YOHANE 1:34 - ICIGHAN BIBILO

³⁴ Yô, m nenge, m shi m ngu pasen je mer: Ngun ka Wan u Aôndo je ne.

YOHANE 1:34 Iomraidhean Croise

Upasalmi 2:7

Me pase awashima u TER: A kaa a Mo er: We, U ngu Wan Wam je, Mo M mar U nyian.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 16:16

Shimon Peteru gema kaa er: We U ngu Kristu Wan u Aôndo u uma.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 26:63

Kpa Yesu huan ving. Zegepristi la kaa a Na er: M zua U vea Aôndo u uma mer: Ôr se dedoo, U ngu Kristu Wan u Aôndo shinii?

Mateu 27:40

ve kaa er: We u U hemben tempel, shi U maa un ayange atar ne, yima ase iyol You ga! Aluer wea lu Wan u Aôndo yô, hungwa sha terankon.

Mateu 27:43

A lu suur sha Aôndo; yô, A̱ yima Un hegen, aluer a doo Un a Na yô, gadia kaan er, Un ngu Wan u Aôndo je.

Mateu 27:54

Torutya kua mba ve lu a na imôngo, ve kuran Yesu la, zum u ve nenge mtenger u tar man akaa a a er la yô, cier ve iyol kpishi ve kaa er: Mimi je, Ngun lu Wan u Aôndo.

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

Mateu 4:3

Tsô ormee va her a Na, kaa a Na er: Aluer Wea lu Wan u Aôndo je yô, kaa awen ne a̱ hingir bredi.

Mateu 4:6

kaa a Na er: Aluer Wea lu Wan u Aôndo je yô, gba ase iyol You shin inya, gadia i nger er: Una wa mbatyomov nav kwagh sha a We, sha er U̱ de te nguhar sha iwen ga yô.

Mateu 8:29

Tsô ve genger amo, ve kaa er: Ka nyi i zough se a We, Yesu, Wan u Aôndo? U va heen sha u Ú va er se ican, er shighe kpaa a lu a kuma ga nee?

Marku 1:1

Mhii u Loho u Dedoo u Yesu Kristu wan u Aôndo,

Marku 1:11

Imo kpaa due Sha, er: We, U ngu Wan Wam u ishima ishima, ka We ishima i doom a We yum ye.

Luka 1:35

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

Luka 3:22

man Icighan Jijingi sen sha a Na sha inja i iyolough er ikungugh nahan; imo kpaa due Sha kaa er: We, U ngu Wan Wam u ishima ishima; ka We ishima i doom a We yum ye.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

YOHANE 10:30

Mo a Ter ka kwagh môm.

YOHANE 10:36

ka nyi man ne kaan a Un u Aôndo a tsegh Un, A tindi Un shin tar la, ner: U ngu tuhwan Aôndo, sha ci u M kaa Mer: M ngu Wan u Aôndo?

YOHANE 11:27

A kaa a Na er: Een Tere, M vande nan jighjigh kera je mer, We U ngu Kristu, Wan u Aôndo u A lu van shin tar ne.

YOHANE 19:7

Mbayuda gema kaa a Na er: Se mba a tindi man sha tindi wase la yô, A kuma ku, sha ci u A veren iyol er Un ngu Wan u Aôndo je yô.

YOHANE 20:28

Toma gema kaa a Na er: Terem man Aôndo Wam.

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

YOHANE 6:69

Man se yô, se na jighjigh shi se fa er We U ngu Icighan u Aôndo.

Mbaromanu 1:4

kpa sha Jijingi u mtsegh i pase er Un ka wan u ageegh u Aôndo sha mnder u shin mbakpenev, ka Yesu Kristu Ter wase je la.

2 Mbakorinte 1:19

Gadia Yesu Kristu Wan u Aôndo u se ôr ne kwagh Na la lu mo man Siluanu man Timoteu, lu “een” vea “ei” imôngo ga, kpa ken a Na yô, lu “een” vough.

Mbaheberu 7:3

Lu a ter ga, lu a ngô kpaa ga, lu a tsombor kpaa ga, lu a mhii u ayange ga shin mkur u uma kpaa ga, kpa a bee a bee Wan u Aôndo, ngu pristi gbem sha won.

1 Yohane 2:23

Hanma or u nan nyiman Wan la, Ter kpaa nan ngu a Na ga; u nan pasen Wan ken igbar yô, nan ngu a Ter kpaa.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

1 Yohane 4:9

Ka sha kwagh ne man i pasen dooshima u se doo Aôndo ishima la ye, er Aôndo tindi Wan Na u môm môm shin tar, sha u se̱ lu uma sha a Na.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

2 Yohane 1:9

Hanma or u nan ze hemen kpishi, kpa nan kera luun ken ityesen i Kristu ga yô, nan ngu a Aôndo ga. Kpa u nan luun ken ityesen ne yô, ka nan je nan lu a Ter man Wan kpaa ye.

Mpase U Yohane 2:18

Nger hen ortyom u nongo u Kristu u hen Tiatire wer: Wan u Aôndo u A lu a ashe er nomborusu nahan man shi angahar a Na a lu er dela u engem la, ngu ôron akaa ne nahan er: