Yoel 2:1 - ICIGHAN BIBILO

¹ Tôngo nen korough ken Shion, gbire nen shishavaa sha icighanwo Wam; mba ve tem shin tar cii ve̱ gbidye ikarikase iyol, gadia iyange i TER ngi van, i mgbôghom je ve;

Yoel 2:1 Iomraidhean Croise

1 Kroniku 15:28

Kape Iserael cii, ve va a areki u ikuryan u TER a awer a gbiren kondo kondo sha imo i amar a tôngon man ikor man ukwen, er ve lu kuhwan taver taver sha mbaadiguve man umolo.

Upasalmi 119:120

Ikarikase gbidyem iyol sha mciem ma m cie U la, m ngu cian ajiraôron a Ou kpaa.

Upasalmi 87:1

Imagh nagh ki sha uicighanmbaiwoov;

Ekesodu 10:14

Ikomon la samber sha tar u Igipiti cii, haa ken tar u Igipiti ci ca cii, ngee je zua ga; mayange je ikomon lu a vande van er ingila nahan ga, man mayange imbaikomon la ia kera va kpaa ga.

Yesaia 13:6

Gbidye nen vaa, gadia iyange i TER mgbôghom ve, ngu van er ka mtim u a dugh sha Uhembanagee cii yô.

Yesaia 13:9

Nenge, iyange i TER ngi van, ngi a mhôônom ma zungwen ga, ngi a ishimavihin kua iyugh i tsung, sha u geman tar u̱ hingir ice dang, man shi u timin mbaasorabo mba ve lu ken u kera.

Yesaia 2:12

Gadia iyange i Ter u akum a Sha ngi van sha mbaihaghev man mbagengeseyol cii, man sha akaa a i kende a sha kpaa, sha ci u hiden a a ijime,

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Yesaia 66:5

Ungwa nen kwaghôron u TER, ne mba ne gbidi ikarikase iyol sha kwaghôron Na la! Anmgbianev enev, mba ve ker ne ihom, mba ve te ne kera sha ci u iti Yam yô, mba kaan er: TER A̱ tese ase icivir Na, se̱ nenge a iember yen! Kpa ka ve, vea va ahenge ye!

Yeremia 16:10

Tsô, zum u ú pase ior mban akaaôron angan cii yô, man vea kaa a we er: Ka nyi man TER A shi ter zegekwaghbo ne cii nahana? Iferkwagh yase ka nyi? Man kwaghbo u se er TER, Aôndo wase, ka nyi?

Yeremia 16:7

á coon kwaghyan u zungwen ku, sha u á sur or ishima a mi ga; man á na or iyongo i surun ishima sha u nana ma sha ci u ter u nan, shin ngô u nan kpaa ga.

Yeremia 4:5

Pase nen ken Yuda, man yôô nen ken Yerusalem kaa nen ner: Tôngo ikpamkor ken tar; genger imo, kaa nen ner: Kohol nen, sé nyôr nen ken agar a lun a ugir.

Yeremia 5:22

Mo je kpaa ne ciam gaa? Kape TER A kaa ne. Ne kera gbidye ikarikase iyol sha ishigh Yagh gaa? Mo u M ver waarawa Mer, u̱ lu mkighir u zegemnger, sha tindi u tsôron u una kar un mayange ga yô; shin agôndo a na a va a taver kpaa, kpa nga a tahav mbu hemban je ga; shin er a te kume nahan kpaa, nga peren u ga.

Esekiel 12:23

Nahan yô, kaa a ver wer: Ter AÔNDO ngu kaan nahan er: Me na injakwagh i i lu ôron ne ia bee, man vea kera ôr kwagh sha mi er ka injakwagh nahan ken Iserael ga; kpa kaa a ve wer: Ayange mgbôghom, kua mkur u hanma mpase kpaa.

Esekiel 21:12

Genger imo, vaa, wan u or; gadia á va ta sha ior Av, á va ta sha mbatarev mba Iserael cii, i gema ve i na sanker, a ior Av imôngo; nahan yô, kure ave hen ikooso.

Esekiel 30:3

Gadia iyange la mgbôghom, ka iyange i TER i mgbôghom ye, ka iyange i abeen; ka shighe u akuraior je la.

Esekiel 33:3

man nana nenge sanker una lu van sha tar la, man nana tôngo korough, nan pase ior yô,

Esekiel 33:6

Kpa aluer orkuran nana nenge sanker van, man nana tôngo korough ga, man ior vea zua a mpase ga, man sanker za va, man una kar a ma or ken a ve kera yô; or la, á kar a nan kera sha ifer i nan, kpa awambe a nan yô, Me pine orkuran la kwagh sha mi.

Esekiel 7:10

Nenge, iyange, nenge, i ngi van; mtim wou va ve; tôgh hôm, kpar, iyolmoron mende.

Esekiel 7:12

Shighe va ve, iyange mgbôghom, or u yamen a̱ de ember ga, man or u teen kpaa a̱ de zungu ga, gadia iyugh ngi sha ikpelaior ve cii.

Daniel 6:26

M ngu wan tindi mer: Sha ajiir a i lu tartor wam cii, ior ve̱ gbidye ikarikase iyol, ve̱ cia sha ishigh ki Aôndo u Daniel; gadia ka Un A lu Aôndo u uma, u lun gbem sha won ye, tartor Na kpaa ka u timin ga, man tahav Nav mbua lu zan zan mkur je.

