Yoel 2:23 - ICIGHAN BIBILO

²³ Yô, ember nen, ne ônov mba Shion, i̱ saan ne iyol ken TER, Aôndo wen, gadia ngu nan ne ortesen u una tese perapera, ngu nôôn ne ura, urahe man ura u masetyô kpaa, er ngise la nahan.

Yoel 2:23 Iomraidhean Croise

1 Utor 8:36

ungwa Sha, de isholibo i mbayev Ou kua i ior Ou Iserael kpaa, gadia U tese ve gbenda u doon u vea zenden sha mi yô; yô, nôô ura sha tar Wou, u U ne ior Ou dyako la.

Yobu 33:23

Aluer ortyom u Sha una lu a nan, ortafinta, môm ken dubu, sha u tesen or kwagh u a lu vough, u nana er yô;

Yobu 37:13

shin ka sha ci u mtsaha, shin ka sha ci u tar Na, shin ka sha ci u erdoo, ka A na a a va.

Upasalmi 104:34

Mbamhen av ken ishima ma ve doo Un; mo yô, me ember ken TER tsung.

Upasalmi 147:8

Un u A cir kwavaôndo sha abeen la, A kohol ura sha u nôôn sha tar, A ne toho u mende sha iwo,

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Upasalmi 28:7

TER ka agee am je, man perutya wam kpaa, ishima yam suur sha a Na, m zough a iwasen, nahan yô, ishima yam ngi ember tsung; ka sha icam yam kpaa me wuese Un ye.

Upasalmi 32:11

Lu nen saan saan ken TER, ember nen tsung, ne mbaperapera, genger nen imo sha iember, ne mba asema a en a lu jighilii cii yô.

Upasalmi 84:6

Zum u vea karen hen pev u ombor yô, ve gema a mi hingir ijiir i imbormnger i saar her; mngerem ma urahe ma iv un a iveren.

Anzaakaa 16:15

Ken iwanger i sha ishigh ki tor, uma ngu, iveren na ngi er ibeenegh ki ura u masetyô yô.

Yesaia 30:21

ato ou kpaa aa ungwa kwaghôron ken ijime you u kaan er: Ka gbenda je ne, za nen sha u, zum u á sar ne u geman ken iyan shin ken imese la yô.

Yesaia 30:23

Tsô Una na ura sha ci u ivor you i lôôn ken sule, kua alakema u eren bredi a mi, ka iyiav mbi i zough a mi ken sule je la; mbia doo ken zwa, shi mbia taver or agee. Sha iyange la yô, uzendenya ou vea ya toho hen ijiir i yan toho i gbangese.

Yesaia 41:16

Ú peer ve, ahumbe aa purugh a mi kera, hiar una sambe ve kera; kpa we yô, ú ember ken TER, ú ta ihagh sha Icighan u Iserael.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yeremia 3:3

Ka nahan man i nyume iura, man ura u masetyô kpaa u kera nôô ga ye; nahan kpaa u lu a icul i idyakwase, u rumun u van ahenge ga.

Yeremia 5:24

Ve kera kaa ken ishima ve kpaa er: Sé shi cia nen TER, Aôndo wase ga, u A nee ura u he kua u masetyô kpaa, sha shighe u u; ashighe a sundan kpaa A ver se a.

Ukwelegh 4:2

Ônov mba Shion mba injaav, mba i kar ve sha zenaria u wang ne, nenge, i kenger ve, ve hingir er mbaagu mba inyaav nahan, tomaveegh u ormaantyegh.

Esekiel 34:26

Me gema ve kua ajiir a a kase sha igungu Wam la, aa hingir iveren i dedoo; Me na ikumenura ua nôô sha shighe na; á lu ikumenura u haan iveren.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Levitiku 26:4

Mo Me nôô ne ura sha ashighe a u, inya ia doon iyiav, ikon i ken toho kpaa ia umen atam a i.

Amoshi 4:7

M shi M nyume ne ura, zum u iwer shi itiar i sunda ua kuma yô; M na ura nôô sha gar môm man sha ugen yô, M yange, u kera nôô ga; ijiir i môm i nôô ura, ijiir igen i ura nôô ker ga yô, i use.

Sekaria 10:1

Sôn nen TER ura u sha ayange a ura u masetyô la; ka TER A er inyiar ye, Una na ve ura u vesen, hanma or nana zua a akaamenden ken sule.

Sekaria 10:7

Eferaim kpaa una hingir er orageegh yô, ishima ve ia ember er ka vea ma wain nahan; ônov vev vea nenge nahan, vea ember, ishima ve ia ember ken TER.

Sekaria 9:13

Gadia M henda Yuda er ada Wam nahan, M wa Eferaim sha mi er ka ivaan nahan; Me tor ônov ou mba nomso ityô, we Shion, sha u hendan a ônov ou, we tar u Grika; Me gema u, ú hingir er sanker u ortaveryol nahan.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Aerenakaa A Mbaapostoli 14:17

Nahan kpaa mayange A de u pasen iyol Na ga, eren akaa a dedoo, A nôôn ne ura u senen sha, A ivin asema a en a kwaghyan man msaanyol kpaa.

Duteronomi 11:14

Me nôôn ura sha tar wen sha ashighe ashighe, vough vough, urahe man ura u masetyô, sha er ú sunda iyiagh you man wain wou kua mkurem ou.

Duteronomi 28:12

TER Una bugh u iyou Na i koson akaa a dedoo ker la, Una nôô ura hen tar wou sha shighe u u, Una ver tom u ave ou cii doo doo kpaa; ú pwar akuraior kpishi akaa; kpa we yô, ú pwar kwagh ga.

Duteronomi 32:2

Ityesen yam i̱ haa er ura nahan; kwaghôron wam a̱ gba er avure nahan, er ura u hamber sha agumatoho nahan, man er ura u nôôn sha ahu nahan.

Mbafilipi 3:1

Kwagh ugen yô, anmgbianev av, ember nen ken Ter. U shi ngeren ne akaa shon ne kpaa, uwer gbam ga, ne yô, ka ne iwasen.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbafilipi 4:4

Ember nen ken Ter gbem, shi me kaa mer, ember nen.