Yoel 2:13 - ICIGHAN BIBILO

¹³ ande nen asema a en, i̱ de kera lu akondo ga; gema nen hen TER, Aôndo wen, gadia ngu a mrumun u sha mhôôn, a mgbough a mhôônom ma zungwen, we ishima man ngu a erdoo tsung, ka A vaa afanyô sha kwagh u bo u A we ishima u eren la.

Yoel 2:13 Iomraidhean Croise

Genese 37:29

Kpa Ruben hidi hen ijôr la yô, Yosev kera lu shimi ga, tsô a ande akondo na.

Genese 37:34

Tsô Yakob ande akondo a na, a ta ikondo uya, a zungwe ku u wan na ayange kpishi.

2 Samuel 1:11

Tsô Davidi kôr akondo a na ande; kape ior mba ve lu a na cii kpaa ve er la;

1 Utor 21:27

Tsô, zum u Ahaba ungwa akaaôron ne yô, a ande akondo a na, a ta ikondo uya, a hôr kwaghyan, a yav a ikondo uya, a gba zenden teghelee teghelee.

2 Utor 22:11

Er tor ungwa akaaôron a ken ruamabera u atindigh la yô, a ande akondo a na.

2 Utor 22:19

er u lu a ishima i legh legh u hire a iyol you ijime sha ishigh ki TER, zum u u ongo kwaghôron u M er sha ijiir ne, kua sha mba ve tem ken i kpaa, Mer, vea hingir kwagh u cieryol man kwagh u i we un ifan yô, man u ande akondo a ou, shi u vaa sha ishigh Yagh kpaa, nahan, Mo kpaa M ungwa u, kape TER A kaa la.

2 Utor 5:7

Er tor u Iserael ôr washika la yô, a ande akondo a na, a kaa er: Mo m ngu Aôndo man m̱ wua shi m̱ nder yee, ve or ne a tindi her a mo er m̱ bee or imande na nahana? Fa nen, shi nenge nen er a keren mo iyongo yô.

2 Utor 6:30

Tsô, zum u tor ungwa kwaghôron u kwase la yô, a ande akondo a na, lu karen sha gilgar; nahan ior nenge er a te ikondo uya yô.

2 Kroniku 6:27

ungwa Sha, de isholibo i mbayev Ou kua i ior Ou Iserael kpaa, gadia U tese ve gbenda u doon u vea zenden sha mi yô; yô, nôô ura sha tar Wou, u U ne ior Ou dyako la.

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Yobu 1:20

Tsô Yobu mough ande riga na, tolough ityough nagh, a gba inya, a gure a civir;

Upasalmi 103:8

TER mgbough a mhôônom ma zungwen kua mrumun u sha mhôôn, we ishima, erdoo Na ngee wuee;

Upasalmi 106:45

a umbur ikuryan Na sha ci ve kpaa, mhôônom kôr Un, sha ci u A ngee a erdoo yô.

Upasalmi 34:18

TER ngu ikua a mba asema a vihin ve la, yem mba ve lu a ishima i zamber yô.

Upasalmi 51:17

Nagh ku Aôndo A rumun yô, ka jijingi u zamber; ishima i zamber, i uren tsung yô, Ú laha ga, Aôndo.

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 58:5

Ka imbakwaghyan i hôron i M tsough la ha? Iyange i or nana er uma u nan ican, je nana wa ityough inya er ikenaika nahan, man nana tar abaasôhô man mtwem hingir gambe u nana? Ka kwagh u u yer wer, kwaghyan u hôron man iyange i doon TER ishima je nee?

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Yeremia 36:7

Alaghga zamber ve una gba hen ikum i TER, man vea gema, hanmô ve nana undu gbenda u nan u bo la; gadia ishima i vihin man iyugh i TER i A ter sha ior mban i gba ikôr.

Yeremia 41:5

ior mbagenev, akunduanyiin due ken Shekem man ken Shilo kua ken Samaria, ve va, ve torough ander a ve kera, ve lu a akondo a anden iyol, man ve ese avav iyol, ve lu a iniav mbi sha samuyia man kwaghhumandoon sha u van a mi hen iyou i TER.

Yeremia 42:10

Aluer nea tema gil gil ken tar ne yô, nahan Me maa ne, Me yôhôl ne ga, Me môôr ne, Me wuhe ne ga; gadia M vaa afanyô sha kwaghvihin u M er ne la.

Esekiel 9:4

TER maa kaa a nan er: Za kar ken atô u gar, ken atô u Yerusalem, ver ikav sha atsul a ior mba ve lu a asema a shirin man ve vaa sha ci u akaa a ndôhôrshima a i eren ken a na la cii.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Yona 3:9

Ka an nan fe er alaghga Aôndo Una gema awashima Na man Una hide a iyugh Na ijime sha u se̱ de timin ga yôô?

Yona 4:2

Tsô A sôn TER, a kaa er: TERE, ka kwagh u iyange m vande kaan, je er m lu ken tar wam la gaa? Ka nahan man iyange m gba yevese yemen Tarshishi ye; gadia m fa er U lu Aôndo u mhôônom ma ker U man u zungu mhôônom, U wan ishima, man U ngee a erdoo, man U deen ifer kpaa.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Nahum 1:3

TER we ishima, tahav Nav vese, kpa u tsahan yô, deen ga. Gbenda Na ngu ken ihiar man ken ijeverahumbe, abeen ka ihundu i shin angahar a Na.

Numeri 14:18

TER we ishima, ngu a erdoo wuee, deen ifer man tindi u peren, kpa u tsahan yô, den ga; tsahan ônov sha ifer i uter zan zan kov u sha utar man shi u sha unyiin kpaa.

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Mbaefese 2:4

Kpa Aôndo ngee a mhôônom ma zungwen, ka sha dooshima Na u vesen u se doo Un ishima la man A na se uma a Kristu imôngo je

1 Timoteu 4:8

Gadia u karen iyol, i̱ taver la tseegh yô, wa ngun a inja kpeghee, kpa u civir Aôndo yô, ngu a inja sha akaa cii gadia ngu a ityendezwa sha uma u hegen ne kua uma u a lu van la kpaa.