Daniel 9:16

Yô, Tere, sha aeren a Ou a perapera cii, shi goom a ishima i vihin You man iyugh You sha gar Wou Yerusalem kera, ka icighanwo Wou je la; gadia sha ci u asorabo ase, man aferakaa a uter asev, Yerusalem man ior Ou gema hingir kwagh u lahan hen mba ve kase se cii.

Daniel 9:20

Er m lu ôron kwagh ave, eren msen man pasen isholibo yam man isholibo i ior av Iserael, man m lu van a zamber wam sha ishigh ki TER, Aôndo wam, sha ci u icighanwo u Aôndo wam;

Hosea 5:8

Tôngo nen korough hen Gibea man ikpamkor kpaa ken Rama; gbire nen ivaa ken Bete-aven; mba van we ken ijime, Benyamin.

Hosea 8:1

Wa korough sha zwa. Bee iguve ngi shilin sha ya u TER; sha ci u ve vihi ikuryan Yam man ve per tindi Wam.

Yoel 1:15

Wuu, wuu! iyange la! Gadia iyange i TER mgbôghom ve, ia va er mtim u a dugh hen Uhembanagee nahan.

Yoel 2:11

TER genger imo sha ishigh ki mbautyav Nav la, gadia ikumutya Na kehe gande; un u a eren sha imo Na la, ka u ageegh; gadia iyange i TER ka i vesen je, i cier iyol kpaa, ka an nana fatyô u hendan ishigh a ii?

Yoel 2:15

Tôngo nen korough ken Shion, tsegha iyange i hôron kwaghyan, lôhô nen icighanmkohol;

Yoel 2:31

Iyange ia gema ia hingir ime, uwer kpaa ua hingir awambe man iyange i TER i vesen i cieryol ia va ye.

Yoel 3:14

Ikpelaior, zegeikpelaior shin pev u kuren ijir! Gadia iyange i TER i kuren ijir shin pev la mgbôghom.

Yoel 3:17

Ka nahan man né fa er M lu TER, Aôndo wen ye, M tem ken Shion, icighanwo Wam; zum la Yerusalem una hingir icighanjiir, atôatyev aa kera kar ker ga.

Amoshi 3:6

Ka a tôngo ikpamkor ken gar nahan, mciem ma ta ior iyol ga kpa? Kwagh u bo una gba nyôron ken gar tsô, a lu TER A ve a mi ga kpa?

Amoshi 5:18

Kwagh á tser ne, ne mba i sar ne pe iyange i TER ma i ve yô. Ka nyi i sar ne pe zuan a iyange i TERE? Ia lu ime, ia lu iwanger ga.

Amoshi 8:2

Tsô A kaa er: Amoshi, ka nyi u nenge a mi? M kaa mer: Ka ikese i atamaikon a inyom. Tsô TER shi kaa a mo er: Mkur va sha ior Av Iserael; kera den Yam ve je ga.

Obadia 1:15

Gadia iyange i TER mgbôghom sha akuraior cii; er u er nahan, kape we di kpaa á er a we je la; ieren you ia hire sha ityough you.

Sefania 1:14

Iyange i vesen i TER mgbôghom, ngi van fefa je; ungwa ihuran i iyange i TER! Orageegh ngu vaan tsung heregh.

Sefania 1:16

iyange i tôngon ikor man i geren ityav sha agarautya a taver man sha ayouautya a taver.

Sefania 1:7

Huan ving sha ishigh ki Ter AÔNDO! gadia iyange i TER mgbôghom; gadia TER sôr nagh ku sôngon, A tsegha mbavannya Nav.

Sefania 3:11

Sha iyange la ú kera va ahenge sha ci u aeren a ou, a u erem kwaghbo sha mi la ga; gadia hen shighe la Me kar a mbagengeseyol ken a we kera cii, man mayange ú kera seer tesen imanger you sha icighanwo Wam ga.

Sekaria 14:1

Nenge, iyange i TER ngi van, i á kar ishar you ken atô wou yô.

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Numeri 10:2

Er ukakaki uhar sha azurfa, var a var ve, ve̱ lu u kwagh u yilan ior a mi, man u yôôn sha er i̱ hembe hen afo i̱ yem hemen yô.

Numeri 10:3

Zum u á tôngo ve uhar yô, ior cii ve̱ kohol her a we hen hunda u tenti u kohol ker la.

1 Mbakorinte 14:8

Gadia ikpamkor kpaa, aluer ia kaa imo hughuluu yô, ka an nana kange iyol i utya?

Mbafilipi 2:12

Nahan yô, ne mbadoon mo ishima, er ne vande lun a iko i wan gbem nahan, i̱ de lu sha shighe u mo m lu a ven la tseegh ga kpa i̱ hemba a hemba hegen er m lu a ven ga ne; eren nen tom sha myom wen a mciem man ikarikase iyol

1 Mbatesalonika 5:2

Gadia ne ayol a en ne fa doo doo, iyange i Ter ngi van er ormbaiv ka nan va tugh nahan.

Yakobu 5:8

Ne kpaa, wa nen ishima nahan, taver nen asema a en gadia m-ande u Ter mgbôghom ikua ikua je.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

Mpase U Yohane 6:17

gadia zegeiyange u iyugh Na kuma ve, ka an je nana fatyô u tilen sha?