Yoel 3:12 - ICIGHAN BIBILO

¹² Akuraior a̱ mough, a̱ va hen pev u Yehoshafati; gadia ka keela Me za tema sha u ôron akuraior a a ningir a tser sha hanma ian la ijir ye.

Yoel 3:12 Iomraidhean Croise

2 Kroniku 20:26

Sha iyange i sha unyiin la, ve kohol shin Pev u Beraka, gadia ve wuese TER ker; ka nahan man i yilan ijiir la er, Pev u Beraka, zan zan nyian ye.

Upasalmi 7:6

Mough sha a ishima i vihin You TERE, kegh iyol i num sha iyugh i mbaahendanev av; nder sha ci wam, We, u U kaa wer, i̱ ôr ijir sha mimi!

Upasalmi 96:13

sha ishigh ki TER, gadia ngu van, ngu van sha u ôron tar ijir; Una ôr tar ijir sha perapera, man akuraior kpaa sha mimi Na.

Upasalmi 98:9

sha ishigh ki TER, gadia ngu van u va ôron tar ijir; Una ôr tar ijir sha perapera, man akuraior kpaa sha mimi.

Yesaia 2:4

Una ôr ijir her atô u akuraior, Una kure kwagh u ior kpishi; nahan vea gema usanker vev, vea var indyuhar a mi, awange a ve kpaa aa hingir ahô a sôron ikon a mi; ikurior igen ia kera tsuwa sanker a ikurior igen ga, vea kera hen ityav mbi nôngon kpaa ga.

Yesaia 22:1

Mkaanem ma Aôndo sha pev u Mpase la. Ka nyi i er u, man we a ior ou cii, ne undu sha ityouv mbi ayoughouv nahana?

Yesaia 3:13

TER mough tile sha, kuma Un u sendegh kwagh, ngu tilen sha sha u ôron ior ijir.

Esekiel 30:3

Gadia iyange la mgbôghom, ka iyange i TER i mgbôghom ye, ka iyange i abeen; ka shighe u akuraior je la.

Esekiel 39:11

Tsô sha iyange la, Me na Gogi ijiir i iwaregh ken Iserael, ka pev u mbakaren, u a lu zegemnger vegher u sha ityoughkitaregh la; ia yange mbakaren; ka heregh vea ii Gogi a ikpelaior na cii ye, nahan á ii ijiir la iti er: Pev u Hamon-Gogi (Ikpelaior i Gogi).

Yoel 3:14

Ikpelaior, zegeikpelaior shin pev u kuren ijir! Gadia iyange i TER i kuren ijir shin pev la mgbôghom.

Yoel 3:2

Me kohol akuraior cii, Me sen a a shin pev u Yehoshafati, Me ôr a ijir shimi, sha kwagh u ior Av man sha kwagh u dyako Wam, Iserael, u ve sambe a mi ken akuraior, man ve gema ve kar kwar sha tar Wam la.

Mika 4:3

Una ôr ijir hen atô u ior kpishi, Una kure ijir i akuraior a taver a ken ica, aa gema usanker mba a, aa var indyuhar a mi, man awange a ve kpaa aa hingir ahô a sôron ikon a min; ma ikurior ia kera tsuwa sanker a ikur igen ga, man shi aa kera hen ityav kpaa ga.

Sekaria 14:4

Sha iyange la angahar a Na aa tile sha uwo u Olev u u lu Yerusalem sha ishi, vegher u sha ityoughkitaregh la; uwo u Olev ua pav her atô, hii vegher u sha ityoughkitaregh yem shin ityôtar, zegepev una lu ken atô; vegherwo u môm una yem vegher u ken imbusutarimese, ugen di vegher u ken imbusutariyan.

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.