YOHANE 1:14 - ICIGHAN BIBILO

¹⁴ Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 1:14 Iomraidhean Croise

Upasalmi 2:7

Me pase awashima u TER: A kaa a Mo er: We, U ngu Wan Wam je, Mo M mar U nyian.

Upasalmi 45:2

U hemba doon ashe a ônov mba iorov; akaaôron a doon nga dugh ken zwa Wou, ka nahan man Aôndo A ver U doo doo gbem sha won ye.

Upasalmi 85:9

Mimi je, myom Na ngu ikua ikua a mbacian Un, sha er iengem ma i lu ken tar wase yô.

Yesaia 40:5

iengem i TER ia ande ken igbar, uumace cii vea nenge a i imôngo, gadia ka zwa u TER u kaa nahan ye.

Yesaia 53:2

Gadia A vese sha ishigh Nagh er zamkon nahan, man er mise u shin inya i ombor yô, lu a ma mkomashe, shin icivir i sé kenger Un ga, lu a ma dooashe u Una sar se kpaa ga.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Esekiel 37:27

Ijiir Yam i teman ia lu hen ve; Me hingir Aôndo ve, ve kpaa vea hingir ior Av.

Mateu 1:16

Yakob mar Yosev, nom u Maria, ka Maria u a mar Yesu u i yilan Un er Kristu la.

Luka 2:11

gadia i mar ne Oryiman ken gar u Davidi nyian, ka Kristu Ter je la.

Luka 2:7

a maa a mar Wan na u iunda u nomso, a wa Un ken akondo man a gbir Un shin anar u haan ilev kwaghyan la, gadia ijiir i tsan ken iyou i mbavannya yina ve.

Luka 9:32

Tsô Peteru man mba ve lu a Na yô, ve lu meer mnyam; kpa mba nderen yô, ve nenge a iengem Na, kua ior ihiar mba ve tile a Na imôngo la.

YOHANE 1:1

Sha hiihii je Imo lu; Imo la lu vea Aôndo, man Imo la lu Aôndo je.

YOHANE 11:40

Yesu kaa a na er: M vande kaan we Mer: Aluer wea na jighjigh yô, u nenge icivir i Aôndo gaa?

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 14:9

Yesu kaa a na er; M ngu a ven ayange ngee, nahan kpaa, we Filibu, u fam gaa? U nan nenge a Mo yô, nan nenge a Ter je ve; man er nan u kaan wer: Tese se Tere?

YOHANE 17:22

Man icivir i U nem la, M na ve, sha u ve̱ lu kwagh môm er se se lu kwagh môm nahan.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 18:37

Tsô Pilatu kaa a Na er: Nahan U ngu tor zee? Yesu gema kaa er: U kaa sha mi, M ngu tor. Ka sha ci u nahan i marem, shi ka sha ci u nahan kpaa M ve shin tar ne, sha er Me pase mimi ye. Hanma or u nan lu or u mimi yô, nan ongo imo Yam.

YOHANE 2:11

Ivande i hiihii ne yô, Yesu er ken Kana u Galilia, A tese icivir Na ken igbar; mbahenen Nav kpaa na Un jighjigh.

YOHANE 3:16

Gadia tar ne doo Aôndo ishima je, nahan A na Wan Na u môm môm la sha er anti or u nan ne Un jighjigh yô, nana̱ de timin ga kpa nana̱ zua a uma u tsôron.

YOHANE 3:18

U nan ne Un jighjigh yô, á ôr nan ijir ga, kpa u nan ne jighjigh ga yô, i na nan ibo kera je ve, sha ci u nan ne iti i Wan u môm môm u Aôndo la jighjigh ga yô.

YOHANE 6:51

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

YOHANE 8:32

man né fa mimi, mimi kpaa una pase ne una tuhwa.

Aerenakaa A Mbaapostoli 13:33

Aôndo kure i hen ônov asev zum u A nder Yesu, er i nger ken Pasalmi u sha uhar la kpaa nahan er: We, U ngu Wan Wam je; Mo M mar u nyian.

Mbaromanu 8:3

Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

Mbaromanu 9:5

Mba a uter mba tamen la kpaa man shi ka ken ve man i mar Kristu ken iyol kpaa ye. Un ka Aôndo u hemban akaa cii, i̱ wuese Un gbem sha won. Amen.

1 Mbakorinte 15:47

Or u hiihii la ka u shin tar, ka shin inya je i dugh nan ye, Or u sha uhar la yô, ka Sha A dugh ye.

2 Mbakorinte 12:9

Kpa A gema A kaa a mo er: Mrumun u sha mhôôn Wam kuma u, gadia agee Am ka a tema hoghom hoghom ken isheer. Nahan yô, me ta ihagh sha isheer saan saan sha u agee a Kristu a̱ tema ken mo yô.

Mbagalatia 4:4

Kpa er shighe va kuma vough yô, Aôndo tindi Wan Na, kwase va mar Un, i mar Un sha ikev i tindi,

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Mbakolose 1:19

Gadia doo m-iv u Aôndo cii u teman ken a Na je.

Mbakolose 2:3

Ka ken a Na man i yer akaa a injaa cii a sha kwaghfan man mkav kpaa ye.

Mbakolose 2:9

Gadia ka ken a Na man m-iv u Aôndo cii a tem ken iyol je ye.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 1:3

Un yô, ka mmondo u iengem Na man shi eev mbu mlu Na vough kpaa. Ngu a akaa cii sha ave Na sha kwaghôron u sha agee a Na la. Er A wanger asorabo kera yô, A za tema sha uwegh ku yanegh ku Icivirigh.

Mbaheberu 1:5

Gadia ka hanma ortyom u Sha je man mayange A kaa a nan er: We, U ngu Wan Wam je Mo M mar U nyiana? Man shi: Mo, Me lu Ter Na je, Wen di kpaa Una lu Wan Wama?

Mbaheberu 10:5

Ka nahan man Kristu er A va nyôr shin tar yô, A kaa er: Nagh ku sôngon man ku nan sar U ga, kpa ka iyol je U serem ye.

Mbaheberu 2:11

Gadia Un u A lu tseghan la man ve mba i lu tseghan ve la ka hen u môm man ve cii ve dugh ye. Ka nahan man kunya kera kôr Un u yilan ve er anmgbianev ga ye.

Mbaheberu 5:5

Kape Kristu kpaa A civir iyol Na er Una hingir zegepristi ga la, kpa ka Un u A ôr kwagh a Na la, A kaa er: We, U ngu Wan Wam je, Mo M mar U nyian.

1 Yohane 4:14

Se yô, se nenge man se mba eren shiada ser, Ter tindi Wan sha u A̱ lu Oryiman u tar.

1 Yohane 4:9

Ka sha kwagh ne man i pasen dooshima u se doo Aôndo ishima la ye, er Aôndo tindi Wan Na u môm môm shin tar, sha u se̱ lu uma sha a Na.

2 Yohane 1:7

Gadia mbaicughuv kpishi due sha tar, mba pasen er Yesu Kristu va ken iyol i or ga. Ka orcugh, ka Antikristu je la.

Mpase U Yohane 19:13

Ngu a riga iyol u i we un shin awambe yô, mba yer iti Na er, Imo i Aôndo.

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.