Yoel 2:11 - ICIGHAN BIBILO

¹¹ TER genger imo sha ishigh ki mbautyav Nav la, gadia ikumutya Na kehe gande; un u a eren sha imo Na la, ka u ageegh; gadia iyange i TER ka i vesen je, i cier iyol kpaa, ka an nana fatyô u hendan ishigh a ii?

Yoel 2:11 Iomraidhean Croise

Upasalmi 18:14

A ker avaan a Na, A sambe ve; inyiar Na nyiar kpishi nzughul a ve.

Upasalmi 46:6

Akuraior hunde, ityartor tenger, A ôr imo Na, tar sough.

Upasalmi 68:18

U kôndo U yem Sha, U yem a mbakwarev uikangen, U ngohol uiwua hen ior, een, zan zan hen mbahendan kpaa, sha er TER Aôndo Una tema a ve imôngo yô.

Yesaia 13:4

Ungwa, ayôôso baver baver sha iwo er ka zegeikumior yô! Ungwa, ayôôso a ityartor i akuraior a a kohol imôngo yô! TER u akum a Sha ngu kohol ikumutya sha ci u ityav mbi nôngon.

Yesaia 42:13

TER Una due er or u ageegh nahan, Una mough sha kume er ornôngontyav nahan, Una genger imo, een, Una er ikenge, Una tese mbaihomov Nav tahav Nav.

Yesaia 7:18

Sha iyange la TER Una tôngo hondo, Una yila iji i ken ca, ken akighir a iwagh i Igipiti, kua iyough i ken tar u Ashiria.

Yeremia 25:30

Nahan we yô, ôr kwaghôron u profeti ne cii sha a ve, kaa a ve wer: TER Una ta kume Sha, Una kende imo Na hen icighanjiir Na u teman la; Una ta kume tsung a ikumuile Na; Una genger imo a mba ve tem sha won cii, bee er ka mbashoghol atam a wain nahan.

Yeremia 30:7

Wuu! Gadia iyange shon gba ikôr je gande agen cii; ka shighe u ican i Yakob je la; kpa á yima un sha i.

Yeremia 50:34

Orpaan ve ngu a agee, TER u akum a Sha, ka iti Na je la; Una ta ikaa ken a ve doo doo, sha u Una na tar mmem yô, kpa ior i ken Babilon yô, Una tumbul a ve.

Esekiel 22:14

Ishima you ia fatyô u taver her, ave ou kpaa a a fatyô u taver sha ayange a Me ta num sha a we laa? Ka Mo TER M kaa kwagh ne ye, shi Me kure un kpaa.

Yoel 1:15

Wuu, wuu! iyange la! Gadia iyange i TER mgbôghom ve, ia va er mtim u a dugh hen Uhembanagee nahan.

Yoel 1:6

Gadia ikur igen nyôr ken tar wam i taver, i ngee gande u ôron; anyi a i ka anyi a begha, anomanyiigh a i kpaa ka a mgbianbegha.

Yoel 2:1

Tôngo nen korough ken Shion, gbire nen shishavaa sha icighanwo Wam; mba ve tem shin tar cii ve̱ gbidye ikarikase iyol, gadia iyange i TER ngi van, i mgbôghom je ve;

Yoel 2:2

ka iyange i ime i wan mgbigh mgbigh, iyange i abeen man angôghime, er mlu u pepe dindee nahan; ikurior i vesen man i ageegh haa sha iwo imba i i lu a vande nengen a mi ga, man á kera nenge a mi ken hemen kpaa ga, zan zan sha ikov ikov cii.

Yoel 2:25

Shi Me hide ne a anyom a ikomon i purugh agumaikomon man ikomon i oron akaa kua ikomon i tseren akaa lu ya la, ka zegeikumutya Yam i M tindi her a ven ne.

Yoel 2:31

Iyange ia gema ia hingir ime, uwer kpaa ua hingir awambe man iyange i TER i vesen i cieryol ia va ye.

Yoel 3:14

Ikpelaior, zegeikpelaior shin pev u kuren ijir! Gadia iyange i TER i kuren ijir shin pev la mgbôghom.

Yoel 3:16

TER ngu tan kume ken Shion, ngu taver imo ken Yerusalem je; Usha man tar tenger kpa TER Una hingir ijiir i yeren i ior Nav, man garutya u Mbaiserael.

Amoshi 1:2

A kaa er: TER ngu tan kume ken Shion, ngu taver imo Na ken Yerusalem je, ajiir a yan toho a uile zungwe, ityough ki Karmel kpaa ure.

Amoshi 5:18

Kwagh á tser ne, ne mba i sar ne pe iyange i TER ma i ve yô. Ka nyi i sar ne pe zuan a iyange i TERE? Ia lu ime, ia lu iwanger ga.

Amoshi 5:20

Iyange i TER ia lu ime je, ia kera lu iwanger ga, een, á lu angôghime, ma iwanger ia lu ker ga.

Obadia 1:15

Gadia iyange i TER mgbôghom sha akuraior cii; er u er nahan, kape we di kpaa á er a we je la; ieren you ia hire sha ityough you.

Nahum 1:6

Ka an nana fatyô u hendan ishigh a iyugh Na? Ka an nana fatyô u teman hen mtsee u ishimavihin Na? Iyugh Na ngi haan er ka usu yô, avande nga paven sha ishigh Nagh.

Malaki 3:2

Kpa ka anti nana hendan ishigh a iyange i mve Na laa? Man ka anti kpaa nana tile sha zum u Una ande laa? Gadia ngu er ka usu u orsoughon iyôgh nahan, man er icahul i or u ôôn akondo yô;

Numeri 24:23

A shi a tôô injakwagh na, a kaa er: Wu! Ka an je nana lu uma zum u Aôndo Una va er kwagh laa?

1 Mbatesalonika 4:16

Gadia Ter iyol Na Una sen Sha sha ikenge i kaan, sha imo i ortyom u tamen, sha mkaa u ikpamkor i Aôndo, tsô mba ve kpe ken Kristu la vea vande nderen.

Mpase U Yohane 18:8

Sha ci u nahan yô, atsan a na aa va shire sha a na iyange i môm je. Ka ku man ijungwen man ijen kpaa, á nande un sha usu kpaa. Gadia Ter Aôndo u A lu ôron un ijir la ka u ageegh je.

Mpase U Yohane 6:17

gadia zegeiyange u iyugh Na kuma ve, ka an je nana fatyô u tilen sha?