Yoel 3:5 - ICIGHAN BIBILO

⁵ Gadia ne kura azurfa Wam man zenaria Wam, ne yem a akaa Am a injaa ne za ver ken utempel enev;

Yoel 3:5 Iomraidhean Croise

2 Utor 12:18

Tsô Yoashi tor u Yuda kura uicighanmbaakaav mba Yehoshafati man Yehoram man Ahashia, uter nav, utor mba Yuda lu tsegha la, kua uicighanmbaakaav nav cii, kua zenaria mba i zua a mi ken ayou a koson akaa ker, a iyou i TER, kua a iyou i tor kpaa, a gema a tindi Hasael tor u Shiria a mi; tsô a mough hen Yerusalem a yem.

2 Utor 16:8

Shi Ahashi tôô azurfa kua zenaria mba i zua a mi ken iyou i TER man ken ayou a koson akaa ker a ken ya u tor, a tindi tor u Ashiria a mi iwua.

2 Utor 24:13

Shi a kura ikav mbi injaav mbi ken iyou i TER cii, kua ikav mbi injaav mbi hen ya u tor kpaa, a yem a mi; shi a bugh zenaria u sha akaa a Solomon tor u Iserael lu er ken tempel u TER la, er TER lu kaa yô.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yeremia 23:7

Nahan yô, nenge ayange nga van, kape TER A kaa ne, a á kera kaa er: Er TER u A dugh a Mbaiserael ken tar u Igipiti A lu u uma ne, ga,

Yeremia 50:28

Ungwa! Imo i mba ve yevese ken tar u Babilon ve war la, sha u za pasen ken Shion iyevoron i TER Aôndo wase, iyevoron i tempel Na.

Yeremia 51:11

Hor nen avaan, kôr nen iperutya ave! TER tor jijingi u utor mba Media ityô gadia awashima Na sha kwagh u Babilon yô, ka u timin un kera, gadia ka iyevoron i TER je la, iyevoron i tempel Na.

Esekiel 37:12

Nahan yô, ôr kwaghôron u profeti, kaa a ve wer: Ter AÔNDO ngu kaan nahan er: Nenge, Me bugh iwar yen, Me na, né due ken iwar yen, ne ior Av; Me shi Me va a ven ken tar u Iserael.

Daniel 11:38

Sha ityouv vev yô, una civir aôndo u ayouautya a taver; aôndo u uter nav ve fe un ga la, una civir un sha zenaria man azurfa man awen a injaa man akaa a haan ishar iyol.

Obadia 1:17

Kpa sha uwo u Shion yô, á zua a mbawaren, ua hingir icighanjiir; man ya u Yakob kpaa una shi á ngohol tar na.