine i tur la man u ne jighjigh yee? Yô, ú va nenge akaa a a hembe vesen a angan yô.

YOHANE 18:37

Tsô Pilatu kaa a Na er: Nahan U ngu tor zee? Yesu gema kaa er: U kaa sha mi, M ngu tor. Ka sha ci u nahan i marem, shi ka sha ci u nahan kpaa M ve shin tar ne, sha er Me pase mimi ye. Hanma or u nan lu or u mimi yô, nan ongo imo Yam.

YOHANE 4:31

Hen shighe la mbahenen Nav gba zamber a Na er: Rabi, ma U shi ye kwagh.