Yoel 3:1 - ICIGHAN BIBILO

¹ Gadia, nenge, sha ayange la, man sha shighe la kpaa, zum u me hire a Yuda man Yerusalem ken kwar yô,

Yoel 3:1 Iomraidhean Croise

Upasalmi 14:7

Kpash! Myom u Iserael ma a dugh ken Shion ma a shi ve yôô! Zum u TER Una sôr mlu u ior Nav yô, shighe la Yakob una tsuwe amar man Iserael kpaa una ember!

Upasalmi 85:1

TERE, doo U a tar Wou, U hide Yakob a mkpeyol na la.

Anzaakaa 1:23

Wa nen myange wam iko, tsô me haa ne jijingi wam, me pase ne akaaôron am.

Yesaia 44:3

Gadia Me haa mngerem sha tar u imura i ker u yô, man uikuwanmbamngerev kpaa hen ikpoghonya; Me haa Jijingi Wam sha mbayev ou, kua iveren Yam kpaa sha tsombor wou;

Yeremia 16:15

kpa á kaa er: Er TER u A dugh a Mbaiserael shin imbusutarimese man ken ityar i A zende ve ve yem ker la cii A lu u uma ne. Een, Me shi Me hide a ve ken tar u lu M na uter vev la yô.

Yeremia 29:14

Me rumun er ne̱ zua a Mo kpaa, kape TER A kaa ne, Me gema mlu wen, Me kohol ne ken akuraior cii, man ken ajiir a Me zenda ne ne yem ker la cii, kape TER A kaa ne; Me shi Me hide a ven hen ijiir i lu M na, i kura ne her kera, i yem a ven uikangen la.

Yeremia 30:18

TER ngu kaan nahan er: Nenge, Me gema mlu u utenti mba Yakob, uya nav vea kôrom mhôônom, á maa gar na sha ice na, man iyou i tor kpaa sha ijiir i i la vough je.

Yeremia 30:3

Gadia, nenge, ayange nga van, kape TER A kaa ne, a Me gema mlu u ior Av Iserael man Yuda, kape TER A kaa ne, Me hide a ve hen tar u lu M na uter vev yô, vea ngohol u, ua hingir sha ikev ve kpaa.

Esekiel 16:53

Me dugh a ve ken kwar, ka kwar u Sodom man ônov nav mba kasev, man kwar u Samaria man ônov nav mba kasev, man kwar u mbakwarev ou ken atô ve;

Esekiel 39:25

Nahan yô, Ter AÔNDO ngu kaan nahan er: Hegen Me dugh Yakob ken uikangen kera, Me hide a ve, Me zungwe ya u Iserael jimin cii mhôônom; Me gba iwuhe sha ci u icighanti Wam.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Yoel 2:29

mbatomov mba nomso man mba kasev kpaa Me haa Jijingi wam sha a ve sha ayange la.

Amoshi 9:14

Shi Me dugh ior Av Iserael ken uikangen kera, shi vea maa agar a lu i yôhôl la, vea tema ker; vea kaha ishule i wain man vea ma zar na; shi vea kaha ishule i atamaikon vea ya atam a ker kpaa.

Numeri 11:29

Mose kaa a na er: U wa iyol sha mo tsôô! Ior mba TER ci ca cii ma ve lu uprofeti, TER ma A ver Jijingi Na sha a ve.

Numeri 12:6

A kaa er: Ungwa nen imo Yam yôô; aluer profeti a lu ken a ven yô, Mo TER Me pase iyol Yam her a na sha mpase u nengen a nenge a mi, Me ôr kwagh a na ken mnyam ma cien.

Duteronomi 30:3

nahan TER, Aôndo wou, Una gema mlu wou, Una zungwe u mhôônom, Una shi á kohol we ken akuraior cii, henpe TER, Aôndo wou, vande samben we u za lu la.