Yesaia 9:7 - ICIGHAN BIBILO

⁷ Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yesaia 9:7 Iomraidhean Croise

2 Samuel 7:16

Ya wou kua tartor wou vea tile dông sha ishigh you gbem; ikônough you ki torough kia lu her gbem sha won.

2 Utor 19:31

Gadia ka ken Yerusalem asande a a shi her yô, aa due man sha uwo u Shion kpaa mbawaren vea due. Gbashima u TER una er kwagh ne.

Upasalmi 2:8

Sônom, yô, Me na U akuraior, a̱ hingir dyako Wou, man akighir a tar kpaa, a̱ hingir kwagh Wou je.

Yesaia 11:1

Iceren una tser sha ikpughur u Yese, gbaa una due ken amise na, una ume atam je;

Yesaia 16:5

zum la á tar ikônough ki torough sha erdoo man orgen nana tema sha mi sha jighjigh, ken tenti u Davidi, u nana ôr ijir, nana keren mimi man nana eren kwagh sha perapera fefa je.

Yesaia 2:4

Una ôr ijir her atô u akuraior, Una kure kwagh u ior kpishi; nahan vea gema usanker vev, vea var indyuhar a mi, awange a ve kpaa aa hingir ahô a sôron ikon a mi; ikurior igen ia kera tsuwa sanker a ikurior igen ga, vea kera hen ityav mbi nôngon kpaa ga.

Yesaia 26:11

TERE, shin er uwegh Ough ku kende Sha nahan kpaa, mba nengen ga; kpa vea va nenge man kunya ua kôr ve sha gbashima Wou u sha ior Ou la; usu ua hia mbahendan a We la.

Yesaia 37:32

Gadia ka ken Yerusalem asande a a shi her yô, aa due, man sha uwo u Shion kpaa mbawaren vea due; gbashima u TER u akum a Sha Una er kwagh ne.

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 42:13

TER Una due er or u ageegh nahan, Una mough sha kume er ornôngontyav nahan, Una genger imo, een, Una er ikenge, Una tese mbaihomov Nav tahav Nav.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Daniel 2:35

Tsô hen shighe la je, i hembe iyôgh ki iligh man inyatyuu man togula man azurfa man zenaria cii, hingir er ka imough i sha vande u gbidyen iyiagh inyom yô; ahumbe purugh a mi kera, je avindigh a i tsô kpaa kera lu ga, man iwen i i te sha eev mbula gema hingir zegewo, iv tar cii.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Hagai 2:9

Icivir i iyou ne i masetyô ia hemba i tsuaa la, kape TER u akum a Sha A kaa ne; hen ijiir ne Me na bem, kape TER u akum a Sha A kaa ne.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

YOHANE 12:34

Tsô ikpelaior gema kaa a Na er: Se ungwa ken atindi er Kristu Una lu gbem; man er nan U kaan Wer, á kende Wan u or sha kenge? Wan u or la ka ana?

Mbaheberu 1:8

Kpa sha kwagh u Wan la yô, A kaa er: Aôndo, ikônough You ki torough yô, ka ki tsôron gbem sha won; ka tôgh ku perapera je, ku lu tôgh ku tartor Wou ye.

Mbaheberu 7:24

Kpa Un yô, ngu lun gbem sha won, nahan ngu a tom u pristi la gbem, ua kera hire sha orgen ga.

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.