Yoel 3:14 - ICIGHAN BIBILO

¹⁴ Ikpelaior, zegeikpelaior shin pev u kuren ijir! Gadia iyange i TER i kuren ijir shin pev la mgbôghom.

Yoel 3:14 Iomraidhean Croise

Upasalmi 37:13

TER Una se nan, gadia A nenge shighe u nan ngu van.

Yesaia 13:4

Ungwa, ayôôso baver baver sha iwo er ka zegeikumior yô! Ungwa, ayôôso a ityartor i akuraior a a kohol imôngo yô! TER u akum a Sha ngu kohol ikumutya sha ci u ityav mbi nôngon.

Yesaia 22:1

Mkaanem ma Aôndo sha pev u Mpase la. Ka nyi i er u, man we a ior ou cii, ne undu sha ityouv mbi ayoughouv nahana?

Yoel 1:15

Wuu, wuu! iyange la! Gadia iyange i TER mgbôghom ve, ia va er mtim u a dugh hen Uhembanagee nahan.

Yoel 2:1

Tôngo nen korough ken Shion, gbire nen shishavaa sha icighanwo Wam; mba ve tem shin tar cii ve̱ gbidye ikarikase iyol, gadia iyange i TER ngi van, i mgbôghom je ve;

Yoel 2:11

TER genger imo sha ishigh ki mbautyav Nav la, gadia ikumutya Na kehe gande; un u a eren sha imo Na la, ka u ageegh; gadia iyange i TER ka i vesen je, i cier iyol kpaa, ka an nana fatyô u hendan ishigh a ii?

Yoel 3:12

Akuraior a̱ mough, a̱ va hen pev u Yehoshafati; gadia ka keela Me za tema sha u ôron akuraior a a ningir a tser sha hanma ian la ijir ye.

Yoel 3:2

Me kohol akuraior cii, Me sen a a shin pev u Yehoshafati, Me ôr a ijir shimi, sha kwagh u ior Av man sha kwagh u dyako Wam, Iserael, u ve sambe a mi ken akuraior, man ve gema ve kar kwar sha tar Wam la.

Sefania 1:14

Iyange i vesen i TER mgbôghom, ngi van fefa je; ungwa ihuran i iyange i TER! Orageegh ngu vaan tsung heregh.

Mbafilipi 3:2

Kura nen iyol sha kwagh u iwa, kura nen iyol sha kwagh u mbashirentom mba mimi ga la, kura nen sha kwagh u mbatôndon avav iyol ayol a ve la.

2 Peteru 3:7

Kpa Usha mba ve lu hegen kua tar cii, ka sha imo la i môm i môm man i ver shi i kuran ve sha ci u usu, zan zan á va kuma sha iyange i ijirigh man mtim u mba ve vende Aôndo la ye.