YOHANE 1:38 - ICIGHAN BIBILO

³⁸ Yesu gem ashe yô, A nenge a ve van Un ijime, A kaa a ve er: Ka nyi ne kerene? Ve kaa a Na er: Rabi (inja na yô er, Ortesen) U tem hana?

YOHANE 1:38 Iomraidhean Croise

1 Utor 10:8

Saan ior ou iyol, saan mbayev ou mban iyol mba ve til sha ishigh you gbem, ve ongo kwaghfan wou ne.

Upasalmi 27:4

M sôn TER kwagh môm tsô, ka un me ker ye, mer: Ma m lu ken iyou i TER sha ayange am cii, sha u me nenge mkomashe u TER, man me time kwagh ken tempel Na kpaa.

Anzaakaa 13:20

Zende a mbafankwagh imôngo, nahan we kpaa ú hingir orfankwagh, kpa ijende i abumeaior yô, ia zua a ican.

Anzaakaa 3:18

Ngu kon u uma sha ci u mba ve ker sha mi la; or u nan kusu un yô, saan nan iyol.

Anzaakaa 8:34

Á saan or u nan ongom la, iyol, er nan kor hen ihinda yam hanma iyange, nan keghen hen ambusu a ihinda yam yô.

Ukwelegh 5:19

Kpa We TERE, U ngu her gbem sha won, U tema tor sha ikov ikov.

Luka 10:39

A lu a anngô u kwase u i yilan er Maria, u a tema Ter hen angahar, a ungwa kwaghôron Na la.

Luka 14:25

Ikpelaior kpishi lu zan a Na imôngo; A gema ashe A kaa a ve er:

Luka 15:20

Tsô a mough, a yem hen ter na. Kpa er lu ica je tsô, ter na ta ashe, za nenge a na, mhôônom kôr un kpishi, a wa ayem inya, a za kuve un, a gba susen un zwa.

Luka 19:5

Er Yesu va ar heregh yô, A kenger sha, A kaa a na er: Sakiu, hungwa fefa, gadia nyian Me shi ken ya wou keng.

Luka 22:61

Ter gema ishigh kenger Peteru; nahan Peteru umbur kwagh u Ter lu kaa un la er: Er ikegh ia lu a tôngo nyian ga je, tsô ú nyiman kwa tar wer, u fam ga.

Luka 8:38

Kpa or u ujijingi mba bov due ker a na la, zamber a Na sha u ma un lu a Na ityô. Kpa Yesu na un gbenda kaa er:

YOHANE 1:37

Mbahenen nav mba uhar mbala ungwa er lu ôron nahan, tsô ve dondo sha Yesu.

YOHANE 1:39

A kaa a ve er: Va va nenge nen! Nahan ve za, ve za nenge ape A tem yô; tsô ve shi imôngo a Na iyange la. Shighe la lu er ahwa anyiin aikighe nahan.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

YOHANE 12:21

Nahan ve va hen Filibu u a due ken Betesaida u Galilia la, ve kaa a na er: Tere, ka se ka nengen a Yesu.

YOHANE 18:4

Kpa er Yesu fa akaa a á va er Un cii yô, A due A za kaa a ve er: Ka an ne kerene?

YOHANE 18:7

Tsô Yesu shi pine ve er: Ka an ne kerene? Ve kaa er: Ka Yesu u Nasareti.

YOHANE 3:2

Un va her a Na tugh, va kaa a na er: Rabi, se fa U ngu ortesen, ka sha Aôndo U ve ye, gadia ma or nana fatyô u gban eren uivande mba U eren ne ga, saa Aôndo Una lu a nan.

YOHANE 3:26

Tsô ve va hen Yohane, ve va kaa a na er: Rabi, Un u A lu a we imôngo yande Yordan la, u we u pase kwagh Na la, nenge ngu eren batisema, man ior cii mba zan her a Na.

YOHANE 4:31

Hen shighe la mbahenen Nav gba zamber a Na er: Rabi, ma U shi ye kwagh.

YOHANE 6:25

Mba za zough a Na yande zegemnger yô, ve kaa a Na er: Rabi, ka hanma shighe U ve heene?

Aerenakaa A Mbaapostoli 10:21

Tsô Peteru hungwa, va hen ior mbala, va kaa er: Nenge, ka mo u ne keren je ne. Ka nyi ityôikaa ne ve?

Aerenakaa A Mbaapostoli 10:29

Ka sha ci u nahan man zum u ne yilam yô, m va m venda ga. Yô, m ngu pinen mer: Ka nyi ityôikaa ne yereme?

Rutu 1:16

Kpa Rutu kaa er: De zem iyol wer, m̱ de u zan a we, m̱ undu u, m̱ hide ga; gadia henpe ú za cii, mo kpaa me za; henpe ú za tsa la, ka her mo kpaa me tsa ye; ior ou ka ior av; Aôndo wou kpaa ka Aôndo wam;