YOHANE 1:4 - ICIGHAN BIBILO

⁴ Ka ken a Na je uma a lu ye, man uma la gema lu iwanger i ior.

YOHANE 1:4 Iomraidhean Croise

Upasalmi 49:6

Ka mba ve suur sha inyaregh vegh je la, ve ta ihagh sha inyaregh vegh ki ngeen la.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Mateu 4:16

Nongoior u u tem ken ime yô, ve nenge a iwanger i vesen, man mba ve tem ken tar kua mure u kuugh yô, iwanger due ta sha a ve.

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.

YOHANE 11:25

Yesu kaa a na er: Mo M ngu mnder man uma kpaa; or u nana nam jighjigh yô, shin nana kpe kpaa, nana lu uma.

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 12:46

Mo M va shin tar ne er iwanger nahan, sha u hanma or u nan jighjigh yô, nana̱ de kera luun ken ime her ga yô.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 3:19

Man ngin ka ijirôron ne: iwanger va nyôr shin tar man ime gema hemba doon ior a iwanger, gadia aeren a ve lu a bo je.

YOHANE 5:21

Gadia er Ter A nderen mbakpenev A ne ve uma nahan, kape Wan kpaa mba A we ishima u nan ve uma yô, A ne ve uma je la.

YOHANE 5:26

Gadia er Ter A lu a uma ken iyol Na nahan, kape A ne Wan u lun a uma ken iyol Na kpaa la.

YOHANE 8:12

Tsô Yesu shi gba ôron ve kwagh, kaan er: Mo M ngu iwanger i tar; or u nan dondo sha a Mo yô, nana zende ken ime ga, kpa nana lu a iwanger i uma.

YOHANE 9:5

Er M lu shin tar yô, M ngu iwanger i tar je.

Aerenakaa A Mbaapostoli 26:23

er, Kristu Una ya ican man shi er i lu Un A hii nderen shin mbakpenev yô, Una yôô iwanger hen nongoior ne kua hen atôatyev kpaa.

1 Mbakorinte 15:45

Kape i nger kpaa la er: Or u hiihii la, Adam, hingir or u uma. Adam u masetyô la hingir jijingi u nan a na uma.

Mbaefese 5:14

Ka nahan man i kaa er: Nder, we u u yav ne, mough shin mbakpenev, man Kristu Una ta iwanger sha a we bong ye.

Mbakolose 3:4

Zum u Kristu u A lu uma wase la Una va ande yô, ne kpaa á ande a ven a Na imôngo ken iengem.

1 Yohane 1:1

Kwagh u a lu sha hiihii la je, u se ungwa, man u se nenge sha ashe ase kpaa, man u se kenger je, ave ase kpaa bende sha mi, sha kwagh u Imo i uma la—

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Yohane 5:11

Shiada la yô, ka un ne: Aôndo na se uma u tsôron, man uma ne yô, ka ken Wan Na a lu ye.

Mpase U Yohane 22:1

Tsô a tesem ifi u mngerem ma umam, lu wang er krusetalu nahan, lu duen ken ikônough ki torough ki Aôndo man ki waniyôngo la.

Mpase U Yohane 22:16

Mo Yesu, M tindi ortyom Wam sha u a̱ er ne shiada sha akaa ne ken iniongo i Kristu. Mo M ngu mise man tsombor u Davidi man shi Ishan i sha use i engem la.