Yesaia 9:6 - ICIGHAN BIBILO

⁶ Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yesaia 9:6 Iomraidhean Croise

2 Samuel 7:13

Ka un una maa iyou sha ci u iti Yam ye, Mo kpaa Me ver ikônough nagh ki torough kia lu gbem.

2 Samuel 7:16

Ya wou kua tartor wou vea tile dông sha ishigh you gbem; ikônough you ki torough kia lu her gbem sha won.

1 Utor 10:9

I̱ wuese TER, Aôndo wou, u u doo Un ishima A ver u sha ikônough ki torough ki Iserael; ka er Iserael a doo TER ishima gbem man A ver u tor er u̱ ôron ijir, shi u̱ eren perapera kpaa ye.

1 Utor 2:33

Nahan awambe ve a̱ hide sha ityough ki Yoabi man sha tsombor na gbem; kpa Davidi man tsombor na man ya na kua ikônough nagh ki torough yô, vea lu a bem u TER gbem sha won.

1 Utor 2:45

Kpa tor Solomon yô, una lu a iveren ikônough ki torough ki Davidi kpaa kia lu dông sha ishigh ki TER gbem.

Nehemia 9:32

Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Upasalmi 45:3

Har sanker Wou a̱ gba hen ikooso, We u ageegh, cir iengem You man icivir You iyol.

Upasalmi 45:6

Aôndo, ikônough You ki torough ki gbem sha won, tôgh ku tartor Wou ka ku perapera je,

Upasalmi 45:7

perapera doo U ishima, kpa iferkwagh yô, vihi U ishima, ka nahan man Aôndo, Aôndo Wou, A shigh U mkurem ma iember hemba mba kwav Wou ye.

Upasalmi 50:1

Uhembanagee, Aôndo, TER, ngu ôron kwagh, ngu yilan tar hii sha iyangeduen je zan zan ar shin iyangemiren.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 72:3

Iwo i̱ va ior a bem, kua agungu kpaa, sha perapera.

Upasalmi 72:7

Sha ayange na yô, i̱ kpe orperapera iyol, man bem a̱ ngee zan zan uwer ua kera lu ga.

Upasalmi 85:10

Erdoo man mimi ve zua ve, perapera man bem suse zwa ayol a ve,

Upasalmi 89:5

TERE, Usha mba wuese akaa a Ou a kpilighyol kua jighjigh Wou u mimi kpaa, ken mkohol u uicighanmbaiorov.

Anzaakaa 8:23

I verem m lu sha uichôronmbaashighev mba ngise la, ka sha mhii u akaa er i lu a gba tar ga la je.

Yesaia 10:21

Asande aa hide, asande a Yakob je, aa hide hen Aôndo u ageegh.

Yesaia 11:5

Perapera una lu kwange Na u shin iwenge man mimi una lu kwange Na u hen uya.

Yesaia 16:5

zum la á tar ikônough ki torough sha erdoo man orgen nana tema sha mi sha jighjigh, ken tenti u Davidi, u nana ôr ijir, nana keren mimi man nana eren kwagh sha perapera fefa je.

Yesaia 26:12

TERE, Ú ver se bem, gadia ityom yase cii kpaa ka We U er se i ye.

Yesaia 26:3

Ishima i tiaver i geman kposo ga la, Ú kura i, ia lu bem bem, gadia ngi suur sha a We.

Yesaia 28:29

Kwagh ne kpaa ka hen TER u akum a sha a dugh ye, Un u A lu a mhen u kpilighyol kua kwaghfan u hemban cii la.

Yesaia 32:1

Nenge, tor ugen una tema tor sha perapera, atiator kpaa aa kura tar sha ijirôron i mimi.

Yesaia 37:32

Gadia ka ken Yerusalem asande a a shi her yô, aa due, man sha uwo u Shion kpaa mbawaren vea due; gbashima u TER u akum a Sha Una er kwagh ne.

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Yesaia 53:2

Gadia A vese sha ishigh Nagh er zamkon nahan, man er mise u shin inya i ombor yô, lu a ma mkomashe, shin icivir i sé kenger Un ga, lu a ma dooashe u Una sar se kpaa ga.

Yesaia 53:5

Kpa i kuma Un sha ci u akaabo ase, i vihi Un iyol sha ci u aferakaa a ase; mtsaha u van se a bem la, gema lu sha a Na; ka sha igbidiv Nav man i wanger se ye.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Yesaia 66:12

Gadia TER ngu kaan nahan er: Me va un a bem er ifi ka a va nahan, kua icivir i akuraior kpaa er uwagh ka u sar avenge nahan; nea ambe, á ta ne sha ihan je, man á numbe a ven sha anu je.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 8:18

Nenge, mo kua ônov mba TER A nem ne, se mba uivande kua akav hen Iserael sha ikev i TER u akum a Sha, u A tem sha uwo u Shion la.

Yeremia 31:22

Shi nan je man ú de u tan akpelan, we wankwase u u undu mimi wou ne? Gadia TER gba kwagh ugen u he shin tar: kwase nana kura nomsoor!

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Hagai 2:9

Icivir i iyou ne i masetyô ia hemba i tsuaa la, kape TER u akum a Sha A kaa ne; hen ijiir ne Me na bem, kape TER u akum a Sha A kaa ne.

Mateu 1:1

Takerada u tsombor u Yesu Kristu Wan u Davidi, wan u Aberaham la.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Luka 1:35

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

Luka 2:11

gadia i mar ne Oryiman ken gar u Davidi nyian, ka Kristu Ter je la.

Luka 2:14

I̱ wuese Aôndo Sha, shin tar yô, bem a̱ lu sha ior mba i doon Un a ve la.

Luka 21:15

gadia Mo Me na ne zwa man mfe u mba ve hendan kwagh a ven cii vea fatyô u vendan ga, u nyiman kpaa ga yô.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 1:16

Gadia ka ken m-iv Na man se cii se ngohol ye, mrumun u sha mhôôn u zan hemen ken mrumun u sha mhôôn.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

Mbaromanu 9:5

Mba a uter mba tamen la kpaa man shi ka ken ve man i mar Kristu ken iyol kpaa ye. Un ka Aôndo u hemban akaa cii, i̱ wuese Un gbem sha won. Amen.

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

1 Mbakorinte 15:25

Gadia ka u Una ya tor keng, zan zan Una gema mbaihomov Nav cii, vea lu shin angahar a Na.

2 Mbakorinte 5:19

Inja na yô, Aôndo lu ken Kristu, lu himen tar a iyol Na, kera na ve ibo sha mbamper mba ve per tindi la ga, shi A na se loho u mhim la sha ikev kpaa.

Duteronomi 10:17

Gadia TER, Aôndo wen, Un ka Aôndo u mbaaôndo man Ter u uter, ka Aôndo u hemban, u ageegh, u cieryol, u sangen a sange ga, ngohol inyaregh kpaa ga;

Mbakolose 2:3

Ka ken a Na man i yer akaa a injaa cii a sha kwaghfan man mkav kpaa ye.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Mbaheberu 1:8

Kpa sha kwagh u Wan la yô, A kaa er: Aôndo, ikônough You ki torough yô, ka ki tsôron gbem sha won; ka tôgh ku perapera je, ku lu tôgh ku tartor Wou ye.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.

Mbaajiriv 13:18

Ortyom u TER gema kaa a na er: Ka nyi u pin iti yama, gadia ka i kpilighyol.