YOHANE 1:45 - ICIGHAN BIBILO

⁴⁵ Filibu zua a Natanael, kaa a na er: Se zua a Un u Mose nger kwagh Na ken atindi, kua uprofeti kpaa ve nger kwagh Na la, ka Yesu Wan u Yosev u a lu or u Nasareti la.

YOHANE 1:45 Iomraidhean Croise

Genese 22:18

nahan akuraior a sha won cii aa zua a iveren ken tsombor wou, sha ci u, u we imo Yam iko yô.

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Yesaia 4:2

Sha iyange la mende u TER ua doo ashe ua engem, iyiav mbi shin tar kpaa mbia lu icivir man iengem i mba ve wer ken Iserael la.

Yesaia 53:2

Gadia A vese sha ishigh Nagh er zamkon nahan, man er mise u shin inya i ombor yô, lu a ma mkomashe, shin icivir i sé kenger Un ga, lu a ma dooashe u Una sar se kpaa ga.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Sekaria 6:12

man ôr kwagh a na kaa wer: TER u akum a Sha ngu kaan nahan er: Nenge, or u i yer iti na er Icerenkon la una due hen ijiir na, ka un una maa tempel u TER ye;

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 10:3

man Filibu kua Bartolomeu; man Toma man Mateu, orngoholkpandegh la, kua Yakobu, wan u Alefeu, man Tadeu;

Mateu 13:55

Ngun ka Wan u orgbanakaa ne gaa? Mba yer ngô Na er, Maria; anngôôv Nav yô, ka Yakobu man Yosev man Shimon man Yuda gaa?

Mateu 2:23

a za a za tema ken gar ugen u i yilan er Nasareti la, sha u kwagh u uprofeti lu ve kaa la, a̱ kure sha mi vough yô, er: Á yila Un er Ornasareti.

Mateu 21:11

Ikpelaior kaa er: Ngun ka profeti Yesu, u A dugh ken Nasareti u ken Galilia la.

Marku 14:67

Nengen er Peteru a tem a lu ôson usu, nahan yô, a kenger un, a kaa er: We kpaa, u lu a Yesu Ornasareti ne imôngo.

Marku 6:3

Ngun kera ka orgbanakaa, Wan u Maria ne gaa, ka anngô u Yakobu man Yose man Yuda man Shimon kpaa gaa, anngôôv Nav mba kasev kpaa mba a vese imôngo gaa? Nahan anzughul lu ve ken ishima sha kwagh Na.

Luka 18:37

Ve kaa un er: Ka Yesu, Ornasareti a karen ye.

Luka 2:4

Yosev kpaa mough ken Galilia ken gar u Nasareti, za hen Yudia hen gar u Davidi u i yilan er Betelehem la, sha ci u un lu u ken ya u Davidi man tsombor na kpaa.

Luka 2:48

Mba nengen a Na yô, kpiligh ve iyol; tsô ngô Na kaa a Na er: Wana, ka nyi U er a vese nahana? Nenge, teru man mo, se lu keren We a ishima i nyian je.

Luka 24:27

Hii sha Mose kua uprofeti cii, A gba pasen ve akaa a sha iyol Na ken Icighanruamabera cii.

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

Luka 3:23

Man Yesu iyol Na, zum u A hii u tesen yô, anyom a Na kuma er ikundugber nahan; man i lu henen er Un ka wan u Yosev, wan u Heli,

Luka 4:22

Tsô ve cii ve wuese Un, gba kpiligh ve iyol sha akaaôron a dedoo a a dugh ken zwa Na yô, ve kaa er: Shin ka Wan u Yosev ne ga ase?

YOHANE 1:44

Filibu lu or u ken Betesaida, ka gar u Anderia vea Peteru je la.

YOHANE 12:21

Nahan ve va hen Filibu u a due ken Betesaida u Galilia la, ve kaa a na er: Tere, ka se ka nengen a Yesu.

YOHANE 14:8

Filibu kaa a Na er: Tere, tese se Ter, tsô á kuma se.

YOHANE 18:5

Ve gema ve kaa a Na er: Ka Yesu u Nasareti. A kaa a ve er: Mo ne. Yuda u nengen Un mker la kpaa, tile a ve her.

YOHANE 18:7

Tsô Yesu shi pine ve er: Ka an ne kerene? Ve kaa er: Ka Yesu u Nasareti.

YOHANE 19:19

Shi Pilatu nger kwaghyôôn var sha terankon la; i nger er: Yesu Ornasareti, Tor u Mbayuda.

YOHANE 21:2

Ve cii ve lu her imôngo, lu Shimon Peteru man Toma, u i yilan un er Didimu la, man Natanael u a due ken Kana u Galilia la, man ônov mba Sebedeu, man shi mbahenen Nav uhar mbagenev kpaa.

YOHANE 6:42

Nahan ve kaa er: Ngun kera ka Yesu Wan u Yosev u se fe ter Na kua ngô Na kpaa ne gaa? Inja na nan man A kaan er: M sen Sha?

YOHANE 6:5

Tsô Yesu kenden ashe, nengen a ikpelaior kpishi van her a Na yô, A kaa a Filibu er: Sé yam ubredi han ve ior mban vea ya?

YOHANE 6:7

Filibu gema kaa a Na er: Ubredi mba sha sule deri uhar je kpaa vea kuma sha u hanmô ve nana zua a mi kpuaa tsô kpaa ga.

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Aerenakaa A Mbaapostoli 2:22

Ne ior i Iserael, ungwa nen akaaôron ne: Yesu, Ornasareti Or u Aôndo tese ne Un sha ityom i ageegh man sha akaa a kpilighyol man uivande mba Aôndo er sha ikev Na her atô wen, er ne kpaa ne fe nahan;

Aerenakaa A Mbaapostoli 22:8

M gema m kaa mer: Ka We ana, Tere? A kaa a mo er: Ka Mo, Yesu Ornasareti, u u tevem a ican ne.

Aerenakaa A Mbaapostoli 26:9

Mimi je, mo iyol yam m hen ken ishima mer: ka u me er akaa kpishi a vihin iti i Yesu Ornasareti ne keng.

Aerenakaa A Mbaapostoli 3:6

Kpa Peteru kaa er: Azurfa man zenaria yô, m ngu a mi ga, kpa kwagh u m lu a mi yô, ka un me na u ye; zende ken iti i Yesu Kristu Ornasareti.