Yoel 2:26 - ICIGHAN BIBILO

²⁶ Nea ya je á kuma ne gbing gbing, né wuese iti i TER, Aôndo wen, u A er ityom i kpilighyol her a ven la; man ior Av kpaa, vea kera va ahenge mayange ga.

Yoel 2:26 Iomraidhean Croise

Genese 33:11

Yô, shi ngohol ishughun yam, i i ze u a mi la; gadia Aôndo zungwem mhôônom, kwagh wam kpaa kumam. A za un iyol, tsô a ngohol.

Nehemia 9:25

Ve ngohol agar a lun a ugil kua tar u doon iyiagh, ve ngohol uya mba mgboughon a akaa a dedoo man azôr a ombon mngerem shimi a i time a shin avande man ishule i ikon i wain man ishule i olev kua ikon ngôgh i umen atam; ve ya kwagh kuma ve, ve kehe, kpe ve iyol sha iveren You i vesen.

Upasalmi 103:5

A iv uma wou a akaadedoo, je iyev ou hingir hegh er mbu iguve nahan.

Upasalmi 116:7

Hile hen mmem wou, uma wam, gadia TER er a we dedoo yum.

Upasalmi 13:6

Me wa icam i wuese TER, gadia A er a mo doo kpishi je.

Upasalmi 22:26

Mbaasemaleghlegh vea ya kwagh, á kuma ve gbing gbing je; mba ve keren TER yô, vea wuese Un! Asema a en a̱ lu uma gbem.

Upasalmi 37:19

vea va ahenge sha iyange i bo ga, sha ayange a ijen kpaa kwagh á kuma ve gbing gbing.

Upasalmi 67:5

Ior ve̱ wuese We, Aôndo; ior ci ca ve̱ wuese We.

Upasalmi 72:18

I̱ wuese TER, Aôndo, Aôndo u Iserael, ka Un tseegh A eren akaakpilighyol ye,

Anzaakaa 13:25

Orperapera ka nan ya kwagh i kuma nan, kpa iyav mbu iferor yô, mbua lu ijen.

I Solomon 5:1

M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

Yesaia 25:1

TERE, ka We, U lu Aôndo wam ye; me kende U sha, me wuese iti You; gadia U er akaakpilighyol, ka mbamhen mba tsuaa je, sha mimi kua jighjigh.

Yesaia 29:22

Nahan yô, TER u A yima Aberaham la, ngu kaan kwagh sha ya u Yakob la er: Yakob una kera va ahenge ga, ishigh nagh kpaa kia kera lu peng ga.

Yesaia 45:17

Kpa Iserael yô, TER Una yima ve, sha myom u tsôron; kunya ua kôr ne ga, né va ahenge sha won kpaa ga.

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Yesaia 54:4

De cie ga, gadia ú ya kunya ga; i̱ de kondon we iyol kpaa ga, gadia ú va ahenge ga; gadia kunya u iyev ou ua hungul we, iheen you i sha mlu u kwasecôghol la kpaa, ú kera umbur i ga.

Yesaia 55:2

Ka nyi man ne vihin inyaregh sha kwagh u a lu kwagh u yan ga, man tom wen u tsung kpaa sha kwagh u a lu u yan kuman ga nahana? Ver nen ato her a Mo, sule nen iyol sha u ungwan, ya nen kwagh u a lu u dedoo yô, man i̱ doo uma wen iyol a taryan u wan ahôm.

Levitiku 25:19

Tar ua doo iyiagh, né ya, á kuma ne, né tema ken u bem bem.

Levitiku 26:26

Zum u Me vihi kwaghyan wen u ne suur sha mi la kera yô, kasev pue vea kaa bredi wen ken atse môm, vea kar bredi wen myohom man vea hide á na ne yô; né ya, kpa á kuma ne ga.

Levitiku 26:5

Shighe u sundan iyiav la, né sundan zan zan shighe u sundan atam a wain a kuma, atam a wain kpaa, né sundan zan zan shighe u lôôn iyiav a kuma; né yaan kwaghyan á kuman ne, né tema ken tar wen.

Mika 6:14

Ú ya, kpa á kuma u ga, ijen ia lu u ken atô; ú kura kwagh, kpa ú war a mi ga; man kwagh u ú yem a mi la kpaa, Me gema Me na sanker.

Sefania 3:11

Sha iyange la ú kera va ahenge sha ci u aeren a ou, a u erem kwaghbo sha mi la ga; gadia hen shighe la Me kar a mbagengeseyol ken a we kera cii, man mayange ú kera seer tesen imanger you sha icighanwo Wam ga.

Sekaria 9:15

TER u akum a Sha Una kura ve, vea ya, vea ndyar angahar sha awen a ken mzu; vea ma, vea yôôso er ve ma wain nahan, á iv ve er ka gbande nahan, man er ka azongo a atse a nanden nagh sha mi nahan.

Sekaria 9:17

Mdoom vem gba ikôr, mdooashe ve kpaa vese gande! Samuyia ua er mbayevikaior man wain u he kpaa una er mbayevkasev vea gume.

Mbaromanu 10:11

Gadia icighanruamabera ngu kaan er: Hanma or u nan ne Un jighjigh yô, nana va ahenga ga.

Mbaromanu 5:5

Man ishimaverenkeghen yô, i ve ahenge ga, gadia i haa dooshima u Aôndo ken asema ase sha Icighan Jijingi u i ne se la.

Mbaromanu 9:33

Kape i nger kpaa la er: Nenge, M ngu veren iwen i keman nguhar sha mi ken Shion, man shi vande u nôngon gbev sha mi. Or u nan ne Un jighjigh yô, nana va ahenge ga.

Duteronomi 11:15

Shi Me er toho ua lu ken akôngo a ou sha ci u ilev you; we kpaa ú yaan kwagh á kuman we.

Duteronomi 12:12

né ember sha ishigh ki TER, Aôndo wen, ne a ônov enev mba nomso man mba kasev man ikpan yen i nomso man i ukase man Orlevi u nan va nyer u a nyôr, sha ci u nan lu a kwar shin dyako a ven imôngo ga yô.

Duteronomi 12:18

kpa ka sha ishigh ki TER Aôndo wou ú yaan akaa ne ye, hen ijiir i TER, Aôndo wou, Una tsuwa yô, we, man wan wou u nomso man wan wou u kwase man kpan wou u nomso man kpan wou u kwase man Orlevi u nan va nyer u a nyôr; ember sha ishigh ki TER, Aôndo wou, sha akaa a u ker ave sha mi cii.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 8:10

Ú yaan á kuma u gbing gbing, ú wuese TER, Aôndo wou, sha ci u tar u dedoo u A ne u la.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.

1 Yohane 2:28

Hegen yô, mbayev av, lu nen ken a Na sha er, aluer á va pase Un yô, sé lu vangertiôr, kunya u̱ de ker se sha ishigh Nagh sha m-ande Na la ga.