Yesaia 9:4 - ICIGHAN BIBILO

⁴ Gadia igber i i yoho un man gbough ku sha ijime na kua kwagir u or u kighir un a ican la, U sombo kera er sha iyange i Midian yô.

Yesaia 9:4 Iomraidhean Croise

Genese 27:40

Ka sha sanker wou man ú lu uma ye, ú shiren anngôu kpaa; zum u ú kpoghol iyol yô, ú kende igbur na sha mon wou kera.

Upasalmi 125:3

Gadia tôgh ku iferegh kua tema sha tar u i ne mbaperapera la ga, sha u mbaperapera ve̱ de naregh ave, ve̱ bende a ifer ga yô.

Upasalmi 81:6

M tôô un ikav sha vande sha, a pase ave na sha ikese kera.

Yesaia 10:16

Ka nahan man Ter, TER u akum a Sha, Una tindi ikande hen mbakehen nav; man shi shin atô a icivir na, mhie una hia er mhie u usu nahan.

Yesaia 10:5

Kwagh á tser u, Ashiria, gbough ku iyugh Yam; ishimavihin Yam ngi ken uwegh vegh er aga nahan.

Yesaia 14:25

Me sombo Orashiria ken tar Wam, man sha iwo Yam kpaa, Me ndyar un shin angahar; tsô igbur na ia osogh sha ve kera, ikav nav kpaa mbia kar sha avande a ve kera.

Yesaia 16:4

De mba i num ve kera la, ve̱ tema a we imôngo, gema hingir Moabi ijiir i yeren ortimin; gayô zum u orkighir nana kera lu ga yô, mtim una bee man mbandyaren ior shin angahar vea bee shin tar kera yô,

Yesaia 47:6

Ishima vihim a ior Av, M hôngor a dyako Wam, shi M na ve sha ikev you, mayange u zungwe ve mhôônom ga; mbatamen kpaa u kighir ve igbur you i yuhwan tsung la sha mon.

Yesaia 49:26

Mba ve kighir we a ican la, Mo Me na ve inyam ve vea ya; vea hunde sha awambe a ve ayol a ve kpaa, er ka sha wain u nyohon nahan; man uuma cii vea fa er Mo, TER, M lu Oryiman wou man Orpaan wou kpaa ye, Uageegh u Yakob.

Yesaia 51:13

man TER u A gbe u la hungul we, Un u A samber Usha, man A tim imagh ki taregh la; man u shi cian didi sha ci u iyugh i orkighir, zum u a kohol iyol sha u timin la. Nahan iyugh i orkighir ngi han hegen ase?

Yesaia 52:2

Nduur ihundu iyol kera; mough, tema sha, we Yerusalem; sagh ikangenev sha mon wou kera, we wankwase u kwaregh u Shion.

Yesaia 54:14

Ka sha perapera ú tile taveraa ye; fa er u gbe ica a mkighir u sha ican yô, gadia gba u ú cia ga; man u gbe ica a kwagh u tan mciem iyol kpaa, gadia una sosom a we ga.

Yesaia 9:5

Gadia hanma ikôvough ki nguhar ki orutya ki ki lu karen a m-ov, man ikondo i haan iyol, i i gem i i shigh i awambe la yô, á nande kera, á hingir kwagh u keer usu a mi.

Yeremia 30:8

Tsô sha iyange shon la, kape TER u akum a Sha A kaa ne, Me sombo igbur na sha mon ve, Me tôndo ikangenev vev, ior i tar ugen ia kera gema ve er vea er ve tom ga,

Yeremia 48:17

Ne mba ne kase un cii, zungwe nen un, kua ne cii mba ne fe iti na kpaa; kaa nen ner: Nenge, er i kever tôgh ku taver, gbough ku doon ashe la!

Levitiku 26:13

Ka Mo TER M lu Aôndo wen, u M dugh a ven ken tar u Igipiti, sha er né kera lu ikpan ve ga yô, shi M sombo amande a igbur i sha mon wen, M er ne ne zende sha nôô nôô.

Nahum 1:13

Hegen yô, Me kever igbur na sha mon wou kera, man Me tôndo ikangenev you kera.