Yesaia 9:5 - ICIGHAN BIBILO

⁵ Gadia hanma ikôvough ki nguhar ki orutya ki ki lu karen a m-ov, man ikondo i haan iyol, i i gem i i shigh i awambe la yô, á nande kera, á hingir kwagh u keer usu a mi.

Yesaia 9:5 Iomraidhean Croise

Genese 32:30

Yakob maa ii ijiir la iti er Peniel; gadia a kaa er: M zua ishigh a Aôndo, nahan kpaa, uma wam war.

Upasalmi 46:9

A er ityav mbi bee zan zan ar hen ikighir i tar je, A sombo ada, A kever iwange, A nande akekeautya sha usu.

Upasalmi 72:3

Iwo i̱ va ior a bem, kua agungu kpaa, sha perapera.

Ekesodu 23:21

Ver nen ishima sha a Na, ver nen ato sha imo Na kpaa; shi de hendan nen a Na ga; gadia Una de ne asorabo a en ga; gadia iti Yam ngi ken a Na.

Yesaia 13:4

Ungwa, ayôôso baver baver sha iwo er ka zegeikumior yô! Ungwa, ayôôso a ityartor i akuraior a a kohol imôngo yô! TER u akum a Sha ngu kohol ikumutya sha ci u ityav mbi nôngon.

Yesaia 2:4

Una ôr ijir her atô u akuraior, Una kure kwagh u ior kpishi; nahan vea gema usanker vev, vea var indyuhar a mi, awange a ve kpaa aa hingir ahô a sôron ikon a mi; ikurior igen ia kera tsuwa sanker a ikurior igen ga, vea kera hen ityav mbi nôngon kpaa ga.

Yesaia 30:33

Gadia i vande sôron Tofeti ngise je; i sôr un sha ci u utor kpaa; A er un a za man a gbanger kuma sha ci u usu man ikon kpishi je; iôôn i TER ngi er ka ikuwan i sulfur nahan, ngi tsaren un.

Yesaia 37:36

Tsô ortyom u TER due za wua ior dubu deri man dubu akunduanyiin kar utaan ken afo a Mbaashiria. Zum u ior nder pepe yô, nenge, ve lu akom gbulugh gbulugh.

Yesaia 4:4

shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

Yesaia 9:4

Gadia igber i i yoho un man gbough ku sha ijime na kua kwagir u or u kighir un a ican la, U sombo kera er sha iyange i Midian yô.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Yeremia 47:3

Sha ci u acin a apande a anyinya na, man sha ayem a akekeautya a na, man sha mhor u akaver a a, uter kera gema ashe ijime ape ônov vev lu ga, sha ci u ave ve hingir livaa;

Yoel 2:5

Er ihuran i akekeautya nahan, kape ve tsuwen sha ityouv mbi iwoov la, bee er ka kume u nomborusu u hian toho nahan man shi er ior mba ageev mba tangen ityav nahan.

Levitiku 3:11

Pristi a̱ gema cii, a̱ nande sha atse; ka kwaghyan u nagh ku usugh ku nan TER.

Levitiku 3:16

Pristi a̱ gema cii, a̱ nande a sha atse; ka kwaghyan u nagh ku usugh ku human doon je la; ahôm cii ka a TER.

Mika 5:1

Hegen yô, kohol akum akum, we wankwase u akumautya; i kase se sha utya; vea gbidye ortaregh u Iserael gbough sha henge.

Nahum 3:2

Iov i akpa, man ihuran i akaver a akeke, anyinya a eren iyar, man akekeautya a zenden gungula gungula!

Sekaria 6:13

ka un je una maa tempel u TER ye; una ya icivir i tor, una tema tor sha ikônough nagh ki torough man una lu pristi sha ikônough nagh ki torough; mhen u bem una lu her atô u ve mba uhar.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Aerenakaa A Mbaapostoli 2:19

Me er akaa a kpilighyol sha kwavaôndo kua uivande shin tar; awambe man usu man mnyim ma a kôndon Sha.

Aerenakaa A Mbaapostoli 2:3

Tsô ve nenge iniombor er ka i usu nahan, samber tema sha hanmô ve ser ser.

2 Timoteu 1:8

ken igyamusu; Una tsaha mba ve fe Aôndo ga man shi mba ve we Loho u Dedoo u Ter wase Yesu iko ga la kpaa.

Mbaajiriv 13:18

Ortyom u TER gema kaa a na er: Ka nyi u pin iti yama, gadia ka i kpilighyol.

1 Samuel 14:19

Tsô er Saulu lu ôron kwagh a pristi la yô, ayôôso a ken afo a Mbafiliti lu seer a seer zan hemen; nahan Saulu kaa a pristi er: Tôô uwegh ough kera.