Yoel 3:2 - ICIGHAN BIBILO

² Me kohol akuraior cii, Me sen a a shin pev u Yehoshafati, Me ôr a ijir shimi, sha kwagh u ior Av man sha kwagh u dyako Wam, Iserael, u ve sambe a mi ken akuraior, man ve gema ve kar kwar sha tar Wam la.

Yoel 3:2 Iomraidhean Croise

2 Kroniku 20:26

Sha iyange i sha unyiin la, ve kohol shin Pev u Beraka, gadia ve wuese TER ker; ka nahan man i yilan ijiir la er, Pev u Beraka, zan zan nyian ye.

Yesaia 66:16

Gadia TER Una ôr uuma cii ijir sha usu je, kua sha sanker kpaa; mba TER Una wua ve la kpaa vea ngee.

Yesaia 66:18

Gadia M fa aeren a ve kua mbamhen vev; shighe ngu van u Me kohol akuraior cii kua ijô cii, vea va, vea va nenge icivir Yam.

Yeremia 12:14

TER ngu kaan nahan er: Mba ve we ndor a Mo, ve eren kwaghbo ne cii, ve benden dyako, u M ver ior Av Iserael, ave ne, nenge, Me tsuwe ve ken tar ve kera, man Me tsuwe ya u Yuda ken atô ve kpaa.

Yeremia 25:31

Acin a utya kaa zan zan ar sha ikighir i tar je, gadia TER ngu waren kwagh a akuraior, ngu ôron uumace cii ijir; mbaaferev yô, Una gema ve á na ve sha ikev i sanker, kape TER A kaa ne.

Yeremia 49:1

Sha kwagh u Mbaamon: TER ngu kaan nahan er: Iserael ngu a ônov je gaa? ngu a or u yan dyako na gaa? Ka nyi man Milkom a ye dyako u Gadi man ior nav kpaa ve tem ken agar a na?

Yeremia 50:17

Iserael ka iyôngo i i num i kera yô, ubegha zenda i; hiihii tor u Ashiria ya un, ken masetyô Nebukadinesar tor u Babilon mase hemben akuhe a na.

Esekiel 25:8

Ter AÔNDO ngu kaan nahan er: Sha ci u Moabi man Seir ve kaan er: Nenge, ya u Yuda ngu er akuraior agen cii nahan;

Esekiel 34:6

Iyôngo Yam lu zenden kughukuku sha iwo cii, man sha hanma igungu u taven; een, i sambe iyôngo Yam sha tar wuee, man ma or u keren shin u tôvon i lu ga.

Esekiel 35:10

Sha ci u u kaa wer: Akuraior ahar ne, man ityar ihiar ne, ia hingir i yam, sé ngohol i—shin er TER lu her nahan kpaa—

Esekiel 36:1

We, wan u or, ôr kwaghôron u profeti sha iwo i Iserael, kaa wer: Ne iwo i Iserael, ungwa nen kwaghôron u TER.

Esekiel 36:5

sha ci u nahan yô, Ter AÔNDO ngu kaan nahan er: Mimi je, sha myegh u iwuhe Yam, M ôr kwagh a asande a akuraior kua a Edom cii, mba ve tôô tar Wam hingir ve dyako, a iember i ken ishima ve cii man a tarnahan, sha u tan u kera er u̱ hingir ishar;

Esekiel 38:22

Me ôr un ijir sha bouange man awambe; Me nôô ikumenura man awombo a kehen a usu man sulfur sha a na, man sha akum a na la, man sha ior kpishi, mba ve lu a na imôngo la.

Esekiel 39:11

Tsô sha iyange la, Me na Gogi ijiir i iwaregh ken Iserael, ka pev u mbakaren, u a lu zegemnger vegher u sha ityoughkitaregh la; ia yange mbakaren; ka heregh vea ii Gogi a ikpelaior na cii ye, nahan á ii ijiir la iti er: Pev u Hamon-Gogi (Ikpelaior i Gogi).

Yoel 3:12

Akuraior a̱ mough, a̱ va hen pev u Yehoshafati; gadia ka keela Me za tema sha u ôron akuraior a a ningir a tser sha hanma ian la ijir ye.

Yoel 3:14

Ikpelaior, zegeikpelaior shin pev u kuren ijir! Gadia iyange i TER i kuren ijir shin pev la mgbôghom.

Amoshi 1:11

TER ngu kaan nahan er: Sha ci u atindi a peren atar a Edom, een, sha ci u anyiin je yô, Me kera hide a mtsaha na ijime ga, gadia a cir anngô na ityô a sanker uwe, man shi a ta mhôônom ma zungwen kera cii, ishima na i nyoon pever ga, lu a iyugh gbem;

Mika 4:12

Kpa ve kera fa mhen u TER ga, man shi ve kav awashima Na kpaa ga; gadia A kohol ve er aile a uyia hen vande u gbiren iyiav nahan.

Sefania 3:8

Nahan yô, keghem nen, kape TER A kaa la, zan zan sha iyange i Me mough sha u yan ishar la; gadia awashima Wam yô, ka u kohol akuraior, sha u Me kohol ityartor ijiir i môm, sha u Me haa iyugh Yam sha a ve, ka ishimavihin Yam cii je la; gadia sha usu u iwuhe Yam la, tar cii ua hia kera.

Mpase U Yohane 11:18

Akuraior yuwe kpa iyugh You gema va man shi shighe u á ôr mbakpenev ijir, man shighe u á na mbatomov Ou injar, ka uprofeti man uicighanmbaiorov, man mba ve cie iti You, mbavesen kua mbakiriki la, man shi shighe u á tim mba ve lu vihin tar la kpaa.

Mpase U Yohane 16:14

Gadia ka ujijingi mba diabolo mba ve eren uivande la, mba duen zan hen utor mba sha tar sha won cii sha u kohol ve ijiir i môm sha ci u ityav mbi iyange i vesen i Aôndo, Uhembanagee la.

Mpase U Yohane 16:16

Tsô ve kohol ve imôngo hen ijiir i i yer ken zwa u Heberu er Armagedon la.

Mpase U Yohane 16:6

Gadia ve haa awambe a uicighanmbaiorov man uprofeti kpaa, nahan U na ve awambe Wer, ve̱ ma. Kwagh ne kuma sha a ve je.

Mpase U Yohane 20:8

Una due sha u tsughun akuraior a ken azongo a tar anyiin la, ka Gogi man Magogi je la, ka sha u una kohol ve sha ci u utya. Ingeegh vegh kuma er waarawa u shin zegemnger nahan.