Yoel 2:2 - ICIGHAN BIBILO

² ka iyange i ime i wan mgbigh mgbigh, iyange i abeen man angôghime, er mlu u pepe dindee nahan; ikurior i vesen man i ageegh haa sha iwo imba i i lu a vande nengen a mi ga, man á kera nenge a mi ken hemen kpaa ga, zan zan sha ikov ikov cii.

Yoel 2:2 Iomraidhean Croise

Upasalmi 10:6

Ken ishima na yô, ngu a kaan er: Me tenger ga, zan zan sha ikov ikov kpaa, ican ia tserem mayange ga.

Upasalmi 97:2

Abeen man angôghime kase Un wa atô; perapera man ijirôron i mimi ka ve, ve lu imagh ki ikônough Nagh ki torough ye.

Ekesodu 10:14

Ikomon la samber sha tar u Igipiti cii, haa ken tar u Igipiti ci ca cii, ngee je zua ga; mayange je ikomon lu a vande van er ingila nahan ga, man mayange imbaikomon la ia kera va kpaa ga.

Ekesodu 10:6

Ia iv ken ayou a ou man ayou a mbatomov ou cii kua ayou a Mbaigipiti cii kpaa; kwagh u uter ou man uter mba uter ou vande nengen ga je, hii sha iyange i ve lu je zan zan ne. Tsô a gema ijime a due hen Farao kera.

Ekesodu 20:21

Tsô ior tile ca; kpa Mose yô, kporom hen angôghime henpe Aôndo lu la.

Yesaia 5:30

Sha iyange la ahura á ta sha a ve er ihuran i zegemnger nahan; aluer or nana nenge shin tar yô, nana nenge a ime i ican, iwanger ia hingir ime sha ci u abeen.

Yesaia 8:22

vea kenger shin inya, kpa nenge, ka ican man ime, ime i cier iyol; á zenda ve vea nyôr ken angôghime.

Yeremia 13:16

Na nen TER, Aôndo wen, icivir, er A lu a er ime i wa ga ne, man er ne lu a ta angahar kera sha iwo i wan ime la ga ne, man er ne lu keren iwanger yô, A gema i i hingir mure u kuugh man shi angôghime.

Yeremia 13:6

Tsô ayange nga kar kpishi yô, TER kaa a mo er: Mough, za hen Uferati, za tôô tsar u M kaa u Mer, za koso ker la.

Ukwelegh 1:12

Ka ne ma kwagh ga, ne mba ne lu karen ne cii? Ver ashe, nenge nen, shin ma ican ngi er ican yam ne kpaou? i TER vam a mi sha iyange i iyugh Na i tsung la.

Esekiel 32:7

Zum u Me pir u la, Me cir Sha, Me na asan a na a̱ wa ime; Me cir iyange sha ibeen, uwer kpaa ua kera na iwanger i u ga.

Esekiel 34:12

Er orkuranilev ka nan tôv ikumile i nan sha iyange i nan lu ker atô u iyôngo i nan i i sambe i wue wue la, kape Mo kpaa Me tôv iyôngo Yam; Me yima i ken ajiir a i sambe i la cii, sha iyange i abeen man angôghime la.

Esekiel 38:9

Wea kôndo er ijeverahumbe nahan, wea lu er ibeenegh ki cirin tar nahan, we man akum a ou cii, man ior kpishi a we imôngo.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Daniel 9:12

A er sha akaaôron a Na vough a A ôr sha a vese man sha mbaajiriv asev mba ve er se ijir la, sha u van a zegekwaghbo sha a vese; gadia sha won cii, mba a er imbakwagh i i er a Yerusalem ne nahan ga.

Yoel 1:6

Gadia ikur igen nyôr ken tar wam i taver, i ngee gande u ôron; anyi a i ka anyi a begha, anomanyiigh a i kpaa ka a mgbianbegha.

Yoel 2:25

Shi Me hide ne a anyom a ikomon i purugh agumaikomon man ikomon i oron akaa kua ikomon i tseren akaa lu ya la, ka zegeikumutya Yam i M tindi her a ven ne.

Yoel 2:31

Iyange ia gema ia hingir ime, uwer kpaa ua hingir awambe man iyange i TER i vesen i cieryol ia va ye.

Yoel 2:5

Er ihuran i akekeautya nahan, kape ve tsuwen sha ityouv mbi iwoov la, bee er ka kume u nomborusu u hian toho nahan man shi er ior mba ageev mba tangen ityav nahan.

Yoel 3:4

Ne mba nyi je, we Tiru man Shidon man ityar i i kase Filitia cii? Né orom iyeve? Aluer ne orom iyev yô, fese je Me gema iyev la Me hire a i sha ityough yenegh.

Amoshi 4:13

Gadia nenge Wen u A er iwo man A gbe ahumbe, man A pasen or mhen u ken ishima i nan, Wen u A gem sev mbu hingir ime, u A zenden sha ajiir a taven a sha tar la, TER, Aôndo u akum a Sha, ka iti Na je la.

Sefania 1:7

Huan ving sha ishigh ki Ter AÔNDO! gadia iyange i TER mgbôghom; gadia TER sôr nagh ku sôngon, A tsegha mbavannya Nav.

Sekaria 14:6

Sha iyange la iwanger ia lu ga; akaa a engem aa hide ijime iyol i a.

Mateu 24:21

Gadia zum la zegecan una er, imbacan i hii er i gba tar la je zan zan ainge ne i lu a er mayange ga yô, man mayange kpaa ia kera shi er nahan kpaa ga.

Marku 13:19

Gadia sha ayange la, ican ia lu, imbacan i hii er Aôndo gba tar je zan zan ainge ne i lu a vande eren nahan ga yô, mayange ia kera shi er nahan kpaa ga.

Duteronomi 32:7

Umbur ayange a ngise, ver ishima sha anyom a sha ikov ikov la; pine teru, a̱ kaa u, mbatamen ou kpaa, ve̱ ôr u.

Mbaheberu 12:18

Gadia ne kera mgbôghom a kwagh u i fetyô u benden un ave la ga, man a usu u yeghen, man ime, man dimii, man ijeverahumbe,

Yuda 1:13

Ka agôndo a zegemnger a yemen iuuu, ka ve mbua hugh sha kunya ve ayol a ve, ka asan a tsumen gbenda, ka ior mba i ver angôghime sha ci ve gbem yô.

Mpase U Yohane 9:2

Nahan a bugh ihungwa i i ze kweng la maa mnyim gba duen shin ihungwa la er ka mnyim ma zegeusu u iwaagh nahan, iyange man kwavaôndo wa ime sha ci u mnyim ma ihungwa mara.