YOHANE 1:3 - ICIGHAN BIBILO

³ Akaa ci ca cii ka sha a Na i er a ye; akaa a i er la cii, i gba eren ma kwagh môm ga saa sha a Na.

YOHANE 1:3 Iomraidhean Croise

Genese 1:1

Sha hiihii Aôndo gba Sha man tar:

Genese 1:26

Tsô Aôndo kaa er: Sé er or sha inja i mlu wase, sha ibeen Yase; ishu i shin zegemnger man inyon i sha man uzendenya man tar cii kua hanma kwagh u kpelan inya, u a kper a kpela sha tar kpaa, ve̱ lu sha ikev ve.

Upasalmi 102:25

U tim imagh ki taregh hiihii je, Usha kpaa ka tom u sha ave Ou.

Upasalmi 33:6

Ka sha mkaanem ma TER i er Usha ye; shi ka sha iôôn i ken zwa Na i er akum a ve cii kpaa ye.

Anzaakaa 8:30

shighe la, m lu vea Na, er or u fan tom nahan, hanma iyange m lu saan saan gbem, m lu ember sha ishigh Nagh gbem,

Yesaia 45:12

Ka Mo je M er tar ye, M gba or, M ver nan sha u kpaa; ka ave Am je, a samber Usha, akum a ve la cii kpaa, M wa a atindi.

Yesaia 45:18

Gadia kape TER A kaa ne, Un u A gbe Usha—ka Un man A lu Aôndo ye—u A maa tar man A er u kpaa la, ka Un A ver u ye; A gba u er u̱ lu gbilin dang ga, A maa u sha er ior ve̱ tema sha u: Ka Mo M lu TER ye, mô ugen ngu ga.

YOHANE 1:10

A lu shin tar, ka Un je A er tar ye; kpa tar fa Un ga.

YOHANE 1:2

Un yô, lu vea Aôndo sha hiihii je.

1 Mbakorinte 8:6

kpa her a vese yô, Aôndo ngu môm tsô, ka Ter u akaa cii a dugh her a Na yô, man shi ka sha ci Na se lu uma ye; Ter kpaa ngu môm, ka Yesu Kristu, ka sha a Na man akaa cii a lu ye, se kpaa ka sha a Na se lu uma ye.

Mbaefese 3:9

man shi u pasen wanger wanger er tom u sha kwaghmyer la u lu yô; kwaghmyer ne lu myer ken Aôndo u A gbe akaa cii, hii je er shighe lu a lu ga la.

Mbaheberu 11:3

Ka sha jighjigh u nan man se kav er i gbe tar cii sha mkaanem ma Aôndo ye, nahan akaa a i nengen a mi la kpaa, i er a sha akaa a i nengen a mi ga yô.

1 Yohane 5:1

Hanma or u nan ne jighjigh er Yesu ka Kristu yô, ka Aôndo A mar nan ye, man hanma or u Ter A doo nan ishima yô, un u A mar la kpaa, una doo nan ishima.

Mpase U Yohane 3:14

Nger hen ortyom u nongo u Kristu u hen Laodishia wer: Un u a lu Amen, Orshiada u jighjigh man u mimi, mhii u igbetar i Aôndo ngu ôron akaa ne nahan er:

Mpase U Yohane 4:11

We, Ter Aôndo wase, U kuma u ngohol iengem man icivir man agee gadia U gba akaa cii man ka sha ishima You kpaa a lu, shi i gbe a kpaa ye.