Yesaia 9:13 - ICIGHAN BIBILO

¹³ Nahan kpaa ior gema her a Na, u A tsaha ve la, ga; shi ve ker TER u akum a Sha kpaa ga.

Yesaia 9:13 Iomraidhean Croise

2 Kroniku 28:22

Zum u ican tser un la, a seer peren atindi a TER, un tor Ahashi shon la;

Yobu 36:13

Mba ve we Aôndo iko ken asema ve ga yô, ve mba a ishima i nyoon; mba keren iwasen shighe u A kange ve la ga.

Yesaia 1:5

Ka nyi shi i lu ne pe i̱ seer gbidyen ne, er ne taver ishima u undun gbenda? Ityough cii gba angev, kua ishima cii kpaa ure.

Yesaia 19:15

Mayange á shi Igipiti a ma tom ga, u ityough shin tsa, shin ndaregh ku ivilegh shin ikenaika, vea er ga.

Yesaia 26:11

TERE, shin er uwegh Ough ku kende Sha nahan kpaa, mba nengen ga; kpa vea va nenge man kunya ua kôr ve sha gbashima Wou u sha ior Ou la; usu ua hia mbahendan a We la.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 57:17

Ka sha ci u ifer i hua na, M yuwe, M gbidye un, M yer ishigh Yagh kera sha ishima i vihin ye; nahan kpaa a hulugh a gba zan gbenda u sha ishima na tsô.

Yesaia 7:20

Sha iyange la TER Una hondo sha atsem u i goho a goho un yande Ifi la, ka sha tor u Ashiria je la, Una hondo ice i sha ityo kua i shin angahar, indyer kpaa Una torough i kera.

Yeremia 15:7

M peer ve sha tser hen ihinda i tar ve la; M tsuwe ve ônov kera, M tim ior Av; ve undu igbenda ve la ga.

Yeremia 29:11

Gadia M fa mbamhen mba M lu henen sha a ven ne, kape TER A kaa ne, ka mhen u bem, ka u bo ga, sha u nan ne ishimaverenkeghen i dedoo ken masetyô.

Yeremia 5:3

TERE, ka mimi ashe Ou a keren gaa? U gbidye ve, kpa nyoon ve ga; U tim ve kera, kpa ve rumun mkôôm ga, ve taver ishiv vev je, hemba vande; ve venda u geman asema.

Esekiel 22:24

Wan u or, kaa a u wer: U ngu tar u i wanger u ga, man i nee ura sha u sha iyange i iyugh kpaa ga yô.

Esekiel 24:13

Sha ci u ijimba you i dang la, sha ci u M wanger we, kpa u wanger ga, nahan á kera wanger we sha hôngor wou ga, zan zan iyugh Yam sha a we ia mem.

Daniel 9:13

Er i nger ken atindiakaa a Mose nahan la, kape kwagh u bo ne cii a tser se ne; nahan kpaa se kera zamber TER, Aôndo wase, ser A̱ zungwe se ga, se de aferakaa a ase ga man se wa mimi Wou iko kpaa ga.

Hosea 5:15

Me shi Me hide hen ijiir Yam, zan zan vea rumun ibo ve, vea ker ishigh Yagh; ken ican ve la vea kerem sha gbashima.

Hosea 7:10

Ihagh i Iserael ngi nan un ibo ken igbar je, nahan kpaa ve hide hen TER Aôndo ve ga, ve kera ker Un kpaa ga.

Hosea 7:16

Ve gema, kpa ve ver ishigh Sha ga; mba er ada u bo nahan; á wua mbatarev vev sha sanker sha ci u kwaghôron ve u dang sha zwa ve. Kwagh ne una hingir u nahan ve tar a mi ken Igipiti.

Amoshi 4:10

M haa ne bouange, sha inja i Igipiti la; M wua ikaior yen sha sanker, M kar a anyinya a en kera; M na ihuma i ken afo a en i nyôr ken ahenga a en je; nahan kpaa, ne hide her a Mo ga, kape TER A kaa ne.

Amoshi 4:6

M gema M na ne mwanger u anyiigh ken agar a tamen a en cii, man mban u kwaghyan ken ajiir a en a teman cii; nahan kpaa, ne hide her a Mo ga, kape TER A kaa ne.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Duteronomi 4:29

Nahan ú gba keren TER, Aôndo wou, keregh; ú zua a Na je, aluer u ker Un a ishima you cii man a uma wou cii yô.