Yoel 3:9 - ICIGHAN BIBILO

⁹ Yôô nen kwagh ne hen akuraior: Kohol nen iyol i utya; nder nen anomaior, ve̱ mough sha; mbautyav cii ve̱ kporom, ve̱ va.

Yoel 3:9 Iomraidhean Croise

Upasalmi 96:10

Kaa a akuraior wer: TER tema tor, tar kpaa u taver je, ua kera tenger ga. Una ôr akuraior ijir sha mimi.

Yesaia 34:1

Kporom nen akuraior sha u ne ungwa, ver nen ato ne ior; tar u̱ ungwa, kua m-iv u u, tar sha won cii kua akaa a a dugh sha mi cii.

Yeremia 31:10

Ungwa nen imo i TER, ne akuraior, pase nen i hen ityar i hen kpe u zegemnger i ken ica la; kaa nen ner: Wen u A sambe Iserael la, Una kohol un, una kura un er orkuranilev ka nan kura ikumuile nahan.

Yeremia 50:2

Pase nen akuraior, yôô nen, tim tuta, yôô nen, de kera yeren nen ga, kaa nen, ner: I ngohol Babilon, Bel va ahenge, kwagh hemba Merodaki; ieev nav va ahenge, kwagh hemba akombo a na.

Yeremia 51:11

Hor nen avaan, kôr nen iperutya ave! TER tor jijingi u utor mba Media ityô gadia awashima Na sha kwagh u Babilon yô, ka u timin un kera, gadia ka iyevoron i TER je la, iyevoron i tempel Na.

Yeremia 51:27

Tim nen tuta sha tar, tôngo nen ikpamkor ken akuraior, ver akuraior, tsegha a sha u tan num sha a na, yila ityartor i Ararati man Mini man Asekenashi sha u tan num sha a na; ver kurutya sha u nôngon ityav a na, na anyinya a̱ kôndo er ikomon nahan.

Yeremia 6:4

Kohol nen iyol i nôngon ityav a na; mough sha, sé kôndo nen er iyange i lu sha tembe ne je. Kpa! kwagh tser se ve! gadia iyange ngi been, mure u aikighe ngu lihen!

Esekiel 38:17

Ter AÔNDO ngu kaan nahan er: Ka we M ter u tsuaa sha zwa u mbayev Av uprofeti mba Iserael, mba ve lu ôron kwaghôron u profeti anyom kpishi, sha kwagh u ayange shon la, er Mea va a we sha u va nôngon ityav a ve gaa?

Esekiel 38:7

Yô, wa iyol man wa ago iyol, we a ikpelaior you i i kohol her a we la cii, lu or u hemen ve.

Mika 3:5

Kape TER A ôr sha kwagh u uprofeti mba ve ne ior Av icumen la, mba zum u ka vea nyuma kwagh sha anyi a ve, ve genger imo er: Bem; kpa u nan we ve kwaghyan ken zwa ga la, ve gema ve suwe ityav a nan.

Hagai 2:7

shi Me tenger akuraior cii, nahan akaainjaa a akuraior cii aa va, nahan Me iv iyou ne a iengem, kape TER u akum a Sha A kaa ne.

Sekaria 14:2

Gadia Me kohol akuraior cii á va nôngo ityav a Yerusalem, á ngohol gar la, á kura akaa a ken ayou, á nzughul a kasev; vegher u gar á yem a ve uikangen; ior mba vea shi la, á tim ve ken gar la kera ga.

Sekaria 14:3

Zum la TER Una due, Una nôngo ityav a akuraior la, er ka A nôngo sha iyange i utya nahan.