Yoel 2:12 - ICIGHAN BIBILO

¹² Shin hegen je kpaa, kape TER A kaa ne: Gema nen her a Mo a asema a en cii, a kwaghyan u hôron man mliam ashe man a ijungwen,

Yoel 2:12 Iomraidhean Croise

2 Samuel 24:10

Tsô ishima na Davidi ibo zum u a ôr iyenge i ior kera la. Nahan Davidi kaa a TER er: M er kwaghbo kpishi je sha kwagh u m er ne; nahan kpaa, TERE, shi ese ibo i wanakiriki Wou ne kera; gadia m er ibumekwagh tsô.

2 Kroniku 30:6

Tsô mbatyomov za a uwashika mbala mba ve due hen tor man atiator a na la, ve za hen Iserael cii man Yuda, sha imo i tor, ve kaa er: Ne Mbaiserael, shi hide nen hen TER, Aôndo u Aberaham man u Isaka kua u Iserael, sha u A̱ hide hen mba ve wer sha ikev i utor mba Ashiria ve shi her ne.

2 Kroniku 6:27

ungwa Sha, de isholibo i mbayev Ou kua i ior Ou Iserael kpaa, gadia U tese ve gbenda u doon u vea zenden sha mi yô; yô, nôô ura sha tar Wou, u U ne ior Ou dyako la.

Eseter 4:16

Za za kohol Mbayuda cii, mba ve tem ken Shushan yô, hôr nen kwaghyan sha ci wam, de ye nen kwagh ga, de me nen kwagh ga, tugh man atetan zan zan ayange atar; kape mo a ônkasev av kpaa sea hôr kwaghyan ne; ka nahan man me za nyôr hen tor, a lu sha tindi ga kpaa ye; aluer mea saa yô, m saa di je ve.

Ekesodu 33:5

TER shi kaa a Mose er: Kaa Mbaiserael wer: Ne mba ior i taver ityough yum; aluer Me zaan hen atô wou a ven imôngo anshighe kpeghee tsô kpaa, Me tim ne kera; ahegen yô, er ikav youv mbi hweev kera, man Me fa er Me er a we ye.

Yesaia 22:12

Sha iyange la, Ter, TER u akum a Sha, yila kaa er, i̱ vaa, i̱ zungwe, i̱ hondo ityough, shi i̱ ta ikondo uya;

Yesaia 58:4

Nenge, ne mba her kwaghyan sha ci u num u nôngon man zwazôhôn, man sha ci u tan iju sha dang, ne mba kera her kwaghyan hegen sha u á ungwa imo yen Sha ga.

Yeremia 3:22

Hide nen, ne ônov mba ne undu mimi la, Mo Me wanger m-undu u mimi wen la. Nenge, se mban, se mba van her a We; gadia ka We u lu TER, Aôndo wase ye.

Yeremia 36:7

Alaghga zamber ve una gba hen ikum i TER, man vea gema, hanmô ve nana undu gbenda u nan u bo la; gadia ishima i vihin man iyugh i TER i A ter sha ior mban i gba ikôr.

Yeremia 4:1

Aluer wea hide yô, we Iserael, kape TER A kaa ne, ka her a Mo ú hide ye; aluer wea dugh akaa a hôngorough a ou sha ishigh Yagh kera yô, nahan kera gba u, ú zende wue wue ga.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Daniel 9:3

Nahan m gema ishigh hen Ter Aôndo, sha u eren msen man uzamber a kwaghyan u hôron man a ikondo i tan uya man a mtwem.

Hosea 12:6

Nahan we yô, hire hen Aôndo wou, lu a dooshima man perapera, ver ishima kegh Aôndo wou gbem.

Hosea 12:7

Ka orkasua je, uikaren mba icughuv mba sha uwegh nagh; u ngohol mtsera ganden ikaa inya doo un.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Hosea 6:1

Va sé hide nen hen TER; gadia ka Un A ande ye, shi Una wanger se; ka Un A gber avav ye, shi Una kange se a.

Yoel 1:13

Ta nen ikondo uya, zungwe nen, ne upristi, ngor nen mliam ne mbatomov mba atse a nanden nagh sha mi; nyôr tsa nen a ikondo uya, ne mbatomov mba Aôndo wam; gadia i kar a nagh ku sha samuyia man ku man ken iyou i Aôndo wam kera.

Sekaria 7:3

ve̱ za pine upristi mba sha iyou i TER u akum a Sha man uprofeti, er: M̱ vaan, man m̱ hôron kwaghyan sha uwer u sha utaan, er m vande eren anyom a a kar kpishi la nahan shinii?

Sekaria 7:5

Ôr kwagh a ior mba hen tar ne cii man a upristi kpaa, kaa wer: Er ne lu hôron kwaghyan man zungwen sha uwer u sha utaan man u sha utaankaruhar la, anyom a akunduatargber ne cii, lu sha ci Wam je ne hôr kwaghyan ye he?

Malaki 1:9

Hegen yô, shi zamber nen Aôndo, A̱ zungwe se mhôônom; ka ne ne er akaa ne ye; nahan kpaa shi Una rumun mô wene? Kape TER u akum a Sha A kaa ne.

Aerenakaa A Mbaapostoli 26:20

Kpa m ôr kwagh m hii hen mba ve lu ken Damaseku man ken Yerusalem man shi ken tar u Yudia cii zan zan kua atôatyev kpaa, m kaa mer, ve̱ zamber, ve̱ gema her Aôndo, man shi ve̱ er aeren a a kom mgemshima la.

Mbaajiriv 2:4

Tsô zum u Ortyom u TER ôr kwagh ne a Mbaiserael cii nahan yô, ior gba vaan genger genger.

Mbaajiriv 20:26

Tsô Mbaiserael cii, kua ior cii, ve kôndo sha Betel, ve za vaa, ve lu sha ishigh ki TER hen ijiir la, ve hôr kwaghyan sha iyange la zan zan iyange kar been; ve na iniav mbi nanden man iniav mbi bem sha ishigh ki TER.

1 Samuel 7:3

Tsô Samuel ôr kwagh a ya u Iserael cii, a kaa er: Aluer nea gema hen TER sha ishima môm yô, dugh nen mbaaôndo mbagenev kua Ashetaroti kpaa ker a ven kera, ver nen asema sha TER, civir nen Un tseegh, tsô Un kpaa Una yima ne sha ikev i Mbafiliti.

1 Samuel 7:6

Tsô ve kohol hen Misepa, ve kese mngerem ve too sha ishigh ki TER, shi ve hôr kwaghyan sha iyange la, hen ijiir la je, ve kaa er: Se er TER isholibo. Samuel ôron Mbaiserael ijir hen Misepa.